Fréttablaðið - 21.07.2009, Blaðsíða 10

21. júlí 2009 ÞRIÐJUDAGUR
Framlag íslenska ríkisins til endur-
fjármögnunar bankanna þriggja
nemur 271 milljarði króna. Fjár-
magnið verður lagt til bankanna
þann 14. ágúst næstkomandi. Hugs-
anlegt er að framlagið lækki um 73
milljarða í 198 milljarða króna ef
kröfuhafar Glitnis og Kaupþings
fallast á samkomulag þess efnis
að þeir eignist Nýja Kaupþing og
Íslandsbanka að hluta eða öllu leyti.
Landsbanki Íslands kemur til með
að vera að fullu í eigu ríkisins. Frá
þessu var greint á blaðamannafundi
í Þjóðmenningarhúsinu í gær.
„Það er afskaplega mikilvægt við
þetta samkomulag að það er verið
að lágmarka kostnað ríkisins og þar
með skattgreiðenda af falli bank-
anna,“ segir Jóhanna Sigurðardóttir
forsætisráðherra. „Þetta samkomu-
lag mun stuðla að auknu aðgengi
að lánsfjármörkuðum erlendis og
draga úr hættu á málssókn á hend-
ur ríkinu.“
Samkvæmt samkomulaginu munu
erlendir kröfuhafar eignast 87 pró-
senta hlut í Nýja Kaupþingi. Ríkið
mun því eiga að lágmarki þrettán
prósenta hlut í bankanum og alls
óvíst hvort sá hlutur verður seldur,
en hugsanlegt er að hlutur ríkisins
verði stærri. Kröfuhöfum Glitnis
gefst kostur á að eignast Íslands-
banka að öllu leyti. Óljóst er á þess-
ari stundu hvort kröfuhafar nýti
sér þennan kost og hugsanlegt að
eignarhaldið muni verða að hluta
til í höndum ríkisins. Ef kröfuhafar
nýta sér ekki þann kost að eignast
Nýja Kaupþing og Íslandsbanka nú
í haust hafa þeir kauprétt á hlutum
í bönkunum tveimur á árunum 2011
til 2015.
„Þetta samkomulag dregur úr
fjárbindingu ríkisins í bankakerf-
inu,“ segir Steingrímur J. Sigfús-
son fjármálaráðherra. „Það er mik-
ilvægt að óvissunni er eytt og það
á ekkert að geta komið í veg fyrir
að bankarnir verði endurfjármagn-
aðir þann 14. ágúst.“ Hann segir að
það sé möguleiki að erlendu kröfu-
hafarnir hafni samkomulaginu um
að gerast hluthafar í nýju bönkun-
um. Ef svo fer þá muni áætlun taka
við þar sem ríkið mun eiga bankana
áfram.
Ef svo fer munu kröfuhafar eiga
kauprétt sem mun hljóða upp á upp-
haflegt framlag auk vaxta og álags.
Samkvæmt heimildum Fréttablaðs-
ins nemur álagið fimm prósentum
ofan á þá fjárhæð. bta@frettabladid.is
Kostnaður ríkisins
271 milljarður króna
Endurfjármögnun bankanna var kynnt í gær. Hugsanlegt er að Íslandsbanki
og Nýja Kaupþing verði að hluta eða öllu leyti í eigu erlendra kröfuhafa gömlu
bankanna. Landsbankinn verður áfram að fullu í eigu ríkisins.
ENDURFJÁRMÖGNUN BANKANNA
„Það fyrsta sem
ég rak augun í
er að það vant-
ar alla varnagla
við að útrásar-
víkingarnir geti
komist á ný til
áhrifa í íslensku
fjármálalífi,“
segir Þór Saari,
þingmaður Borgarahreyfingarinnar.
Honum hafði ekki gefist færi á að
kynna sér samningana til hlítar í gær
en hlaut stutta kynningu í hádeginu.
„Hitt stóra atriðið sem ég sá í
fljótu bragði er að ef Íslandsbanki
verður seldur til útlendinga þá fylgja
með eigur á borð við hlutinn í Geysi
Green Energy. Þar með eignast
útlendingarnir hlut í orkuauðlindun-
um og það má ekki gerast.“
- bþs
SKORTIR VARNAGLA
UM VÍKINGANA
„Við höfum talað
fyrir því að það
væri æskilegt að
hleypa erlendum
kröfuhöfum að
eignarhaldi í
bönkunum og
það er vonandi
loksins að gerast
núna,“ segir
Birkir Jón Jónsson, varaformaður
Framsóknar flokksins.
Honum sýnist í fljótu bragði séð að
samkomulagið samræmist hugmynd-
um flokksins en gagnrýnir seinagang
í málinu.
„Þetta hefur dregist á langinn og
atvinnulífið og heimilin þurft að súpa
seyðið af því. Þessar seinkanir hafa
bæst við seinkanir á öðrum málum
ríkisstjórnarinnar og gert öllum afar
erfitt fyrir,“ segir Birkir. - bþs
GOTT AÐ FÁ
KRÖFUHAFANA AÐ
Pétur H. Blöndal,
þingmaður Sjálf-
stæðisflokksins,
kveðst ánægður
með niðurstöð-
una, enda leysi
hún margvísleg
vandamál, til
dæmis við mat
kröfuhafa á upp-
gjörum bankanna.
Sjálfur kynnti Pétur hugmynd að
svipaðri lausn fyrir um hálfu ári.
„Með þessu kemur erlent eigið
fé í bankana, sem ætti að bæta
stöðu krónunnar, aukið lánstraust og
erlend þekking á bankarekstri.“
Þá segir Pétur að við þessa
formbreytingu færist meginhluti
atvinnulífsins aftur undan opinberri
forsjá sem forðar því frá hættunni á
pólitískum afskiptum. - bþs
ÞETTA LEYSIR
MÖRG VANDAMÁL
PÉTUR H. BLÖNDAL
BLAÐAMANNAFUNDUR Í ÞJÓÐMENNINGARHÚSINU Endurfjármögnun og endur-
skipulagning á eignarhaldi bankanna þriggja var kynnt í gær. Steingrímur J. Sigfússon
segir mikilvægt að óvissu um framtíð bankanna sé eytt. FRÉTTABLAÐIÐ/GVA
BIRKIR J. JÓNSSONÞÓR SAARI
■ Nýja Kaupþing
Ríkið mun leggja Nýja Kaupþingi til 70 milljarða í hlutafé sem gamla Kaupþing mun kaupa af ríkinu
hafi kröfuhafar áhuga á því að eignast hluti í Nýja Kaupþingi. Ríkið mun hafa mann í stjórn bankans.
Ákveði gamla Kaupþing, sem er í eigu erlendra kröfuhafa, að nýta sér réttinn á því að eignast nýja
bankann hefur ríkið skuldbundið sig til að leggja bankanum til 25 milljarða lán auk átta milljarða í
hlutafé. Ef af samkomulaginu verður munu erlendir kröfuhafa eignast 87 prósenta hlut í Nýja Kaupþingi.
Ríkið mun eiga þrettán prósenta hlut í Kaupþingi. Óljóst er hver vilji kröfuhafa er á þessari stundu og
gæti hlutur ríkisins orðið umtalsvert stærri en fyrrgreind þrettán prósent.
Ríkið mun leggja nýja Landsbankanum til 140 milljarða króna og kemur bankinn til með að vera að
fullu í eigu íslenska ríkisins. Steingrímur J. Sigfússon segir að samsetning kröfuhafa bankans sé með
þeim hætti að afar ólíklegt sé að þeir hafi áhuga á bankarekstri.
Helstu kröfuhafar bankans eru breska og hollenska ríkið auk sveitarfélaga í Bretlandi og Hollandi.
■ Landsbankinn
Glitni gefst kostur á að eignast Íslandsbanka að öllu leyti. Glitnir er nú í eigu erlendra kröfuhafa sem
skilanefnd bankans er í forsvari fyrir. Íslenska ríkið mun forfjármagna bankann þann 14. ágúst og
leggja honum til 60 milljarða króna í hlutafé. Glitnir mun síðan hafa kost á að kaupa þann hlut sé
áhugi fyrir hendi. Ríkið mun þar að auki lána bankanum 25 milljarða í víkjandi lán.
Hugsanlegt er að þrátt fyrir að Glitnir eignist alla hluti í Íslandsbanka muni ríkið koma að eignar-
haldi hans. Óljóst er á þessari stundu hvort það sé vilji kröfuhafa að breyta víkjandi láni ríkisins í
hlutafé eða greiða það til baka og eignast þar með bankann að öllu leyti.
■ Íslandsbanki
Gildir til 26. júlí eða á meðan birgðir endast.
1.019kr/kg.
SVÍNAKÓTILETTUR
KRYDDLEGNAR
Merkt verð 1.698.-
1.599kr/pk.
JENSENS
BBQ SVÍNARIF
599kr/pk.
BBQ
BORGARAR
1.598kr/kg.
POTTAGALDRAR
LAMBALÆRISSNEIÐAR
Merkt verð 1.998.-
599kr/pk.
BBQ
BORGARAR
Merkt verð 749.-