Andvari - 01.10.1965, Blaðsíða 5
JAKOB JÓH. SMÁRI:
AKALL
ÚR ÓPRENTUÐUM SÖNGVASJÓNLEIK
Heill sé þér, dagur, — dagsins fögru synir,
dýrlegt er skin á yðar Ijósu brá.
Liðin er nóttin, — lífs og sólskins vinir
luku upp gullnum hliðum austri frá.
Flœðir nú yfir fold og mar og geima
furðulegt Ijós, sem birtir alla heima.
Heill sé þér, dagsins starf og stríð og máttur,
styrkurinn til að fremja göfug verk.
Lofi þig sérhver lífsins andardráttur,
lofi þig sérhver tunga, heil og sterk.
Hylli þig allt það líf, er Ijósið þráir,
líf það, er kuldi og myrkur nœtur þjáir.
Heill sé þér, sól, er vermir allt og alla;
angandi blómin kyssir þú á grund.
Heyrir þú jörðu úr húmi geimsins kalla;
henni þú lyftir upp um skamma stund
til þess að finna Ijós og líf að nýju,
laugast í þínu geislabaði hlýju.
Heill ykkur, góðu máttarvöld og vitru,
vekið þið starfsins þor í hjarta manns!
Grœðið þið meinin, forðið böli bitru!
Beinið þið öllu leið til rétts og sanns!
Lýsið þið augum, lengi þreytt er störðu!
Lítið í náð til allra hér á jörðu!