Andvari - 01.01.1932, Side 8

4 Sigurður Stefánsson prestur í Ögurþingum Andviri
vinnu, 03 slíkt hið sama börnum sínum, er þau höfðu
þroska til.
Sigurði var fengin fjárgeymsla á sumrum, er hann
var 8 vetra. Skyldi hann gæta 100 ásauða í Tindastóli,
allfjarri bæjum. Þeim starfa hélt hann, til þess er han»
var 16 vetra. Á vetrum var Sigurður við fjárgeymslu
með föður sínum, allt til fermingaraldurs, en þá gjörðist
hann beitarhúsamaður. Beitarhús voru fjarri byggð. Var
því enn svo, að við fáa var geði að blanda. Hafði þetta
allmikil áhrif á lundarfar Sigurðar, að því er hann sjálfur
sagði. Varð hann dulur í skapi, heldur óþjáll á þeim
árum og ekki mannblendiun.
Móðir Sigurðar var vitur kona og geymdi sjálf skaps
síns. Hún unni mjög syni sínum.
Sigurður móðurfaðir Sigurðar prests, er hann var eftir
heitinn, var þar á Heiði með dóttur sinni og tengda-
syni, eftir það er hann brá búi. Hann var maður vel
viti borinn og hagorður. Mjög var hann siðvandur og
trúrækinn, svo að við ofsa lá. Hann var mjög áhuga-
samur um landsmál og hreifst af frelsisöldu þeirri, er
Baldvin Einarsson og Fjölnismenn vöktu. Varð hann
heitur fylgismaður ]óns Sigurðssonar. Sigurður Guð-
mundsson átti talsverðan bókakost. Var þar á Heiði
betri bókakostur en víðast á bændaheimilum. Var þar
á meðal flest það, sem ritað hafði verið um landsmál á
viðreisnartímabilinu, er hófst með áðurgreindum mönn-
um. Sigurður yngri hneigðist mjög að bóklestri. Mun
þar hafa valdið nokkru áhugi móðurföður hans á þjóð-
málum. Lét hann sér mjög annt um uppeldi dóttur-
sonar síns, og brýndi fyrir honum með skynsemd að
verða nýtur maður landi sínu og réttlátur.
En þar á Heiði var vinnuharka allmikil, og gafst því
lítið tóm til bóknáms. Þó var þar heimiliskennari þrjá