Andvari - 01.01.1932, Side 17

Andvari
Sigurður Stefánsson prestur í Ogurþingum.
13
allt af í flokka um sjálfstæðismálin, og sýndist sínum
hvað, þótt höfuðmarkið væri eflaust hið sama hjá flest-
um.
í þessum þingdeilum um sjálfstæðismálin átti Sigurður
oft hörð einvígi við foringja andstöðuflokkanna. Voru
þeir sumir kappsmenn miklir, en málið tiifinningamál.
Varð viðureign stundum með svo miklu kappi, að við
voða sjálfan þótti liggja. En til fjandskapar leiddu þær
deilur aldrei, og má af því marka, að þar áttust við þeir
menn, er kunnu að meta drengskap, þótt hvorugir vildu
hlut sinn láta.
Af öllum þeim þingmálum, er Sigurður lét sig nokkru
skipta, var honum sjálfstæðismálið hugstæðast. Sagði
hann engin málalok á þingi hafa orðið sér slíkt fagn-
aðarefni sem úrslit sjálfstæðismáisins 1918, og hefði
hann þá getað iátið af þingmennsku ánægður og sáttur
við alla menn, þótt margt hefði honum mislíkað stór-
lega af gerðum þingsins á hinum síðari þingmennsku-
árum. Taldi hann fullan sigur unninn íslandi til handa
með fullveldisviðurkenningunni og réttinum tii fullra sam-
bandsslita. Hafði hann þráð mjög að lifa þenna atburð,
er hann í upphafi kom á þing til að berjast fyrir, og
alla þá stund, er hann sat á þingi, hafði barizt fyrir af
heilum huga.
Þótt Sigurður væri kröfuharður í sjálfstæðismálunum
og frjálslyndur í bezta lagi í lýðstjórnar- og mannrétt-
indamálum, var hann gætinn og heldur íhaldssamur í
mörgum öðrum málum. Lét hann sig mest skipta
fjármálin og leit jafnan á þau í sambandi við sjálf-
stæðismálið.
Það hafði allt af vakað fyrir Sigurði í sjálfstæðismál-
>nu, að landsréttindi íslands yrðu unnin þjóðinni til
handa. Taldi hann að eins hálfan sigur unninn, þótt af