Fréttablaðið - 04.09.2009, Blaðsíða 39

FÖSTUDAGUR 4. september 2009
Neðanjarðartískusýning á vegum
Iceland Fashion Week fer fram
við Reykjavíkurhöfn í dag. Þar fá
sex ungir hönnuðir tækifæri til að
sýna hönnun sína, þar á meðal er
Arndís Ey Eiríksdóttir, klæðskera-
nemi.
„Það er búið að vera brjálað að
gera síðustu vikur við undirbún-
ing á tískusýningunni. Ég verð
með um fimmtán innkomur á sér-
stakri sýningu fyrir unghönnuði
sem fer fram í dag. Við erum níu
ungir hönnuðir sem tökum þátt í
þessari sýningu,“ segir Arndís Ey
en hún hannar undir nafninu Ey
Design og hefur vakið þó nokkra
athygli fyrir „cape“ sem hún hann-
ar og saumar sjálf.
Aðspurð segir hún undirbúning
vera vel á veg kominn. „Ég er búin
að velja fyrirsæturnar og ákveða
hárgreiðslur og förðun, þannig
að þetta er allt á réttri leið. Ég er
voða lítið stressuð, aðallega full
tilhlökkunar enda hef ég ekki tekið
þátt í tískusýningu af annarri eins
stærðargráðu áður.“
Þegar blaðamaður spyr Arn-
dísi út í þá gagnrýni sem tísku-
vikan hefur fengið segist hún lítið
velta sér upp úr henni. „Mér finnst
bara spennandi að fá að vera með
og geta unnið að og þróað línuna
mína enn frekar. Ég hlakka líka til
þess að sjá hvað hinir hönnuðirnir
ætla að sýna.“
Tískusýningin hefst klukkan
14.00 í dag. -sm
„Keppnin er búin að vera mjög
hressandi,“ segir útvarpsmaður-
inn Þórður Helgi Þórðarson, best
þekktur sem Doddi litli.
Hljómsveitirnar Dikta og Cliff
Clavin keppa til úrslita í svoköll-
uðu hljómsveitabattli í útvarps-
þættinum Litlu hafmeyjunni á Rás
2 í kvöld. Sextán hljómsveitir hófu
keppni í sumar og á meðal þeirra
voru Stuðmenn, Brain Police, Land
og synir, Agent Fresco og Mammút.
Keppnin fer fram í hinu sögufræga
Stúdíó 12.
„Þetta eru sterkustu liðin – þau
hafa haft mest fyrir þessu,“ segir
Doddi um úrslitahljómsveitirnar.
Ljóst er að keppnin verður æsi-
spennandi, en hlustendur hringja
inn, greiða atkvæði og ráða þannig
úrslitum. „Í síðustu viku ætl-
aði Dikta að segja sig úr keppn-
inni vegna þess þeir voru á síð-
ustu stundu með að klára plötu.
Samt náðu þeir að klóra sig fram
úr þessu.“
Lokakeppnin fer þannig fram að
hljómsveitirnar byrja á því að flytja
eigið lag. Svo þurfa þær að flytja
rokkabillílag og að lokum þurfa
þær að semja nýtt sigurvegaralag
– eitthvað sem Doddi vonast til að
skipti út laginu We Are the Champ-
ions með Queen. „Ég er að gera mér
vonir um það að við þurfum aldrei
að heyra Queen-lagið aftur.“ - afb
Dikta og Cliff Clav-
in keppa til úrslita
DIKTA Þykir gríðarlega sigurstrangleg.
CLAVIN En enginn skal vanmeta hinu
ungu og efnilegu hljómsveit Cliff Clavin.
EY DESIGN Arndís Ey segist lítið stressuð
en full tilhlökkunar fyrir tískusýninguna.
FRÉTTABLAÐIÐ/STEFÁN
Sex hönnuðir sýna
Hátíðin Reykjavík Dance Festi-
val stendur nú yfir í Hafnarfjarð-
arleikhúsinu. Sérstök dansganga
verður farin í tengslum við hátíð-
ina þar sem dans mun birtast
almenningi á hinum ýmsu stöð-
um í miðborg Reykjavíkur.
„Sá sem leiðir gönguna er gam-
all flökkudraugur. Hann mun sem
sagt leiða gönguna um miðbæ
Reykjavíkur og fræða fólk um
sögu borgarinnar og þeirra staða
sem stoppað er á. Þessi draugur
er frekar jákvæður en dálítið
einmana en góður sögumaður,“
segir Ragnar Ísleifur Bragason,
einn aðstandenda dansgöngunn-
ar. Heiti göngunnar er Var það
gangári?, en gangári er gamalt
íslenskt heiti yfir flökkudraug.
„Gangan hefst við skemmti-
staðinn Karamba við Laugaveg
22 og þaðan verður gengið niður
Veghúsastíg, Hverfisgötu og
aðrar götur borgarinnar. Meðan
á göngunni stendur verða ýmsir
gjörningar og dansatriði á vegi
okkar sem dansararnir Aðalheið-
ur Halldórsdóttir og Valgerður
Rúnarsdóttir sömdu fyrir hátíð-
ina.“
Að sögn Ragnars Ísleifs er frítt
inn á alla viðburði hátíðarinnar
en tekið er á móti frjálsum fram-
lögum sýningargesta sem renna
óskert í sjóð til að styrkja framtíð
hátíðarinnar.
Gangan hefst klukkan 17.00 í
dag og verður endurtekin aftur
á morgun klukkan 14.00. Nánari
upplýsingar um hátíðina er að
finna á www.dancefestival.is.
- sm
Dansganga um mið-
borg Reykjavíkur
DRAUGASAGA Ragnar Ísleifur, í dular-
gervi flökkudraugs, leiðir fólk um götur
Reykjavíkur á danshátíð.
FRÉTTABLAÐIÐ/PJETUR