Spegillinn - 01.07.1965, Blaðsíða 26

HLERAÐ Á LÍNUNNI
— Halló, er þetta í Smátt & Stórt?
— Jú, í Smátt & Stórt, góðan dag.
— Er forstjórinn við?
— Jú. Hvað er nafnið, með leyfi?
— Hvað er þetta, þekkirðu mig ekki, elskan? Tobbi Berg-
hólm, auðvitað.
— A-u-g-n-a-blikk.
— Er þetta Kiddi? Það er mikið að maður nær sambandi.
Ég hef verið að reyna að ná sambandi f allan morgunn, þegar
ég hef haft tíma. Annars er svo fjandi mikið að gera. Ertu ann-
ars upptekinn á morgun?
— Sæll, Tobbi. Alveg brjálað að gera, maður. Maður stendur
í stóru núna.
— Heyrðu, ég skrapp út á Borg áðan og hitti hann Gvend
f Fiski & Fiskfars, og hann var að bjóða mér tvær stengur f
Stangá á átján hundruð. Skítur og ekki neitt maður, í svona
góðri á. Þeir fengu tíu pundara þar- í síðustu viku. Hvað
'egirðu?
— Það er svo skratti mikið að gera, og svo er ekki hægt
ið þvælast þetta skrallþurr í svona heitu veðri. Áttu nokkuð?
— Já, blessaður vertu. Ég húkkaði tvo kassa af Túborgara
með Bernhardi prins f síðasta túr á fimm hundruð kall stykk-
ið. Svo maður getur slappað af.
— Svaka sambönd hefur þú, maður, ha? Færðu f hverjum túr?
— Ja, svona, þegar eitthvað stendur til. Maður hefur lært
að bjarga sér. Heldurðu að þú sláir ekki til? Við erum þrjá
tíma á benzanum. Rétt afslöppun, maður, ha?
— Helvítis læti er f þér, maður, og ég sem þarf að redda
út partíi í fyrramálið - og svo eru þrír víxlar á síðasta degi.
Það er svo svakalega mikið að gera. Heyrðu annars, eru þetta
heilkassar, sem þú fékkst?
— Nei, ekki heilkassar, en ég hugsa að ég geti reddað tveim
hálfkössum í viðbót. Þú verður að slappa af, maður.
— Svo var ég búinn að bjóða honum Birgi bankastjóra f mat
á morgun, hann ætlaði að redda fyrir mig vixlunum.
— Taktu hann með í veiðitúrinn, maður, ég þarf einmitt að
spjalla svolítið við þann mann. Ég get reddað sex kössum. Við
skulum bara hafa það huggulegt
— Okey, ég tala þá við Birgi og hringi í þig aftur. Þú ert
sá smartasti í bransanum. Heyrðu, heldurðu að þú getir ekki
haft átta kassa, ha? Birgir er svo helvíti blautur, þegar hann
kemst í það gratís.
— Athuga málið, sé þig.
26 Speaillinn