Spegillinn - 01.04.1983, Blaðsíða 9
Ættfræði framboðanna
Vilmundur Gylfason er ættborinn
þingmaður og ráðherra af svokölluðu
Aragötukyni. Hann er sonur Gylfa Þ.
Gíslasonar, fyrrv. formanns Alþýðu-
flokksins og ráðherra 15 ár samfleytt,
dóttursonur Vilmundar Jónssonar þing-
manns, tengdasonur Bjarna Benedikts-
sonar forsætisráðherra, uppeldissonur
Ólafs Jóhannessonar utanríkisráðherra
(sjaldan launar kálfur ofeldið) og í fjöl-
skyldutengslum við Halldór Blöndal,
Ragnhildi Helgadóttur og fleiri þing-
menn. Hann er því réttborinn forsætis-
ráðherra eins og hann hefur margsinnis
bent á í ræðu og riti. En það voru ýmsir
ættleysingjar í Alþýðuflokknum sem
stóðu í vegi fyrir frama hans og því fór
sem fór. Hann neyddist til að stofna sinn
eigin flokk og flytja frumvarp um nýtt
forsætisráðherraembætti og hefur þann-
ig búið í haginn fyrir óhjákvæmilega
framtíð sína.
Jón Baldvin Hannibalsson er annað
dæmigert fyrirbæri. Hann er sonur
Hannibals Valdimarssonar þingmanns
ráðherra og formanns hvorki meira né
minna en þriggja stjórnmálaflokka. Að
auki er hann giftur inn í ættina Schram
en þau systkini eru öll gott dæmi um
pólitísku ættfræðina, þau Bryndís, Ell-
ert, Gunnar og Magdalena. Jón Baldvin
er búinn að reyna fyrir sér í öllum þeim
flokkum sem faðir hans var formaður
fyrir og nú loksins er ætterni hans farið
að njóta sín. Þess skal getið að Hannibal
er skírður í höfuðið á Hannibal, sem
lagði Rómaveldi í rúst, en Jón Baldvin
heitir eftir Jóni Baldvinssyni, fyrrv. for-
manni Alþýðuflokksins og varð því
snemma ljóst að hann var útvalinn til
metorða í hópi Hannibalssona.
Jóhanna Sigurðardóttir er að sjálf-
sögðu dóttir Sigurðar Ingimundarsonar
þingmanns Alþýðuflokksins og erfði
þingsæti hans.
Þegar Bjarni Guðnason fyllti það
skarð, sem Vilmundur tæmdi, var það
að sjálfsögðu fyrir ætternis sakir eða öllu
heldur tengda. Hann er tengdasonur
Tryggva Þórhallssonar forsætisráðherra
og formanns Framsóknarflokksins. Al-
kunna er að Tryggvi yfirgaf Framsókn-
arflokkinn áður en hann var allur og
hefur Bjarni nú tekið upp fallið merki
hans og lagt tvo flokka að velli og reynir
nú við hinn þriðja. Þess skal getið að
Gunnar Thoroddsen er í fjölskylduteng-
slum við Bjarna og spillir það ekki.
Verst er að Emanúel Morthens er
ekki á lista Alþýðuflokksins því að hann
er kominn af Victor Emanúel Ítalíukon-
ungi og hefði því örugglega komist á
þing.
Við getum víða borið niður en til gam-
ans skulum við taka fyrir tvo ástsælustu
leiðtoga Sjálfstæðisflokksins, ef frá er
talinn Ólafur G. Einarsson, þá Albert
Guðmundsson og Geir Hallgrímsson.
Það hefur að vísu aldrei heyrst að Albert
væri af ættum kominn en hann er alís-
lenskur eins og hann sýndi fram á af
sinni alkunnu snilld í sjónvarpi fyrir
skemmstu. Þetta er mjög mikilvægur
eiginleiki eins og þeir vita sem kynbætur
stunda. Flestir Islendingar eru komnir
af frönskum skipbrotsmönnum, gyðing-
legum kaupmönnum eða öðrum
óþjóðalýð og er því Albert sannari ís-
lendingur en flestir nútímamenn. Þetta
hefur lyft honum til vegs og valda í ís-
lenskum stjórnmálum.
Allt öðru máli gegnir um Geir Hall-
grímsson. Faðir hans var þingmaður og
flestir frændur hans og vinir. Hann er af
svokallaðri Reykjahlíðarætt en
mönnum af henni verður yfirleitt engrar
undankomu auðið. Þeir verða þing-
menn hvort sem þeim er það ljúft eða
leitt. Þar segir ætternið eitt til um. Ég
spái Geir glæsilegri framtíð.
í þessari stuttu upptalningu hefur
aðeins verið tæpt á sumu en af nógu er
að taka. Hvað t.d. um Steingrím Her-
mannsson, sem tók við Framsóknar-
flokknum af föður sínum og hvað með
Ingvar Gíslason sem skipaði Arnþór
Helgason, frænda sinn, í stöðu um dag-
inn? Hvað með þá frændur og uppeldis-
bræður, Svavar Gestsson og Friðjón
Þórðarson, sem mynduðu saman ríkis-
stjórn og klufu Sjálfstæðisflokkinn fyrir
ætternissakir? Þeir eru báðir af Breiða-
bólstaðarættinni í Dölum, aldir upp hjá
Steinunni gömlu á Breiðabólstað sem
lagði á ráðin. Hvað með Hjörleif Gutt-
ormsson, sem kominn er af Árna óreiðu
í Brautarholti og er þar að auki fóstri
Lúðvíks Jósefssonar og hvað með Ólaf
G. Einarsson sem kominn er af Ragnari
loðbrók?
í næstu grein verður frekar farið í
saumana á ættfræði framboðanna. En
vegna þess að minnst var á Ólaf Ragnar
Grímsson í upphafi þykir rétt að sýna
frarn að sky ldleika hans við Skúla fógeta
en sá skyldleiki uppgötvaðist er sáust
líkindin með Ólafi og styttunni í Fógeta-
garðinum. En ættrakningin er svona:
Ólafur Ragnar Grímsson rakara Krist-
geirssonar Jónssonar í Bakkakoti Jón-
sonar gríss Magnússonar Skúlasonar
fógeta.
9