Spegillinn - 01.04.1983, Blaðsíða 47
...eftir
sólskini í 3 sólarhringa. Síðan er hún
mulin við vægan eld. Pá er blandað í
hana muldu geitataði og söxuðu lárvið-
arlaufi. Deiginu er síðan hnoðað í kúlur
og látið harðna við sólarhita í 3-4 vikur
og flutt þannig út. Marteinn sagði að
þetta væri verkunaraðferð þeirra í Tíbet
og væri Tíbetfeitin kölluð rauði tíbetinn.
í Afganistan er einnig framleitt mikið af
hertri geitafeiti að sögn Marteins, en þar
er notað kúatað í stað geitataðs. Sú feiti
gengur undir nafninu blái afganinn.
Marteinn sagði að aðalvandinn við
innflutning og innkaup á hertri geitafeiti
frá Tíbet væri sá að tryggja neytendum
óblandna og hreina feiti. Eftir að eftir-
spurn jókst svo mjög á s. 1. ári hefðu
ýmis glæpasamtök tekið að sér sölu og
dreifingu á heimsmarkaði og blandað
ýmsum óþverra í feitina til að drýgja
hana.
Aðspurður sagðist Marteinn vita til
þess að nokkrir Islendingar hefðu fram-
leitt herta geitafeiti til heimilisnota, t. d.
á Hólmavík og Drangsnesi, er herslan á
feitinni hefði oftar en ekki mistekist sök-
um óhagstæðrar veðráttu á íslandi.
Samkvæmt ábendingu Marteins sneri
blaðið sér til Jóns Ragnarssonar, múr-
ara, en hann hefur notað herta geitafeiti
við hárlosi í 3 mánuði. Jón sagði, að
árangur af feitinni væri undraverður.
Hann hefði um margra ára skeið haft
vaxandi áhyggjur af hárlosi hjá sér og
einnig hundinum Lappa. Með því að
bera herta geitafeiti reglulega á höfuðið
með þvalri borðtusku hefði hann ekki
aðeins stöðvað hárlosið, heldur hefði
hárið tekið að vaxa á ný eftir u. þ. b.
mánaðarnotkun. Hárið er leirljóst,
frekar gróft og illviðráðanlegt. „Maður
er þó ekki sköllóttur lengur", sagði Jón
að lokum um leið og hann sýndi okkur
myndir af sér fyrir og eftir meðferðina.
Jón segir ennfremur, að hundurinn
Lappi, sem hefur fengið herta geitafeiti í
feldinn í nokkrar vikur, sé hættur að
fara úr hárum.
Aðspurður um lækningamátt geita-
feitarinnar gegn æðahnútum, kvaðst
Jón hafa verið með einn æðahnút á kálfa
hægri fótar. Hann sagðist hafabyrjað að
bera herta geitafeiti á æðahnútinn milli
jóla og nýárs og árangur verið undra-
verður. Sagði Jón feitina svo sterka gegn
æðahnútum, að í stað hins ljóta blá gúls
sem hnúturinn var, væri komin hola í
kálfann.
I