Fálkinn - 14.06.1961, Page 19

SLENZK FEGURÐ ’61
Fegurðarsamkeppnin 1961 fór fram
síðastliðinn laugardag og sunnudag 10.
og 11. þ. m. og í dag, mánudag, birtir
FÁLKINN myndir af fegurðardísunum
bæði frá undankeppninni og úrslitun-
um í gærkveldi. Þátttakendur voru
ekki nema átta að þessu sinni, þar sem
þrjár helltust úr lestinni á síðustu
stundu. Stúlkurnar komu fram tvívegis
á laugardag og var þá kosið um fimm,
sem kepptu síðan til úrslita á sunnu-
dag.
Fegurðarsamkeppnin hefur jafnan
vakið athygli og forvitni almennings
og þess vegna höfðum við á FÁLKAN-
UM snör handtök til þess að geta ílutt
lesendum myndir af fegurðardísunum
eins fljótt og nokkur kostur var á. Á
þessari blaðsíðu og bls. 23 birtast
myndir af öllum þátttakendunum, en
á næstu opnu sjáum við ungfrú ís-
land 1961, ungfrú Reykjavík 1961 og
beztu ijósmyndafyrirsætuna.
Á efri myndinni sjáum við lokaatriði fyrri dags fegurðarsamkeppninnar. Stúlkurnar átta
koma allar fram á sviðið við ákaft lófaklapp áhorfenda. í miðju er Ævar Iívaran, sem
kynnti fegurð'ardísirnar. Á neðri myndinni virðir dómnefndin fyrir sér einn þátttak-
enda, Maríu Guömundsdóttur. (Oddur Ólafsson tók allar myndirnar fyrir FÁLKANN).