Fálkinn - 14.03.1962, Blaðsíða 4
séð & heyrt
Sýningardömur
Margar stúlkur dreymir um að verða sýningardömur, en slíkar
stúlkur sýna ekki aðeins pelsa og minka og síða kjóla. Þessi mynd
er tekin, þar sem nokkrar sýningardömur sýndu baðföt í hörkufrosti
úti á götu. Þær áttu að sýna baðfatatízku næsta sumars. Eftir þessu
að dæma er líf sýningarstúlkunnar ekki eintómur dans á rósum.
Ostýrilátur sonur
Neðri deild brezka þingsins var agndofa. Einn æruverðugur þing-
maður úr brezka íhaldsflokknum hafði tekið til máls og ásakað
ríkisstjórn Macmillans fyrir að vera hikandi, óörugga og ekki hæfa
til þess að taka ákvarðanir. Þetta var háttvirtur þingmaður Halifax
og í þokkabót var þessi óstýriláti þingmaður enginn annar en sonur
Macmillans, Maurice.
Þegar forsætisráðherrann var hvattur til þess í spurningartíman-
um næsta dag, að gera grein fyrir því, sem sonur hans haföi sagt,
vann hann hylli allra þingmanna með þessari athugasemd: — Hátt-
virtur þingmaður Halifax er bæði vel gefinn og kann að hugsa sjálf-
stætt. Hins vegar ætla ég ekki að hafa nein orð um það, hvaðan
hann hefur þessa hæfileika.
Fataverzlun
— Innflytjendur í New York verða að hafa eitthvert bein í nefi
til að komast af þar, sagði gamli blaðamaðurinn. Og maður verður
að halda fast upp um sig buxunum, þegar maður verzlar í Bowery,
þar sem búðirnar, sem verzla með tilbúin föt, eru.
Þegar hinn nýkomni hættir sér þangað, er hann strax hvattur
til þess að reyna nýjan klæðnað og legja frá sér hinn gamla. Og
aumingja maðurinn sér aldrei buxurnar, nema hann kaupi ný föt.
Allt starfsliðið leitar hátt og lágt eftir buxunum, en þær finnast
ekki. og þar sem aumingja maðurinn getur ekki farið heim buxna-
laus, kaupir hann nýju fötin. Þegar hann hefur borgað fötin og er
að ganga út, kemur búðarmaðurinn á harðahlaupum (venjulega er
það verzlunarstjórinn sjálfur) með buxurnar í fanginu og segir:
— Nei lítið þér bara á, við fundum þær undir öllum fatabunkanum.
Þær hafa þá legið hér allan tímann.
Vísindin efla alla dáð
Vísindin færa stöðugt út kvíarnar og rannsaka nýtt og nýtt. Ný-
lega gaf The American National Science Foundation áströlskvun
háskóla 000.000.00 krónur til þess að rannsaka, hvers vegna ís
væri háll
Menn stinga nú upp á því, að rannsakað sé, hvers vegna vatn
sé vott.
Gestir Hvíta húss-
ins hafa tekið eftir
því upp á síðkastið,
að Kennedy forseti
er farinn að reykja
risastóra vindla,
einkum stærstu
gerðina af Corona.
Kunningi forsetans var mjög áfjáður um,
hvers vegna hann reykti þetta og spurði hann
um orsökina. Kennedy svaraði: — Það stend-
ur þannig á því, að ég hef komist að raun
um, að þessir vindlar endast nákvæmlega
jafn lengi og venjulegur ráðuneytisfundur.
★
Við móttökuat-
höfn í Lundúnum
skemmti Harold
Macmillan sér með
einum af ambassa-
dorum sínum og
sendiráðherrann
spurði forsætisráð-
herrann:
— Er de Gaulle forseti í raun og veru eins
erfiður bandamaður og menn láta af?
— Ojæja, svaraði Macmillan, erfiður og
erfiður ekki. Hann er næstum því eins og
þær konur, sem sagt er við — Ég elska þig —
og þær trúa því, að það sé sagt af heilum hug.
★
Walt Disney held-
ur því fram, að
endurnýjunar sé
þörf á teiknimynd-
um sínum. Þess
vegna fór hann til
Spánar. Hann ætlar
þar að uppgötva
nýja fyrirmynd í
teikniseríur sínar. Disney leitar að nauti, sem
getur orðið góð fyrirmynd að: „Elskulegi
bolinn minn“, en Disney heldur að sú sería
geti orðið vinsæl.
Enginn skyldi ætla, að Disney muni gera
myndir af hinum ruddalegu nautaötum,
heldur er ætlunin sú að leggja sem flesta af
velli með yndisþokka „hins elskulega bola.“
★
Hinn 59 ára gamli
konungur Saudi-
Arabíu, Ibn Saud,
býr hamingjusömu
hjónabandi með 60
eiginkonum. Hingað
til hefur hann séð
svo um, að konur
sínar skemmtu sér
við lestur og til þeirra afnota á hann bóka-
safn eitt mikið, sem eingöngu telur stórt úr-
val af ástarsögum.
Nú finnst honum tími til kominn, að kon-
urnar kynnist samtímanum betur og hefur
þess vegna pantað frá bóksala í New York
fjögur þúsund geimferðasögur og annan
vísindalegan skáldskap.
4
FALKINN