Fálkinn - 14.03.1962, Blaðsíða 14

ÍSLENZKIR FRAMKVÆMDAMENN
Það var á öndverðum kreppuárunum
að nokkrir menn í Hafnarfirði keyptu
togara og hófu útgerð. Ekki væri þetta
í frásögur færandi, ef flestir eigendurn-
ir hefðu ekki verið á skipinu og þeirra
kaup var það sem aflaðist og ekki
meira. Einn var í landi og stjórnaði
útgerðinni.
Rétt áður hafði Hafnarfjarðarbær
efnt til fyrstu bæjarútgerðar hér á
landi Forustumaður beggja þessara
fyrirtækja, sem sett voru á stofn af
brýnni nauðsyn vegna atvinnuleysis-
ins, var Ásgeir G. Stefánsson.
Ásgeir G. Stefánsson fæddist í Hafn-
arfirði hinn 28. marz 1890. Foreldrar
hans voru þau Sólveig Gunnlaugsdótt-
ir og Stefán Sigurðsson trésmiður.
Ásgeir var snemma bráðþroska og
mikill á velli eftir aldri, einn 8 syst-
kina og fór snemma að taka til hendi
svo sem lenzka var í þá daga. Um og
fyrir aldamót var hann langdvölum
suður á Vatnsleysuströnd hjá Sæmundi
Jónssyni er þar bjó.
Eftir að sveinninn hafði gengið í
barnaskóla, hóf hann nám í Flensborg
hjá hinum ágæta skólamanni Jóni
Þórarinssyni, sem þá var skólastjóri þar
syðra, en kennarar voru Ögmundur
Sigurðsson og fleiri. Vel líkaði Ásgeiri
í Flensborg og kom snemma fram kapp-
girni og dugnaður samfara óþrjótandi
starfsorku, sem alla tíð síðan hafa ein-
kennt hann.
Að lokinni veru í Flensborg, hugðist
14 FÁLKINN
*
Asgeir
Stefáns-
son í
Hafnar-
firði
Ásgeir gerast verzlunarmaður, og var
ráðinn til verzlunarstarfa hjá Ágústi
Flygenring, sem þá var umsvifamikill
kaupmaður í Hafnarfirði. Skyldi samn-
ingstíminn vera fjögur ár.
Ásgeir sá þó fljótlega að „innanbúðar-
störf“ hentuðu honum ekki og eftir ár
hvarf hann frá áforminu um að gerast
kaupmaður og hætti í búðinni. Stefán
Sigurðsson. faðir Ásgeirs reisti á þess-
um árum mörg hús í Hafnarfirði, stund-
aði skipasmíðar og strax að lokinni
,,kaupmennskunni“ hóf Ásgeir trésmíða-
nám, þá á sextánda ári.
Hér komst pilturinn á rétta hillu og
fékk útrás starfsorku sinnar og krafta.
Er enn í minnum haft í Hafnarfirði,
hve mikilvirkir þeir feðgar voru við
smíðar og voru enda eftirsóttir. hvort
heldur þurfti að byggja hús, eða gera
við eða smíða skip.
Stefán Sigurðsson lézt árið 1907 og
hélt Ásgeir þá áfram námi hjá eldri
bróður sínum, Sigurði Jóel, sem þá var
fyrir nokkru fullnuma, í trésmíðinni.
Ásgeir vann síðan við smíðar í mörg
ár og þóttu fáir menn röskari til vinnu
og meiri afkastamenn en hann.
Á heimsstyrjaldarárunum fyrri bár-
ust nýir straumar í þjóðmálum til lands-
ins. Gömlu stjórnmálaflokkarnir höfðu
þá að margra áliti gengið sér til húðar
og boðföll frá því umróti sem ætti sér
stað úti í hinum stóra heimi barst allt
að ströndum íslands.
„Sjá hin ungborna tíð vekur storma
og stríð“. Skáldin ortu ættjarðar og
hvatningarljóð. Ungir menn þrungnir
eldmóði hins nýja tíma komu fram á
sjónarsviðið og ný samtök mynduðust.
Aiþýðuflokkurinn var stofnaður árið
1916. Flokkurinn náði sterkri rótfer.lu
í Hafnarfirði og þar hefur síðan verið
eitt helzta vígi hans hér á landi. Ásgeir
og samherjar hans, sem á unga aldri
tileinkuðu sér þessa stefnu sýndu, er
þeim gafst tækifæri, að jafnaðarstefn-
an var þeim meira en orðin tóm eins
og síðar verður að vikið.
Árin 1922 og 23 dvaldi Ásgeir í
Þýzkalandi. Eftir heimkomuna tók hann
að sér byggingu sjúkrahússins á ísa-
firði ásamt þrem öðrum, þeim Ingi-
bergi Þorkelssyni, Einari Sveinssyni
og Friðfinni Stefánssyni bróður sínum. »
Að þessari sjúkrahúsbyggingu lokinni
hófst bygging St. Jósefs spítalans í
Hafnarfirði og síðan hvert húsið af
öðru. Er hér var komið sögu var at-
vinnuleysi orðið all tilfinnanlegt í
Hafnarfirði Brezkt útgerðarféiag hafði
um mörg ár haft aðsetur í Firðinum og
veitt drjúga atvinnu en er það hætti
starfsemi hér á landi dróst vinnan
saman.
í bæjarstjórnarkosningum 1926 náði
Alþýðuflokkurinn í fyrsta sinn meiri-
hluta í bæjarstjórn Hafnarfjarðar. Hin-
ir ungu bæjarstjórnarfulltrúar, og þeir
sem að baki þeim stóðu hugðu á mildar
breytingar á mörgum sviðum í samræmi
við stefnu flokks síns. Um þetta leyti