Fálkinn - 14.03.1962, Blaðsíða 29

KUNNIÐ ÞÉR AÐ
PRESSA
BUXUR
Það er vel þess virði að eyða nokkrum
tíma í að pressa buxur eiginmannsins,
því fátt breytir manninum meira, fljótt
á litið, og gerir hann glæsilegri á að líta,
en buxnabrot hvöss eins og rakhnífar.
Þegar tíminn er naumur, er dálítið
freistandi að byrja strax að pressa. En
það hefnir sín seinna meir. Ryk, blettir
og óhreinindi, sem pressuð eru inn í
efnið, verður nær ógerningur að ná
burt. Látið því ekki undir höfuð leggjast
að bursta buxurnar vel, bæði að utan
og innan, gleymið ekki uppábroti, ef
það er. Takið einnig alla bletti úr, áður
en byrjað er að pressa.
Mikils er vert að vinna með góðum
áhöldum, verkið vinnst bæði betur og
léttara. Fyrst og fremst þarf stöðugt
strauborð, minnst 120 cm. langt. Auk
þess pressuhnall og bursta, sem er flat-
ur á bakinu. Fat með volgu vatni og
pressuklút úr t. d gömlu laki (bezt
eitthvað, sem hefur verið mikið þvegið),
og gott straujárn.
Þess skal gætt að strauborðið sé ekki
of mjúkt o’g yfirbreiðslan alveg slétt
og feld. Hafið í huga muninn að strauja
og pressa. Þegar straujað er, drögum
Mynd 1: Harðvindið pressustykkið, setjið buxurnar upp á strau-
brettið eins og myndin sýnir með brotið í brún. Leggið pressustykkið
tvöfalt og leggið það á buxurnar. Byrjið að pressa í skrefinu. Munið
að þrýsta og lyfta járninu en verið samt létthentar. — Það er fyrst
og fremst gufan, sem á að vera hér að verki, ekki þunginn. Athugið
að pressustykkið má aldrei verða alveg þurrt.
Mynd 2: Fjarlægið pressustykkið og þrýstið fast með pressuhnall-
inum, þannig að gufan fari vel inn í efnið. Haldið svona áfrain
upp að mitti og hringinn. Snúið ætíð því sem búið er frá yður.
Pressið vel undir lokin á rassvösunum og brúninni að hliðarvösunum.
Síðast er líningin pressuð.
Mynd 3: Leggið skálmina eins og myndin sýnir. Oft er poki við
hnéð og hann þarf að nást úr. Leggið pressustykkið, vel vott á hnéð
og pressið inn að miðju pokans allt í kring. Verið létthentar. Stund-
um þarf að endurtaka þetta.
Mynd 4: Skálmarnar lagðar í brotin og þær pressaðar fyrst innan
fótar. Leggið tvöfalt pressustykkið og nú verðum við að muna að
draga ekki járnið eftir brotinu, bara lyfta við hvern flutning, annars
er hætt við að brotið flái.
við járnið fram og til baka í þráðarátt,
aftur á móti er járninu lyft og látið
beint niður þegar pressað er.
Þegar rakur klútur er lagður yfir
það, sem pressa á og síðan pressað,
pressast gufa inn í efnið. Lyftið strax
pressuklútnum og þrýstið fast með
pressuhnallinum eða burstanum á efnið,
svo að gufan fari vel inn í efnið.
Látið buxurnar kólna vel, helzt til
næsta dags, áður en farið er í þær. Þá
endist pressingin mun betur.