Fálkinn - 13.04.1964, Side 17

hún setur sterkan svip á stofuna
— Hver gerði þessa mynd Bald-
vin?
— Hann heitir Hreiðar Sæmunds-
son.
— Eru margir góðir teiknarar í
skólanum?
— Já, við erum það heppin . að
hafa hér fjóra góða teiknara og þeir
eru hver á sínu sviði. Sá, sem gerði
þessa mynd var að vinna við hana
í tvo daga. Við fengum að taka árs-
hátíðarfríið nú síðustu dagana fyrir
páska því þá höfðum við meiri tima
til að skreyta. Fyrsti og annar bekk-
ur voru hér í gær og nú eru eldri
bekkirnir hér í kvöld.
— Hver sér um skreytingarnar?
— Það er svokölluð skreytingar-
nefnd. Hún sér um allar skreytingar
í sambandi við árshátíðina.
— Og hvað eru margir í þessari
nefnd?
— Við erum sjö.
Við yfirgefum þessa stofu og höld-
um í þá næstu. Þeir kalla hana Cosy
Bar og Baldvin segir okkur að fjórði
bekkur sé með hana. Þar selja þeir
gos og slikkirí og smurt brauð og
safna í ferðasjóð sinn. Það er fjórði
bekkur, sem heldur árshátíðina ár
hvert og allur ágóðinn af henni rennur
í ferðasjóðinn. Að skóla loknum fer svo
bekkurinn í þriggja til fjögurra daga
ferðalag; í vor mun áætlað að fara á
Snæfellsnes.
Þessi stofa er ekki síður skemmtilega
skreytt en sú fyrri. Net og kúlur hanga
niður úr loftinu, myndir á vegg, stórt
afgreiðsluborð, stórar gosflöskur við
lág borð innan við netin og lýsingin er
mjög rómantísk: dempuð rauð Ijós.
— Er ekki mikið verk að skreyta
svona Baldvin?
— Jú, það er drjúgur fími, sem fer
í þetta en menn hjálpast að og þá gengur
allt eins og í sögu. Við leituðum til nokk-
urra fyrirtækja til að fá lánaða hluti og
okkur var alls staðar vel tekið. Kristján
O. Skagfjörð lánaði okkur þessi net og
Sanitas gosflöskurnar svo ég nefni nokkur
dæmi.
— Hvernig er svo skemmtiskráin?
— Fyrst verður leikþáttur eftir fjóra
nemendur, sem kalla sig Stubba, þá verð-
ur fluttur annáll ársins, síðan syngja fimm
nemendur og að lokum vérður fluttur
þáttúr úr Delerium Bubonis.
Framh. á bls. 40,
Þeir sungu á skemmtuninni talið frá vinstri: Sigurður Snorrason, Stefán Jökulsson,
Birgir Jakobsson, Snorri Ö. Snorrason og Stefán Friðfinnsson,