Fréttablaðið - 17.11.2009, Blaðsíða 8

8 17. nóvember 2009 ÞRIÐJUDAGUR
1 Hvað heitir nýr stjórnmála-
flokkur Jóns Gnarrs?
2 Hvaða dagur var haldinn
hátíðlegur í gær?
3 Hvaða lið skipar neðsta sætið
í úrvalsdeildinni í handbolta?
SVÖRIN ERU Á SÍÐU 30
MENNTUN „Mér finnst það fráleitt
að taka ekki þá fagmenn sem starfa
við þetta dags daglega í skólunum
með í umræðuna. Það má segja að
þetta sé ákveðin vanvirða við það
starf sem fram fer í skólunum,“
segir Hreiðar Sigtryggsson, for-
maður Skólastjórafélags Reykja-
víkur.
Líkt og Fréttablaðið greindi frá
í gær var tillögu Hreiðars, sem er
áheyrnarfulltrúi í menntaráði, um
að skólastjór-
ar og kennar-
ar ættu hverjir
sinn fulltrúann
í starfshópi um
n á m s m a t í
grunnskólum,
vísað frá af full-
trúum Sjálfstæð-
is- og Framsókn-
arflokks sem
mynda meiri-
hluta í ráðinu.
Hreiðar segir
sjá lfsagt að
skoða hvern-
ig námsmati er
háttað í skólum,
en skipan hóps-
ins gefi til kynna
að niðurstaðan
hafi verið ákveð-
in fyrirfram. Til
að mynda vanti
fulltrúa menntasviðs í hópinn, en
þar séu sérfræðingar í námsmati.
„Það kemur mér mjög spánskt
fyrir sjónir að skipa þrjá pólitíska
fulltrúa í hópinn, sama hvaða bak-
grunn þeir hafa.“
Oddný Sturludóttir, fulltrúi Sam-
fylkingarinnar í menntaráði, tekur
undir þessi orð Hreiðars. Það sé
fáheyrð vanvirðing við skólastjóra
og kennara á unglingastigi að fella
tillögu frá þeim sjálfum um að
koma að endurskoðun námsmats í
grunnskólum.
„Skilaboðin frá meirihlutanum
eru skýr: Grunnskólinn hefur það
eina hlutverk að búa til nemendur
fyrir framhaldsskólann og aðstoða
framhaldsskólann til að velja nem-
endur eftir einkunnum. Að mati
meiri hlutans kemur námsmat í
tíunda bekk kennurum þeirra sömu
nemenda ekki við.“
Oddný segir viðhorf Kjartans
Magnússonar, formanns ráðs-
ins, gamaldags, en hann lýsti því
yfir í Fréttablaðinu í gær að hann
vildi taka upp samræmd próf upp
úr grunnskólum á ný. Prófin hafi
verið stýrandi og staðið í vegi fyrir
fjölbreyttum kennsluháttum á ungl-
ingastigi.
Hreiðar segir borgina hafa mark-
að sér stefnu um nám við hæfi hvers
og eins í grunnskólum. Það þýði að
staða nemenda við lok grunnskóla
sé mjög mismunandi og framhalds-
skólunum beri að koma til móts við
þá við innritun.
Katrín Jakobsdóttir mennta-
málaráðherra mun á næstunni
funda með skólastjórum grunn- og
framhaldsskóla um skilin á milli
skólastiga. Starfshópur er í gangi
í ráðuneytinu um innritunarmál í
framhaldsskóla.
kolbeinn@frettabladid.is
Meirihlutinn sagður sýna
skólunum vanvirðingu
Fulltrúi Skólastjórafélags Reykjavíkur segir meirihluta menntaráðs Reykjavíkur sýna skólastarfi vanvirðu
með skipan starfshóps. Fulltrúi Samfylkingarinnar segir viðhorf meirihlutans allt of gamaldags.
SAMRÆMD PRÓF Nemendur í Réttarholtsskóla þreyta samræmd próf. Fulltrúi skólastjóra telur skólastarfi sýnd vanvirða með því
að skipa aðeins stjórnmálamenn í starfshóp um námsmat í grunnskólum. FRÉTTABLAÐIÐ/TEITUR
HREIÐAR
SIGTRYGGSSON
ODDNÝ
STURLUDÓTTIR
LÖGREGLUMÁL „Það er mjög alvar-
legt ef það gerist að menn ætla að
beita ógnunum og hótunum gagn-
vart vitnum í málum,“ segir Ólaf-
ur Helgi Kjartansson, sýslumaður
á Selfossi.
Karlmaður var handtekinn í Þor-
lákshöfn á fimmtudag en þar hafði
hann í hótunum um að vinna manni
mein sem hafði borið vitni gegn
honum í dómsmáli daginn áður.
Ólafur Helgi segir að það valdi sér
ákveðnum áhyggjum að menn hóti
ofbeldi í slíkum tilfellum.
Ólafur Helgi segir að eina úrræð-
ið sem sé fyrir hendi í tilfelli sem
þessu sé nálgunarbann. Til þessa
úrræðis hafi verið gripið sam-
stundis og málið kom upp. Maður-
inn megi því ekki nálgast vitnið eða
fjölskyldu hans. Rjúfi maðurinn
nálgunarbannið liggi sérstök refs-
ing við því.
Aðspurður segir Ólafur að lög-
reglan sé ekki nægjanlega vel mönn-
uð til þess að vakta heimili vitnisins
komi til þess að brotamaðurinn rjúfi
nálgunarbannið. „Til þess þyrftum
við miklu meiri mannskap en við
höfum,“ segir Ólafur Helgi. „Það er
í sjálfu sér ekki hægt að segja fyrir-
fram hvað gerist en það er nátt-
úrulega ljóst að ef maðurinn brýt-
ur þetta nálgunarbann verður það
litið mjög alvarlegum augum,“ segir
Ólafur Helgi. - jhh
Sýslumaður segir hótanir í garð vitna litnar mjög alvarlegum augum:
Haft í hótunum við vitni
ÓLAFUR HELGI KJARTANSSON Sýslumað-
ur segir það verða litið mjög alvarlegum
augum brjóti maðurinn nálgunarbannið.
UMHVERFISMÁL Hæstu toppar
brennisteinsvetnismengunar í
Hveragerði fara yfir heilsuvernd-
arviðmið Alþjóða heilbrigðismála-
stofnunarinnar (WHO), en sólar-
hringsmeðaltal er töluvert undir
þeim viðmiðum. Þetta kemur
fram í mælingum Umhverfis-
stofnunar. Engin viðmið eru til
hér á landi um þessa mengun,
en þau eru í vinnslu í umhverfis-
ráðuneytinu.
Þorsteinn Jóhannsson, sér-
fræðingur hjá stofnuninni, segir
tilgangslaust að horfa til vinnu-
verndarmarka í þessu sjónarmiði,
en Orkuveita Reykjavíkur miðar
við þau í frétt á heimasíðu sinni
sem rataði í fjölmiðla um helgina.
„Vinnuverndarmörkin eiga ekk-
ert erindi í þessa umræðu,“ segir
Þorsteinn.
Ástæðan sé sú að vinnuvernd-
armörk verndi ekki heilsu þeirra
sem eru viðkvæmir fyrir og gilda
aðeins á vinnustöðum. Þau miði
jafnvel við að grípa þurfi til ryk-
og gasgríma og séu oft 100 sinn-
um hærri en þau sem gildi fyrir
almenning.
Þorsteinn segir brennisteinsvetn-
ismengun í Reykjavík hafa aukist
með tilkomu virkjana Orkuveitunn-
ar á Hellisheiði. Fólk, sérstaklega
í austurborginni, geti fundið fyrir
ógleði og höfuðverkjum vegna
hennar, sérstaklega í froststillum.
Mælingar í Hveragerði eru nýhafn-
ar og því ekki til samanburðartölur
yfir vetrartímann. - kóp
Segja vinnuverndarmörk ekki nothæfan mælikvarða á mengun:
Brennisteinsvetni mælist yfir mörkum
GUFA Í nýjum virkjunum Orkuveitunnar verður mengunarbúnaður sem minnkar
útstreymi brennisteinsvetnis um 90 prósent. FRÉTTABLAÐIÐ/GVA
SÍLD Íslensk skip veiddu 11.127
tonn af norsk-íslenskri síld í
norskri lögsögu í októbermánuði.
Auk þess veiddu þau 12.035 tonn í
síldarsmugunni.
Fyrsta aflanum úr norsk-
íslenska síldarstofninum í norskri
lögsögu var landað 13. október
og hófust veiðar tæpum mánuði
síðar í ár en í fyrra.
Íslensk skip hafa 44.362 tonna
síldarkvóta úr norskri lögsögu
þetta árið, sem er um 8 prósenta
aukning frá síðasta ári.
Síldveiðar í október:
23.000 tonn
veidd af norsk-
íslenskri síld
VIÐSKIPTI Stjórnendur bandaríska
bílarisans General Motors stefna
á að greiða niður neyðarlán sem
stjórnvöld vestra veittu fyrir-
tækinu til að forða því frá gjald-
þroti fyrr á árinu. Endurgreiðsl-
an á ekki að hefjast fyrr en eftir
sex ár.
Væntingar eru um betri
afkomu bílaframleiðandans nú
eftir viðvarandi taprekstur frá
2004, að sögn Bloomberg-frétta-
stofunnar.
Fyrirtækið stefnir á að greiða
einn milljarð dala á hverjum árs-
fjórðungi næstu ár. Heildarend-
urgreiðsla mun hljóða upp á 6,7
milljarða af milljörðunum fimm-
tíu sem ríkið lét General Motors í
té. Það jafngildir rúmlega þrett-
án prósenta endurgreiðslu. - jab
GM greiðir neyðarlán til baka:
Ríkið fær þrett-
án prósent
HUMMERAR Bandaríski bílaframleiðand-
inn segir afkomuna vera loks að batna
eftir fimm ára taprekstur.
Svipuð umferð og í fyrra
Umferð um Hvalfjarðargöngin var
nánast sú sama í október í ár og í
sama mánuði í fyrra. Í ár voru þeir
143.643, en í fyrra keyrðu 80 færri
bílar um göngin í október. Stórum
bílum hefur fækkað nokkuð og tekjur
af göngunum eru þremur prósentum
minni í október í ár en í fyrra.
UMFERÐARMÁL
Réttarhöld yfir Berlusconi
Réttarhöld yfir Silvio Berlusconi,
forsætisráðherra Ítalíu, hófust í gær á
ný eftir árshlé, en þeim var sam-
stundis frestað á ný fram í janúar, því
Berl usconi verður of upptekinn fram í
janúar til að geta mætt.
ÍTALÍA
VIÐSKIPTI Fjárfestingasjóðurinn
Thule Investments og aðrir fjár-
festar hafa aukið hlutafé ísraelska
tæknifyrirtækisins Muzicall um
níu milljónir dala, jafnvirði 1,1
milljarðs króna.
Thule Investments fjárfesti í
Muzicall í september í fyrra. Á
meðal annarra eigna Thule Invest-
ments eru þrívíddarhönnunarfyr-
irtækið Caoz og hátæknifyrirtækið
Cyntellect. Muzicall sérhæfir sig í
vinatónum í síma. Vinatónn er tónn
sem heyrist á meðan beðið er eftir
að svarað sé í síma. Fyrirtækið
hefur um nokkurra ára skeið unnið
með mörgum af stærstu símafyrir-
tækjum í Evrópu. - jab
Auka hlutafé í Muzicall:
Vinatónar tald-
ir vaxa hratt
VEISTU SVARIÐ?