Fréttablaðið - 17.11.2009, Blaðsíða 17

Sölufulltrúi Jóna María Hafsteinsdóttir jmh@365.is 512 5473
ÁRLEG KANÍNUTÍSKUSÝNING var haldin í Japan um helg-
ina. Þangað mættu átta þúsund kanínuunnendur til að fylgjast með
frammistöðu uppáklæddra kanína. Á meðfylgjandi mynd má sjá
kanínu í skotabúningi en hún atti meðal annars kappi við mótor-
hjóla- og englakanínur.
Tímapantanir 534 9600
Hlíðasmári 11, 201 Kópavogur -www.heyrn.is
Bjóðum úrval af döskum ReSound heyrnartækjum
* Heyrnarþjónusta
* Heyrnarvernd
* Heyrnarmælingar
* Heyrnartæki
* Ráðgjöf
Hjá Heyrn er veitt alhliða þjónusta til að bæta
úr heyrnarskerðingu undir faglegri ábyrgð
Ellisifjar K. Björnsdóttur, heyrnarfræðings.
Ellisif K . Björnsdóttir
heyrnar fræðingur
Falleg jólavara
Nýjar vörur
Stærri búð
„Það er bara rosaleg vellíðan sem
fylgir þessu og í raun ekki hægt
að útskýra það neitt nánar nema
hafa upplifað hana sjálfur,“ segir
heilsukokkurinn Auður Ingibjörg
Konráðsdóttir, þegar hún er beðin
um að lýsa hver sé helsti ávinning-
urinn af því að huga vel að matar-
æðinu.
Auður hefur getið sér góðan
orðstír fyrir matreiðslunámskeið
í Manni lifandi þar sem hún kenn-
ir þátttakendum meðal annars að
hrista fram úr erminni einfalda,
hagkvæma og gómsæta heilsu-
rétti og -drykki. Námskeiðin bygg-
ir Auður á fróðleik sem hún hefur
viðað að sér síðustu sautján ár eða
allt frá því að hún varð sjálf að
endurskoða mataræðið af heilsu-
farsástæðum.
„Fyrir sautján árum var ég und-
irlögð af ofnæmi og fékk reglu-
lega slæm mígrenisköst,“ rifjar
Auður upp. „Ég prófaði ýmislegt
til að vinna bug á veikindunum og
gerði meðal annars breytingar á
mataræðinu, sem ég hafði aldrei
spáð sérstakleg í. Það hafði viss-
ar jákvæðar afleiðingar í för með
sér þannig að ég ákvað loks að taka
það allt í gegn. Hamborgarar og
franskar fengu fyrst að fjúka og
svo fiskmeti sem mér þótti miður,
en varð að gera það vegna ofnæm-
isins.“
Í kjölfarið upplifði Auður stór-
kostlegar breytingar á heilsu
sinni. „Líkaminn brást strax vel
við og mér fór að líða miklu betur
í kjölfarið.“ Hún segir þó ekki alla
hafa tekið jafn vel í þessa ákvörð-
un. „Ég fékk nú fyrst ekki mikinn
hljómgrunn hjá fjölskyldunni enda
ekki margir sem spáðu almennt í
mataræðið á þessum tíma; þarna
var jú franska eldhúsið allsráð-
andi á Íslandi. En eftir að ég fór
að prófa mig áfram í eldamennsk-
unni og leyfði fjölskyldunni að
smakka jafnt og þétt vann ég hana
smám saman á mitt band. Nú fæ
ég ekkert nema stuðning og hrós
frá henni.“
Auður segist í dag vilja miðla
af reynslu sinni þar sem henni
er í mun um að sem flestir upp-
lifi sömu vellíðan. „Og eins og ég
hef sjálf komist að þarf þetta ekki
að vera neitt stórmál ef rétt er að
staðið. Þetta er eins og annað, ein-
falt ef maður kann það,“ segir hún
og brosir. roald@frettabladid.is
Hamborgarar og fransk-
ar fengu fyrst að fjúka
Auður Ingibjörg Konráðsdóttir var illa haldin af ofnæmi og mígreni fyrir sautján árum. Stöðug veikindi
urðu til þess að Auður endurskoðaði mataræði sitt og upplifði stórkostlegar breytingar í kjölfarið.
„Ég er í betra formi í dag en fyrir sautján árum,“ segir Auður og þakkar það bættu mataræði. FRÉTTABLAÐIÐ/GVA