Fréttablaðið - 19.11.2009, Side 18

18 19. nóvember 2009 FIMMTUDAGUR
SÖLUSTAÐIR Davidsson: Rammagerðin ehf Hafnarstræti 19, Reykjavík Keflavíkurflugvelli Akureyri Egilstöðum www.rammagerdin.is
Ríkisstjórnin kynnir
þriggja þrepa tekjuskatt-
skerfi sem sagt er jafna
kjör landsmanna með aukn-
um byrðum á hátekjufólk.
Hækka á rafmagnsreikn-
inginn hjá stóriðju um 1.600
milljónir króna og stór-
eignafólki er ætlað að skila
allt að fjórum milljörðum í
nýja auðlegðarskatt.
„Þetta bætir mjög stöðu þeirra
lægst launuðu og færir byrðarnar
þá frekar til þeirra sem var hlíft
í gamla kerfinu hjá Sjálfstæðis-
flokknum og Framsóknarflokkn-
um,“ sagði Jóhanna Sigurðardóttir
forsætisráðherra þegar nýjar til-
lögur ríkisstjórnarinnar í skatta-
málum voru kynntar í gær.
Meðal nýjunga í skattkerfinu
verður svonefndur auðlegðarskatt-
ur. Miðað er við að skatturinn verði
1,25 prósent og leggist ofan á hrein-
ar eignir umfram níutíu milljónir
króna hjá einstaklingi og umfram
120 milljónir hjá hjónum. Sam-
kvæmt Jóhönnu forsætisráðherra
og Steingrími J. Sigfússyni fjár-
málaráðherra er vonast til að þessi
skattur skili á bilinu 3,5 til 4 millj-
örðum króna. Sú upphæð eigi að
standa undir hækkun vaxtabóta og
koma í veg fyrir skerðingu barna-
bóta sem ella hefði verið í kortun-
um.
Sluppu með eignir úr hruninu
Steingrímur J. Sigfússon kall-
aði nýja auðlegðarskattinn „ríkis-
mannaskatt“ og sagði hann lagð-
an á ríkasta hluta þjóðarinnar sem
hefði sloppið með miklar eignir í
gegnum hrunið. „Við teljum sann-
gjarnt að þessi hópur leggi sitt af
mörkum,“ sagði fjármálaráðherra.
„Talsverður hópur fólks á gríðar-
legar eignir, skuldlausar eignir,
og er í alveg prýðilegum færum til
að leggja nú samfélaginu lið næstu
þrjú árin með því að greiða þenn-
an auðlegðarskatt og gera það að
verkum að við getum haft hærri
vaxtabætur og komist hjá skerð-
ingu barnabóta sem annars stefndi
í að yrði,“ segir Steingrímur.
Fjármagnstekjuskattur verður
hækkaður úr 15 í 18 prósent. Fyrstu
eitt hundrað þúsund krónurnar í
vaxtatekjum verða þó skattfrjálsar.
Réttlátara skattkerfi
Ráðherrarnir kynntu nýtt þriggja
þrepa skattkerfi. Steingrímur sagði
kerfið standast bestu kröfur á nor-
ræna vísu. „Það hlífir lágtekjufólki
við skattlagningu eins og okkar
aðstæður nú fremst bjóða upp á,“
sagði hann.
Auk þess að taka upp þrepaskipt-
ingu er ætlunin að hækka persónu-
afslátt þannig að skattfrelsismörk
hækki úr um 177 þúsund krónum
í tæpar 199 þúsund krónur. Ofan á
mánaðartekjur sem eru yfir skatt-
leysismörkunum og að 200 þúsund
krónum á að leggja 24,1 prósents
tekjuskatt. Útsvar sveitarfélaga, sem
algengast er nú að sé 13,1 prósent,
leggst síðan ofan á þetta tekjuskatt-
þrep og næstu þrep þar fyrir ofan.
Þau eru 27,0 prósent fyrir mánaðar-
tekjur sem eru yfir 200 þúsundum
og að 650 þúsund krónum. Á þann
hluta teknanna sem fer yfir 650
þúsund krónur leggst 33,0 prósenta
tekjuskattur.
„Þó að skattar aukist verulega
teljum við að við séum hér að koma
á réttlátara skattakerfi þar sem
byrðunum er dreift miklu jafnar,
réttlátar og sanngjarnar heldur en
verið hefur í því skattkerfi sem við
höfum búið við,“ sagði forsætisráð-
herra.
Að sögn ráðherranna þýðir nýja
kerfið að tekjuskattar á einstaklinga
sem hafa undir 270 þúsund krónur
í mánaðartekjur verða lægri en nú
er. Hjá þeim sem hafi hærri tekjur
verði skatturinn hærri.
Bensín og verðbólga hækkar
Vörur og þjónusta sem nú bera 24,5
prósenta virðisaukaskatt munu frá
og með áramótum bera 25,0 prósenta
skatt. Þá verður virðisaukaskatt-
ur á veitingastarfsemi og ýmsar
sykraðar vörur hækkaður í 14 pró-
sent úr 7 prósentum. Í lægsta þrep-
inu verði áfram til dæmis matvörur,
húshitun, fjölmiðlar og tónlist.
Vörugjöld á eldsneyti hækka um
2,7 krónur á bensínlítra og 2,9 krón-
ur á lítra af dísilolíu. Að meðtöldu
nýju kolefnisgjaldi mun hækkunin
nema 5 til 6 krónum á lítra. Gjöld
á áfengi og tóbak hækka einnig um
10 prósent.
Reiknað er með að áhrif hækkana
á óbeinum sköttunum hækki verð-
bólgu um 0,8 prósent.
Fyrirtækin borgi atvinnuleysi
Tryggingargjald sem fyrirtækin
greiða á að hækka um 1,6 prósentu-
stig og gjaldið í heild sinni að skila
28 milljörðum á næsta ári. Að sögn
fjármálaráðherra á gjaldið þar með
standa undir þeim kostnaði sem
búist sé við að verði vegna atvinnu-
leysis á næsta ári.
Þá verða lagðir á ný orku og auð-
lindagjöld. Meðal annars er rætt um
12 aura auðlindgjald á hvert kílóvatt
raforku sem selt er í landinu. Sam-
kvæmt áætlun ríkisstjórnarflokk-
ana á þetta að skila 1.885 milljón-
um króna. Þar af á stóriðjan að
borga 1.600 milljónir. Þess utan á
að freista þess að ná samkomulagi
við stóriðjufyrirtækin um að þau
greiði 1.200 milljónir króna á ári í
fyrir fram tekjuskatt næstu árinu.
Fram kom á fundi þeirra Jóhönnu
og Steingríms í Þjóðminjasafninu í
gær að þingflokkar þeirra beggja
hefðu samþykkt þessar tillögur
fyrr um daginn. Þær fælu í sér að
skattheimta yrði lækkuð um 20 til
25 milljarða króna frá því sem gert
var ráð fyrir í fjárlagafrumvarpinu.
Það væri hægt vegna skárra ástands
í efnahagslífinu en áður hafi verið
gert ráð fyrir.
FRÉTTASKÝRING: Breytingar á skattkerfinu
Vilja fá fjóra milljarða í
nýjan ríkismannaskatt
FRÉTTASKÝRING
GARÐAR ÖRN ÚLFARSSON
gar@frettabladid.is
0 119 200 650þúsund krónur
0% 24,1% 27,0%
ÞREPASKIPT TEKJUSKATTSKERFI
Ofan á hverja prósentutölu leggst um það bil 13% útsvar til sveitarfélaga.
Þriggja þrepa skattkerfi Einstaklingsbundin skattlagning
Einstaklingur Núverandi kerfi Nýtt kerfi
Brúttólaun krónur á mánuði 180.000 180.000
Frádráttarbært iðgjald í lífeyrissjóð 7.200 7.200
Skattskyldar tekjur, krónur á mánuði 172.800 172.800
Tekjuskattur + útsvar 22.077 20.077
Breyting í krónum -2.000
Skattbyrði (%) 12,8% 11,6%
Breyting á skattbyrði (%stig) -1,2%
Þriggja þrepa skattkerfi Einstaklingsbundin skattlagning
Hjón/sambúðarfólk Núverandi kerfi Nýtt kerfi
Maki A, brúttólaun á mánuði 350.000 350.000
Maki B, brúttólaun á mánuði 350.000 350.000
Frádráttarbært iðgjald í lífeyrissjóð 28.000 28.000
Skattskyldar tekjur, krónur á mánuði 672.000 672.000
Tekjuskattur + útsvar 175.990 180.691
Breyting í krónum +4.701
Skattbyrði (%) 26,2% 26,9%
Breyting á skattbyrði (%stig) 0,7%
Hjón/sambúðarfólk
Maki A, brúttólaun á mánuði 700.000 700.000
Maki B, brúttólaun á mánuði 700.000 700.000
Frádráttarbært iðgjald í lífeyrissjóð 56.000 56.000
Skattskyldar tekjur, krónur á mánuði 1.344.000 1.344.000
Tekjuskattur + útsvar 436.390 467.391
Breyting í krónum +31.001
Skattbyrði (%) 32,5% 34,8%
Breyting á skattbyrði (%stig) 2,3%
DÆMI
33,0%
Skattleysismörk hækka úr um 113 þúsund krónum í tæpar 119 þúsund krónur.
Heimild: Fjármálaráðuneytið
STEINGRÍMUR J. SIGFÚSSON OG JÓHANNA SIGURÐARDÓTTIR Forystumenn
ríkisstjórnarinnar kynntu í gær breytingar og nýjungar í skattkerfi landsins á fundi
í Þjóðminjasafninu. FRÉTTABLAÐIÐ/VILHELM
„Mér líst illa á þessar hækkanir, og fyrir því eru ýmsar
ástæður,“ segir Sigmundur Davíð Gunnlaugsson, formaður
Framsóknarflokksins. „Þær hafa neikvæð áhrif á versta
hugsanlega tíma og til lengri tíma litið er þetta ekki að auka
tekjur ríkisins heldur minnka þær.
Í fyrsta lagi hafa þær bein áhrif til að íþyngja heimilum
og fyrirtækjum sem eru ekki aflögufær. Þessar álögur hafa
áhrif á verðlagið, sem hefur síðan áhrif á vísitöluna sem
hækkar skuldirnar. Í öðru lagi er þetta líklegt til að ýta undir
landflótta, jafnframt því að hindra erlenda fjárfestingu og draga úr ferðamanna-
straumnum. Þetta gerir sem sagt allt til að draga úr verðmætasköpun einmitt
þegar við þurfum að auka neysluna til að halda fyrirtækjunum gangandi.“ - gb
DREGUR ÚR VERÐMÆTASKÖPUN
„Það má segja að umfangið sé nokkuð í takt við það
sem við höfðum reiknað með,“ segir Vilhjálmur Egilsson,
framkvæmdastjóri Samtaka atvinnulífsins. „Við höfum átt í
viðræðum við ríkisstjórnina um skattlagningu á atvinnulífið,
og þróunin hefur verið í þá átt að koma til móts við okkar
óskir. Það er jákvætt.
En það sem stendur út af er tvennt. Annars vegar er
sjávarútvegurinn að taka á sig yfir 3,5 milljarða í hækkaða
skatta, sem væri svo sem í lagi ef ekki væri verið að ógna
rekstrargrundvelli hans um leið með frumvarpi sjávarútvegsráðherra. Hitt er
svo virðisaukaskatturinn. Okkur finnst ekki gott að taka upp nýtt þrep heldur
hefðum við viljað hækka bæði í efra og neðra þrepinu.“ - gb
NÝTT ÞREP EKKI GOTT
„Okkar skilaboð í Sjálfstæðisflokknum eru einföld,“ segir
Bjarni Benediktsson, formaður Sjálfstæðisflokksins. „Við
teljum að það sé ekki hægt að hækka skatta við þessar
aðstæður. Við höfum bent á aðrar leiðir, og gerum það
ekkert að gamni okkar.
Við skulum hafa það í huga að skattar á tekjur frá 650
þúsund eru að hækka úr 37 prósentum upp í 47 prósent, og
það er 27 prósenta hækkun. Menn geta kallað það öllum
góðum nöfnum, en þetta er ekkert annað en stórfelldar
skatta hækkanir. Þetta gerist á sama tíma og kaupmáttur þessara sömu tekna
hefur dregist stórkostlega saman.“ - gb
STÓRFELLDAR SKATTAHÆKKANIR