Fréttablaðið - 19.11.2009, Qupperneq 66

46 19. nóvember 2009 FIMMTUDAGUR
bio@frettabladid.is
Tíu ár eru liðin síðan
kvikmyndin Fight Club var
tekin til sýninga. Síðan þá
hefur hún öðlast költ-stöðu
og margir líta á hana sem
eina af sínum uppáhalds-
myndum.
Kvikmyndin Fight Club er byggð
á samnefndri skáldsögu Chucks
Palahniuk sem kom út árið 1996.
Sagan varð til eftir að hann lenti
í slagsmálum í tjaldferðalagi.
„Þegar ég mætti aftur í vinnuna
var andlitið á mér í rúst. Augun á
mér voru svört eins og á panda-
birni,“ sagði Palahniuk í viðtali
við tímaritið Empire. Á þess-
um tíma vann hann hjá vörubíla-
fyrirtæki og reyndu samstarfs-
menn hans að sniðganga hann
vegna útlitsins. „Ef þú lítur nógu
illa út vill enginn vita hvað kom
fyrir þig,“ sagði hann.
Á sama tíma og Palahniuk hrip-
aði niður hugmyndina að bók-
inni fór hann að taka þátt í fleiri
slagsmálum. „Að hluta til hafði ég
mjög gaman af þessum slagsmál-
um. Ég var gjörsamlega úrvinda
eftir þau og ég svaf ótrúlega vel
á eftir. Mig langaði virkilega til
að deila þessari tilfinningu með
öðru fólki.“
„Njósnari“ á vegum framleið-
andans 20th Century Fox frétti af
bókinni skömmu áður en hún kom
út og sýndi yfirmönnum sínum,
sem þótti heldur lítið til koma í
fyrstu. Hún þótti ekki gróðavæn-
leg, enda fjallaði hún um subbu-
lega slagsmálaklúbba og hryðju-
verk heima fyrir. Á endanum var
þó ákveðið að gera myndina. Upp-
haflega átti Peter Jackson að leik-
stýra en ekkert varð af því og því
næst las Danny Boyle bókina en
ákvað frekar að gera The Beach.
Bryan Singer var sömuleiðis lík-
legur kandídat en á endanum fékk
David Fincher verkefnið í sínar
hendur. Hentaði það í raun vel því
hann hafði áður reynt að kaupa
kvikmyndaréttinn að bókinni.
Russell Crowe var fyrst hugs-
aður í hlutverk aðalpersónunn-
ar Tyler Durden, enda sjóðheitur
eftir leik sinn í LA Confidential.
Brad Pitt varð á endanum fyrir
valinu, enda nýbúinn að leika í
Seven í leikstjórn Finchers, auk
þess sem hann var þekktara nafn
en Crowe. Edward Norton fékk
hlutverk sögumannsins og var
þar hlutskarpari en Matt Damon
og Sean Penn. Að lokum valdi
Fincher Helenu Bonham-Carter í
hlutverk Mörlu Singer. Áður voru
Courtney Love og Winona Ryder
orðaðar við hlutverkið.
Eftir að tökum lauk í Los Ang-
eles óttuðust framleiðendurnir
að myndin væri of drungaleg og
myndi ekki falla í kramið. Frum-
sýningin átti að vera í júlí en var
frestað til haustsins, aðallega
vegna fjöldamorðanna í Columb-
ine fyrr á árinu.
Fight Club var loks frumsýnd á
kvikmyndahátíðinni í Feneyjum
1999 og skömmu síðar í Banda-
ríkjunum. Gagnrýnendur skiptust
í tvo hópa. Annar taldi myndina
allt of barnalega, ofbeldisfulla og
fasíska en hinn var heillaður upp
úr skónum, taldi myndina einmitt
gera vel heppnað grín að öllum
þessum atriðum. Áhorfendur
virtust aftur á móti ekki „fatta“
myndina því hún þénaði aðeins
37 milljónir dollara í Bandaríkj-
unum en reyndar fór sú tala í
100 milljónir á heimsvísu. Eftir
að hún var gefin út á mynddiski
hefur henni síðan vaxið fiskur um
hrygg og er Fight Club nú í uppá-
haldi hjá mörgum. Hún er orðin
ein af þessum költ-myndum sem
á vafalítið eftir að lifa um ókom-
in ár.
Fight Club verður tíu ára
„ÞÚ TALAR EKKI UM FIGHT CLUB“ Kvikmyndin Fight Club hefur öðlast költ-stöðu og
er í uppáhaldi hjá mörgum.
Fjórar kvikmyndir af fjölbreyttum
toga verða frumsýndar á morgun
og ættu allir að fá eitthvað fyrir
sinn snúð.
Jim Carrey talar fyrir nirfilinn
Ebenezer Scrooge í teiknimyndinni
A Christmas Carol sem er byggð á
Jólasögu Charles Dickens. Scrooge
er bitur, gamall maður sem þolir
ekki jólin og allt tilstandið í kring-
um þau. Á jólanótt heimsækja hann
þrír draugar: draugur fortíðar,
nútíðar og framtíðar, en það á eftir
að hafa afdrifaríkar afleiðingar.
Leikstjóri myndarinnar er Robert
Zemeckis sem beitti við myndina
sömu tölvutækni og hann notaði
við gerð The Polar Express. Með
helstu hlutverk fara Jim Carrey,
Gary Oldman, Cary Elwes og Colin
Firth.
A Serious Man er nýjasta mynd
meistara svarta húmorsins, Coen-
bræðra. Hún gerist árið 1967 og
fjallar um miðaldra prófessor sem
horfir upp á hjónaband sitt leysast
upp vegna þess að klaufskur og
óhæfur bróðir hans vill ekki flytja
út úr húsinu þeirra.
Love Happens er enn ein rómant-
íska myndin með Jennifer Aniston
í aðalhlutverki. Núna leikur hún
konu sem er hætt að hugsa um karl-
menn og ákveður að einbeita sér að
blómabúð sinni. Þegar hún hittir
Burke (Aaron Eckhart) breytast
þær áætlanir heldur betur því þau
verða umsvifalaust ástfangin. En
geta tvær manneskjur sem hafa
hitt réttu manneskjuna á röngum
tíma látið sambandið ganga upp?
Saw VI er sjötta hryllingsmynd-
in í þessari óstöðvandi seríu. Núna
er Strahn fulltrúi dáinn og rann-
sóknarlögreglumaðurinn Hoffman
hefur tekið við kyndli hans í von
um að halda goðsögninni Jigsaw á
lífi. Alríkislögreglan, FBI, reynir
hvað hún getur til að hafa hendur í
hári Hoffmans en það reynist hæg-
ara sagt en gert.
Jólasaga, hrollur og rómantík
LOVE HAPPENS Love Happens er enn ein rómantíska myndin með Jennifer Aniston.
Thandie Newton segist hafa
gleymt sér á tökustað, þegar hún
átti að vera að leika í senu fyrir
kvikmyndina 2012. Newton, sem
er 37 ára, leikur dóttur Banda-
ríkjaforseta í myndinni og hún
segir í viðtali við breska dag-
blaðið Daily Mirror að hasar senur
í myndinni hafi verið svo yfir-
þyrmandi að hún hafi gleymt sér.
„Í einni senunni stóð ég á
gangi þar sem flóðbylgja kom
á móti mér. Það var magnað, en
ég gleymdi alveg að leika því að
vatnið flæddi út um allt,“ segir
Newton, sem þurfti að endurtaka
senuna í kjölfarið. Þá segir hún
vinnuna við myndina hafa tekið
á. „Ég var gjörsamlega uppgefin
eftir senurnar í myndinni og fór
yfirleitt í húsvagninn minn og
lagði mig.“
Gleymdi sér í tökunum
UPPGEFIN Thandie Newton segist hafa
verið uppgefin eftir að leika í kvikmynd-
inni 2012.
Kvikmyndin 47 Ronin með Keanu
Reeves í aðalhlutverki hefur loksins
fengið leikstjóra, einu ári eftir að fyrst
var tilkynnt um gerð hennar. Hann
heitir Carl Erik Rinsch og er reyndur
auglýsingaleikstjóri. Þetta verður
fyrsta kvikmyndin hans en óvenjulegt
er að leikstjóri sem á engan feril að
baki í Hollywood fái að leikstýra svona
dýrri mynd. 47 Ronin fjallar um hóp
samúræja sem leggja upp í goðsagnar-
kenndan hefndarleiðangur eftir að
leiðtogi þeirra er neyddur til að fremja
sjálfsvíg.
47 Ronin fær leikstjóra
KEANU REEVES Reeves leikur
aðalhlutverkið í hasarmyndinni 47
Ronin.
Nicolas Cage hefur undanfarin ár
verið gagnrýndur fyrir að leika í innan-
tómum Hollywood-myndum á kostnað
mynda þar sem leikhæfileikar hans
fengju betur að njóta sín. Hann
gefur lítið fyrir þessa gagnrýni og
segir að stórmyndirnar veiti sér
frelsi til að leika í smærri, áhuga-
verðum myndum eins og nýjustu
mynd sinni Bad Lieutenant:
Port of Call New Orleans.
Bætir hann við að annar
kostur við stóru mynd-
irnar sé að þær dragi að
sér fjölda áhorfenda.
„Ég er fjölhæfur og
mig langar að leika í
alls konar myndum.
Sá sem orðinn nógu
stórt nafn getur
látið framleiða myndir, sem sumar hverjar
hefðu kannski aldrei verið framleidd-
ar vegna þess að umfjöllunarefnið
er of viðkvæmt,“ segir Cage. „En
ég vil ekki gera lítið úr myndum
sem ég hef leikið í eins og Nation-
al Treasure. Þær gleðja fólk. Fjöl-
skyldur fara á þær með börnun-
um sínum og mér finnst ekkert
að því að leika í svoleiðis
myndum.“
Þrjár Cage-myndir
verða frumsýndar
á n æ s t a á r i :
ævintýramyndin
Season of the
Witch, hasargrínið
Kick-Ass og The
Sorcerer‘s App-
rentice.
Ekkert að því að gleðja fólk
NICOLAS CAGE Cage finnst
ekkert að því að leika í stórum
Hollywood-myndum.
Hringdu í síma
ef blaðið berst ekki
> LEIKUR WINNIE MANDELA
Jennifer Hudson leikur Winnie
Mandela í myndinni Winnie,
sem fjallar um þessa fyrrverandi
eiginkonu Nelsons Mandela. Tökur
á myndinni hefjast í Suður-Afríku
30. maí. Sams konar mynd um
Nelson Mandela, Invictus, er
einnig væntanleg. Þar fer
Morgan Freeman með
aðalhlutverkið og leikstjóri
verður Clint Eastwood.
Hin umdeilda gamanmynd
Sacha Baron Cohen, Brüno,
hefur fengið flestar tilnefning-
ar til Bresku grínverðlaunanna
sem verða afhent í London 12.
desember.
Í myndinni leikur Cohen sam-
kynhneigða sjónvarpsmanninn
Brüno og þótti sumum hann
ganga yfir strikið í túlkun sinni
á Austurríkismanninum. Brüno
er tilnefnd sem besta grín-
myndin ásamt The Hangover
og In the Loop, sem er byggð á
sjónvarpsþáttunum The Thick
of It. Í flokknum Besti gaman-
þátturinn keppa Peep Show,
The It Crowd og Outnumbered:
Series 2.
Brüno fékk
tilnefningar