Vikan - 07.01.1960, Blaðsíða 24

Giftast James Darren
og Evy Xorluiid?
Fimm eða sex sinnum að undanförnu hefur síminn
hringt hér á ritstjórnarskrifstofum Vikunnar
og ungar kvenraddir spurt feimnislega: —
Getið þið sagt mér heimilisfangið hans James
Darren? — eða: — Hjá hvaða kvikmyndafélagi
leikur James Darren? Fram að þeim tima, þegar
hringingarnar hófust, verðum við að viðurkenna, að
þekking okkar á högum James Darren var harla
litil, en auðvitað urðum við að gera allt, sem unnt
var, til að hjálpa ungu stúlkunum, sem hringdu í
okkur. Þess vegna flettum við stafla af nýjum leik-
arablöðum og komumst að sínu af hverju um hinn
unga leikara, sem skyndilega virðist hafa orðið
mjög vinsæll á íslandi.
í fyrstu reyndum við að grafa upp orsakir hinna
skyndilegu vinsælda lians og komumst þegar að
því, að þær mundu eiga rætur að rekja til kvik-
myndarinnar Unglingastríðið við höfnina, sem var
sýnd í Stjörnubíói fyrir nokkru.
Við þurfum ekki að fletta lengi í leikarablöðun-
um til þess að komast að því, að James Darren er
nýskilinn við konu sína. í slúðursagnadálkum
margra blaðanna er þessa getið í sorgartón, en því
Evy Norlund er
brosmild, enda er
hún þarna úti að
snæða með elskunni
sinni, honum James.

Þárna er Darren í félagsskap hinnar ungu og fallegu Söndru Dee og virðist una sér hið
bezta, — en við vitum, að hans útvalda er danska fegurðardrottningin Evy Norlund, eða
að minnsta kosti segja nýjustu fréttir frá Hollywood það.

þó bætt við, að James sé ekki af baki dottinn fyrir
því, enda liafi hann hvað eftir annað upp á síðkastið
sézt á mannamótum i fylgd með dönsku fegurðar-
drottningunni Evy Norlund, sem um þessar mundir
gerir allt, livað hún getur, til að komast á blað í
kvikmyndaheiminum.
í viðtali við eitt blaðað kveðst James að vísu
vera í sorg vegna skilnaðarins við konuna, en blaðið
bætir því við, að sennilega takist Evy að lina
þjáningarnar eitthvað. Þó segir James: ■— Annars
tek ég leiklistina fram yfir allt annað. Og hlutverkið,
sem ég hef fengið i myndinni Enginn skal skrifa
mína grafskrift — er það bezta, sem ég hef fengið
til þessa. Ég ætla líka að leggja mig allan fram við
það. En það væri vanþakklátt gagnvart þeim, sem
hafa gaman af söng mínum, að leggja sönginn á
hilluna. Þess vegna vinn ég líka að nýju plötualbúmi
þessa dagana. Já, það er erfitt að lifa . . .
Við komumst einnig að því, að James Darren hóf
söngferil sinn í næturklúbbum i Fíladelfíu. Síðan
kom hann fram í sjónvarpsþætti, og þar varð hann
frægur á einu kvöldi eða svo. Eftir að hann var orð-
inn átrúnaðargoð bandarískra unglinga, opnaðist
auðvitað leiðin til kvikmyndanna.
Eftir þvi sem við komumst næst, starfar James
Darren nú hjá Columbia-kvikmyndafélaginu, og
reynandi er að skrifa utan á bréf til hans: Cohmibia
Studios, Hollywood, California, U. S. A.
EIKFERILL Marilynar Monroe
er nútimaævintýr. Hún fædd-
ist 10. júní 1926 í Los Angeles
og var skírð Norma Jean Baker.
Skömmu eftir styrjöldina starfaði
hún i flugvélaverksmiðju, en ljós-
myndari nokkur, sem kom í verk-
smiðjuna, „uppgötvaði" hana. Sið-
an gerðist hún Ijósmyndafyrirsæta
við bandarísk vikublöð, þá var hún
mynduð til reynslu hjá Fox-kvik-
myndafélaginu og síöan auglýst
upp sem kvikmyndastjarna. Þrátt
fyrir vinsældirnar var talið, að
Marilyn væri eins og hver önnur
dægurfluga, stjarna, sem hrátt
mundi falla. í Ilollywood brostu
menn í kampinn, þegar það barst
í tal, Iivorl Marilyn gæti leikið
gamanhlutverk. Marilyn getur að-
eins leikið með linum líkamans,
sögðu allir, meira að segja aðdá-
endur hennar. En Marilyn sigraði
aftur. Aðrar kynbombur gleymdust,
en hún náði hátindi frægðar sinnar
í myndinni Prinsinn og dansmær-
in, en þar lék hún á móti Laurence
Olivier, hinum fræga Shakespeares-
leikara.' Og sem stendur nýtur Mari-
lyn óhemjuvinsælda fyrir leik sinn
í gamanmyndinni Enginn er full-
kominn (Some like it Hot á frum-
málinu, en hefur verið nefnd Ingen
er fuldkommen á dönsku, og við
liýðum það).
Þeir, sem sjá þessa mynd, efast
ekki lengur um, að Marilyn sé leik-
kona. Myndin gerist á bannárunum
í Bandaríkjunum, þegar sprúttsalar,
„gangsterar" og dansmeyjar „gras-
seruðu“ i skemmtanalífinu þar.
Jassleikararnir Joe og Jerry, sem
Tony Curtis og Jack Lemmon leika,
skemmta gestunum í vínkjallara
einum, sem á ytra horði er fyrir-
tæki, er tekur að sér að sjá um
jarðarfarir. Lögreglan fær grun um,
að ekki sé allt með felldu í um-
ræddu fyrirtæki, og finnur vínkjall-
Framhald á bls. 34.
<
TIL VINSTRI: Skapið er ekki upp á það bezta, meðan lög-
reglan ryður salinn. TIL HÆGRI: Joe, sem nefnist Daphne í
kvengervinu, er í sama svefnvagni og Marilyn á leiðinni til
Flórída. Daphne fer í bað, en Marilyn horfir á. Loks er mynd af
þeim Tony Curtis og Jack Lemmo'n í hlutverkum Joe ög Jerry.