Fréttablaðið - 01.12.2009, Side 26

26 1. desember 2009 ÞRIÐJUDAGUR
UMRÆÐAN
Sigurfinnur Sigurjónsson skrif-
ar um skipulagsmál
Gunnar Valur Gíslason, forstjóri byggingarfélagsins Eyktar,
skrifaði grein í Fréttablaðið laug-
ardaginn 21. nóvember sl. þar sem
hann fer yfir mikilvægi þess að
útboðsferli í opnum útboðum séu
gagnsæ og opin. Undirritaður er
fullkomlega sammála Gunnari
um mikilvægi þess að afgreiðsla
mála eftir opnun útboða séu opin
og gagnsæ. Þótt þetta eigi að sjálf-
sögðu við um öll opin útboð er þetta
sérstaklega mikilvægt hjá sveitar-
félögunum og öðrum opinberum
aðilum sem höndla með opinbert
fé. Það er óþolandi þegar verk-
kaupar í opnum útboðum ganga
fram hjá lægstbjóðendum til að
koma „sínum mönnum“ að.
Þetta virðast Eyktarmenn hafa
fengið að reyna á eigin skinni á
Akureyri nýlega, og varð þeim til-
efni til skrifa.
Gunnar Valur nefnir tvö nýleg
dæmi þar sem Eykt átti hlut
að máli. Annað þeirra er útboð
Reykjavíkurborgar vegna fram-
kvæmda á horni Lækjargötu og
Austurstrætis, þar sem Gunn-
ari þótti sjálfsagt og eðlilegt að
samið yrði við Eykt ehf. Gunnar
eyðir nánast hálfri grein sinni í
að réttlæta afgreiðslu borgarinn-
ar, þar sem hann segir lægstbjóð-
anda ekki hafa uppfyllt tvö atriði í
skilyrðum útboðsgagna, þ.e. eigið
fé ekki hærra en 30 milljónir og að
lægstbjóðandi hafi ekki áður unnið
verkefni af sömu stærðargráðu og
umrætt verkefni. Þar fer Gunn-
ar Valur einfaldlega með rangt
mál. Það liggur algjörlega fyrir
að lægstbjóðandi, Fonsi ehf., upp-
fyllir öll skilyrði sem gerð voru í
útboðsgögnum. Að mati verkkaupa
voru upplýsingarnar um eigin-
fjárstöðu of nýjar en fannst ekki
taka því að biðja um upplýsing-
ar um reynslu Fonsa ehf. í verk-
efni af sömu stærðargráðu heldur
nýtti sér nokkurra mánaða gömul
gögn sem send voru inn
til borgarinnar af öðru
tilefni.
Fólk getur svo velt
því fyrir sér, í ljósi þess
ástands sem nú ríkir í
þjóðfélaginu, hvort séu
betri og áreiðanlegri upp-
lýsingar, ársskýrsla fyrir
árið 2008 eða 8 mánaða
uppgjör ársins 2009. Eða
var það kannski eitthvað
annað sem þarna hafði
áhrif? Skipti það kannski
megin máli í þessu tilviki hver var
næstlægstur?
Fram hefur komið í fréttum að
Eykt ehf. styrkti Framsóknar-
flokkinn í Reykjavík um 5 milljónir
króna fyrir síðustu sveitarstjórnar-
kosningar. Formaður innkauparáðs
Reykjavíkurborgar sagði svo í sjón-
varpsfréttum nýlega að „Eyktin hafi
líka styrkt Samfylkinguna og Sjálf-
stæðisflokkinn um milljónir“. Við
aðstæður sem nú eru á bygginga-
markaði, þar sem verktakar berjast
um öll verkefni, stór og smá, kemur
kannski ekkert á óvart að
menn fari að krefja um
„endurgreiðslu“.
Getur Fonsi ehf. eða
aðrir verktakar sem ekki
hafa greitt í kosningasjóði
gert ráð fyrir að fá sann-
gjarna og eðlilega meðferð
við slíkar aðstæður?
Í ljósi þess að Gunnar
Valur vill hafa hlutina
„opna og gagnsæja“ væri
kannski eðlilegt að hann
upplýsti okkur um hvaða
stjórnmálaflokka og einstaklinga
Eykt ehf. styrkti fyrir síðustu sveit-
arstjórnarkosningar, í hvaða sveit-
arstjórnum og um hve háar upp-
hæðir. Þá væri líka fróðlegt fyrir
mig, sem aldrei hef styrkt nokkurn
stjórnmálamann eða flokk fjár-
hagslega, að fá að vita hvað menn
hafa upp úr slíku. Hvernig fá menn
greitt til baka? Varla setur nokkur
aðili margar milljónir í slíkt og fær
ekki neitt fyrir, eða hvað?
Ég vil taka það fram að það hefur
alls ekki verið ætlun mín að fara í
karp við Eyktarmenn og lít á engan
hátt á þá sem andstæðinga eða
óvini, en tel mig hins vegar knúinn
til að svara þessum skrifum Gunn-
ars vegna þeirra röngu upplýsinga
um fyrirtæki mitt sem hann heldur
fram í grein sinni.
Ég styð Eykt fullkomlega í máli
þeirra gegn Akureyrarbæ, þar
sem verkkaupi virðist hafa gengið
fram hjá lægstbjóðanda til að koma
öðrum verktaka að, kannski vegna
þess að hann er heimamaður eða
af öðrum ástæðum sem eru okkur
hinum ókunnar.
Að lokum tek ég undir það með
Gunnari, að það er gríðarlega mikil-
vægt að í opnum útboðum séu verk-
ferlar opnir og gagnsæir. En legg
áherslu á það til viðbótar að þetta
eigi við í öllum tilvikum.
Það er hins vegar jafn mikilvægt
að verktakar starfi á gagnsæjan og
heiðarlegan hátt og „kaupi“ sér ekki
velvild verkkaupa.
Höfundur er framkvæmdastjóri
Fonsa ehf.
Eykt og gegnsæið
UMRÆÐAN
Árni Björnsson skrifar um ís-
lenskt mál
Bergsteinn Sigurðsson skrif-ar bakþanka í Fréttablaðið 27.
nóvember og kvartar yfir áhyggj-
um ‘sjálfskipaðra málverndara’ á
bloggsíðum af ‘hnignun íslensk-
unnar’. Viðhorf hans er gamal-
kunnugt. Svo lengi sem ég man
eftir hafa kokhreystimenn á borð
við hann klifað á því að íslensk tunga hlyti
að vera löngu komin niður í endaþarm, ef
nokkurt mark væri takandi á málræktend-
um. Það virðist fara þessi lifandis
skelfing í taugarnar á sumu fólki
að nokkur skuli voga sér að amast
við ambögum í málfari. Af hverju
bregðast menn svona illa við? Af
hverju finnst mönnum ekki held-
ur gaman að þessu?
Ég man sjálfsagt lengra aftur
en Bergsteinn eða rúma sex
áratugi þegar fyrst var farið
að halda úti leiðbeiningum um
málfar í útvarpinu. Þar reið á
vaðið Björn Sigfússon, fyrrum
háskólabókavörður. Ég er ekki í nokkrum
vafa um að stöðug árvekni opinberra eða
sjálfskipaðra málverndara, ekki síst inni
á heimilum, hefur átt mikinn þátt í því að
íslensk tunga er þrátt fyrir allt enn í frem-
ur þokkalegu horfi. Án þeirra er öldungis
óvíst hvernig ástandið væri. Hugsanlega
hefði allt bjargast af sjálfu sér, en hefði illa
farið, yrði það aldrei aftur tekið. Og það
er ógerningur að sjá að árvekni í tungu-
ræktarmálum sé nokkrum einasta manni
til skaða.
Það hefur verið furðuleg árátta síðustu
áratugi meðal ákveðins hóps að stimpla
málrækt og þjóðrækt sem þjóðrembu og
jafnvel fasisma. Maður spyr hvort það sé
ástæða þess að enginn fjölmiðill vogar
sér lengur að gagnrýna mállýti. Hvorki
Morgunblaðið né Fréttablaðið þótt skylt sé
að geta þess að hið síðarnefnda er nýlega
byrjað að birta notalegar athugasemdir um
málfar undir samheitinu Tungutak. Ekki
einu sinni Ríkisútvarpið virðist þora að
taka á þessu, þótt það hafi myndað sér mál-
stefnu fyrir hálfum þriðja áratug. Útvarp-
ið hefur mjög haldið að sér höndum í þessu
efni á seinustu árum og látið sér nægja að
spjalla um ýmis skemmtilegheit í orða-
forðanum sem vissulega er góðra gjalda
vert. Þá er ekki annað en bloggið eftir til
daglegrar umræðu, en nú er líka farið að
amast við því að menn bloggi um málfars-
efni.
Höfundur er þjóðháttafræðingur.
Nöldur um nöldur
ÁRNI BJÖRNSSON
SIGURFINNUR
SIGURJÓNSSON
Nú getur þú flogið ódýrt frá Keflavík til Grænlands. Það kostar aðeins 23.179 kr.* að fljúga aðra leiðina að
fljúga á slóðir Eiríks Rauða í Narsarsuaq og fyrir 27.657 kr.** kemstu til Nuuk, höfuðborgar Grænlands.
Flogið verður til beggja áfangastaðanna á tímabilinu 5. maí - 12. júlí og 8. - 29. september 2010, en einnig
verður flogið til Nuuk frá 19. júní - 4. september. Innifalið í verðinu er flug aðra leiðina ásamt öllum sköttum
og gjöldum.
Gríptu tækifærið og bókaðu núna á airgreenland.com
* Miðað við MasterCard kortagengi 27.11.09: 25,44 ISK = 1 DKK, með fyrirvara um breytingar á gengi ISK.
** Verð 1.087 DKK - miðað við MasterCard kortagengi 27.11.09: 25,44 ISK = 1DKK,
með fyrirvara um breytingar á gengi ISK.
NÝTT Á Í
SLANDI
FLJÚGÐU
ÓDÝRT 5
. MAÍ – 2
9. SEPT. 2
010
Grænland
önnur leiðin frá aðeins:
23.179 ISK*
911 DKK