Fréttablaðið - 03.12.2009, Síða 2

2 3. desember 2009 FIMMTUDAGUR
Sigrún María, er gott
andrúmsloft í hópnum?
„Það er yndislegt og hefur farið
hlýnandi en þó ekki of mikið.“
Sigrún María Kristinsdóttir, doktorsnemi í
umhverfis- og auðlindafræðum, er í hópi
nemenda sem fara á loftslagsráðstefnu
Sameinuðu þjóðanna í Kaupmannahöfn.
STJÓRNSÝSLA „Við höfum safnað
saman gríðarlega miklu magni
af gögnum úr bönkunum og vinn-
um úr þeim niðurstöður sem koma
fram í skýrslunni. Stór hluti henn-
ar er upplýsingar sem háðar eru
bankaleynd eða þagnarskyldu.“
Þetta segir Páll Hreinsson, for-
maður rannsóknarnefndar Alþing-
is, um aðdraganda og orsök falls
bankanna.
Í nýju frumvarpi forsætisnefnd-
ar Alþingis til breytinga á lögum
um rannsóknina og meðferð gagna
sem verða til við störf nefndar-
innar er kveðið á um vörslu Þjóð-
skjalasafnsins á þeim gagnabönk-
um sem geyma upplýsingar sem
á hvílir þagnarskylda í áttatíu ár,
samkvæmt ákvæðum upplýsinga-
laga.
Hefur sú ráðstöfun sætt gagn-
rýni og vakið ótta um að mikilvæg-
um upplýsingum verði leynt.
„Við notum allar þær upplýsing-
ar sem við þurfum til að útskýra
hver var aðdragandinn og megin-
orsakir fyrir falli bankanna. Í þess-
um tölvukerfum er fullt af upplýs-
ingum sem koma því ekkert við,“
segir Páll.
Í lögum um rannsóknarnefndina
er fyrrgreindum ákvæðum upp-
lýsingalaga vikið til hliðar. Í þeim
segir að nefndin geti birt upplýs-
ingar, sem annars væru háðar
þagnarskyldu, telji hún slíkt nauð-
synlegt til að rökstyðja niðurstöð-
ur sínar. Hún skuli þó aðeins birta
upplýsingar um persónuleg málefni
fólks, þar með talið fjármál þess, að
almannahagsmunir vegi þyngra en
hagsmunir þess sem í hlut á. - bþs
Formaður rannsóknarnefndar Alþingis segir allar mikilvægar upplýsingar birtar:
Margt sem kemur hruninu ekkert við
ALÞINGI Fjórir þingmenn VG,
Ögmundur Jónasson, Lilja Móses-
dóttir, Árni Þór Sigurðsson og
Þuríður Backman, vilja að öll
skjöl og aðrar upplýsingar um
ákvörðun um stuðning Íslands
við innrásina í Írak verði birt.
Hafa þau lagt fram þingsálykt-
unartillögu þess efnis. Í henni
segir að Alþingi álykti að fela for-
sætisráðherra og utanríkisráð-
herra að sjá til þess að birt verði
öll skjöl og allar aðrar upplýsing-
ar sem fyrir liggja frá ársbyrj-
un 2002 til desember 2003 sem
varpa ljósi á ákvörðun þáverandi
ríkisstjórnar um stuðning Íslands
við innrás Bandaríkjamanna og
Breta og annarra þjóða í Írak
árið 2003. - bþs
Fjórir þingmenn VG:
Allt um stuðn-
ing innrásar
verði opinberað
ÖRYGGISMÁL Stjórnstöð Landhelg-
isgæslunnar hafði í gærmorgun
samband við flutningaskipið
Nordana Teresa sem var á sigl-
ingu inn til Þorlákshafnar að því
virtist. Stjórnstöð hafði upplýs-
ingar um að skipið væri á leið til
Reyðarfjarðar.
Haft var samband við umboðs-
mann skipsins, sem er á leið frá
Rotterdam til landsins, sem vissi
ekki ástæðuna fyrir því að skip-
ið væri á siglingu við Suðvestur-
land, enda ætti skipið að koma til
hafnar á Reyðarfirði í gær.
Haft var samband við skipið.
Kom í ljós að áhöfn þess taldi
Reykjavík vera Reyðarfjörð.
Samstundis var stefnu skipsins
breytt og er það nú á réttri leið til
hafnar. - shá
Rammvilltir á flutningaskipi:
Töldu Reykjavík
vera Reyðarfjörð
RAMMVILLTIR Nordana Teresa er 6.500
tonn og 115 metrar að lengd. MYND/LHG
PÁLL
HREINSSON
„Við notum
allar þær upp-
lýsingar sem
við þurfum.“
Kostnaður RÚV í Brussel
Gunnar Bragi Sveinsson Framsókn-
arflokki hefur lagt fram fyrirspurn til
menntamálaráðherra um hver áætl-
aður árlegur heildarkostnaður er við
áform Ríkisútvarpsins um að koma á
starfi fréttaritara í Brussel.
ALÞINGI
STJÓRNMÁL Stjórnarandstaðan
styðst við stundaskrá um hver
skuli ræða Icesave og hvenær.
Einnig er tekið fram hverjir skuli
veita ræðunni andsvar.
Blaðið hefur komist yfir eintak af
stundatöflunum, þar sem tilgreind-
ur er ræðumaður úr stjórnarand-
stöðu, hvenær ræða hans byrjar
og hvenær henni lýkur; heildar-
lengd ræðutíma, lengd andsvara og
hvaða tveir þingmenn úr stjórnar-
andstöðu skuli veita stjórnarand-
stöðuþingmanninum andsvar.
Þessi tiltekna stundatafla spann-
ar tímann frá klukkan 16.00 síðast-
liðinn mánudag og til klukkan 01.30
um nóttina, en sú dagskrá riðlaðist
reyndar, þar sem farið var að ræða
um fjáraukalög.
„Þetta stríðir gegn anda þing-
skapalaga,“ segir Steingrímur J.
Sigfússon fjármálaráðherra og
finnst sorglegt að sjá hvernig tím-
inn fari forgörðum, þegar þing-
ið standi frammi fyrir gríðarlega
erfiðum málum. Þingsköp séu ekki
þannig hugsuð að fólk sé í andsvör-
um við sjálft sig.
„Ég hef aldrei heyrt um það
áður að menn séu með þaulskipu-
lagt stundaplan um þófið. Það má
kannski hrósa þeim fyrir þetta,
hvað þau eru skipulögð, en þetta
sýnir náttúrlega hvað er á ferð-
inni,“ segir fjármálaráðherra.
Stjórnarandstaðan taki sér mikla
ábyrgð með því að hindra réttkjör-
inn meirihluta þings að störfum.
„Þetta er ekki það sem landið
þarf á að halda,“ segir hann.
Margrét Tryggvadóttir, þing-
maður Hreyfingarinnar, segir
stundaskrána til merkis um hversu
góð samvinna sé um að draga fram
alla þætti málsins.
Hún segir Icesave-málið þannig
vaxið að það sé „einmitt sannfær-
ingin sem dregur okkur áfram“,
spurð hvort það geri ekki lítið úr
sannfæringu hvers og eins þing-
manns, að veita andsvar sam-
kvæmt stundatöflu.
„Mjög oft er fólk á staðnum sem
langar til að taka þátt í umræðunni
og þá gerir það bara það. Þá skiptir
engu máli hvort það sé skráð með
andsvar. Þetta er spilað eftir eyr-
anu, þótt það liggi fyrir grunnplan.
Ef einhver þarf að fara frá, þá bara
annaðhvort skiptir hann við ein-
hvern eða fer,“ segir Margrét.
Bjarni Benediktsson, formaður
Sjálfstæðisflokksins, segist ekki
líta svo á að stjórnarandstaðan
beiti málþófi. Það sé ríkisstjórn-
arinnar að skýra út hvers vegna
hún setur eitt en ekki annað mál
á dagskrá.
Spurður hvort hann telji að það
sé í anda þingskapalaga að ákveða
að veita andsvör við ræðu sem ekki
hafi heyrst, segir Bjarni: „Þú verð-
ur að tala við einhverja þingreynd-
ari menn um það en mig.“
Samkvæmt þingskapalögum má
forseti Alþingis leyfa þingmönnum
að veita stutt andsvar við einstök-
um ræðum. Þar segir að andsvari
megi einungis beina að máli ræðu-
manns, en ekki öðru andsvari.
klemens@frettabladid.is
Málþófið skipulagt
upp á hverja mínútu
Stjórnarandstaðan styðst við stundaskrá þar sem tilgreint er upp á mínútu hver
sé hvar á mælendaskrá til að tala um Icesave og hverjir veiti síðan andsvör.
„Ekki það sem þjóðin þarf á að halda,“ segir fjármálaráðherra.
Líf hafi þrifist á Mars
Vísindamenn bandarísku geim-
vísindastofnunarinnar NASA segja
að bakteríur á 13.000 ára gömlum
lofsteini gefi sterklega til kynna að líf
hafi þrifist á Mars.
ALHEIMURINN
FÉLAGSMÁL Ekki er víst að skyn-
samlegt sé að fresta töku eins
mánaðar af fæðingarorlofi þar til
eftir þrjú ár segir Sigríður Ingi-
björg Ingadóttir formaður félags-
málanefndar.
Í frumvarpi félagsmálaráð-
herra um breytingar á fæðingar-
orlofi er gert ráð fyrir því að for-
eldrum gefist kostur á því að taka
átta mánuði í fæðingarorlof og fá
350 þúsund krónur á mánuði að
hámarki eins og nú er, og fresta
töku eins mánaðar þar til barn-
ið verður þriggja ára. Þeir mega
einnig dreifa fjárhæðinni á fleiri
mánuði en þá fellur rétturinn á
aukamánuðinum niður.
Sigríður Ingibjörg segir að
skoða þurfi alla útreikninga í
tengslum við breytingartillögurn-
ar og afleiðingarnar fyrir börn
og foreldra, meta kosti og galla.
Ekki sé víst að ríkið sé sérlega
vel í stakk búið til að greiða auka-
mánuðinn eftir þrjú ár, meta þurfi
hversu stór hluti foreldra muni
geyma mánuðinn.
Þar fyrir utan verði að skoða
hvernig sveitarfélög séu í stakk
búin til að taka fyrr við börnum
í daggæslu. Sigríður Ingibjörg
bendir á að 1.200 milljónir vanti
í sjóðinn til að mæta áætluðum
útgjöldum á næsta ári, skera þurfi
niður sem því nemur. Nauðsyn-
legt sé að skoða fleiri leiðir, þar
á meðal fyrstu tillögu ráðherra
sem fól í sér lækkun hámarks-
greiðslna í 300 þúsund.
Frumvarpið verður lagt fram
á Alþingi á næstu dögum og lagt
fyrir félagsmálanefnd að lokinni
fyrstu umræðu eins og venja er.
Guðmundur Steingrímsson,
fulltrúi Framsóknarflokksins í
félagsmálanefnd, segist ekki sér-
staklega hrifinn af hugmyndum
sem lúta að styttingu orlofsins.
Ef skera þurfi niður eigi frekar
að lækka hámarksgreiðslur, en
hlífa þeim sem hafa minnst. Hann
bendir á að auðveldara sé að end-
urskoða ákvæði um hámarksupp-
hæð þegar rofar til heldur en að
fjölga mánuðum í orlofi. Fram-
tíðarmarkmiðið eigi vitaskuld að
vera að lengja það.
- sbt
Formaður félagsmálanefndar ekki sannfærður um ágæti fæðingarorlofsfrumvarps:
Frestun á mánuði ekki góð leið
SIGRÍÐUR INGI-
BJÖRG INGADÓTTIR
FJÖLMIÐLAR Norræn blaðamanna-
félög hafa þungar áhyggjur af
þróun íslenskra fjölmiðla í kjöl-
far bankahrunsins hér á landi og
gagnrýna ráðningu Davíðs Odds-
sonar í ritstjórastól.
Í tilkynningu sem félögin sendu
frá sér segir að brottrekstur
fjölda reynslumikilla íslenskra
blaðamanna sé aðför að frelsi fjöl-
miðla og tjáningarfrelsi. Einkum
sé ástandið ískyggilegt hjá Morg-
unblaðinu, þar sem eigendur hafi
ráðið fyrrverandi seðlabanka-
stjóra sem ritstjóra, en hann sæti
um þessar mundir rannsókn fyrir
þátt sinn í íslenska bankahruninu.
- asg
Norræn blaðamannafélög:
Segja ráðningu
Davíðs slæma
LÖGREGLUMÁL Slökkviliðið á höfuð-
borgarsvæðinu var kallað út
að einbýlishúsi í Skógargerði í
Reykjavík stundarfjórðung yfir
sjö í gærkvöldi eftir að eldur
kom upp í jólaskreytingu.
Húsráðandi taldi sig hafa
slökkt á kerti í skreytingunni
en svo reyndist ekki vera, sam-
kvæmt upplýsingum frá slökkvi-
liðinu. Tjón var ekki mikið af
völdum eldsins en nauðsynlegt
var að reykræsta húsið.
Slökkviliðið segir þetta
fyrsta tilvikið fyrir jólin í ár
sem kvikni í út frá kertum
og beinir því til fólks að það
hugi að kertum og frágangi á
rafmagni. Tilhneiging sé hjá
fólki að tengja saman mörg
rafmagn stengi og það kunni að
blossa úr þeim með alvarlegum
afleiðingum. - jab
Reykur út frá jólakerti:
Fyrsta skreyt-
ingin brunnin
GUÐMUNDUR
STEINGRÍMSSON
ALÞINGI Þingmenn stjórnarandstöðunnar styðjast við stundatöflu um hver skuli
ræða Icesave og hvenær. Margrét Tryggvadóttir, þingmaður Hreyfingarinnar, segir
stundatöfluna til merkis um hversu góð samvinna sé um að draga fram alla þætti
málsins. FRÉTTABLAÐIÐ/VALLI
SPURNING DAGSINS