Fréttablaðið - 03.12.2009, Blaðsíða 43

FIMMTUDAGUR 3. DESEMBER 2009
Aðsniðin jakkaföt eru helst í
tísku um þessar mundir þótt
þau hefðbundnu séu ávallt
vinsæl að sögn verslunarstjóra
Kultur Menn í Kringlunni.
Í versluninni Kultur Menn í
Kringlunni fást jakkaföt af öllum
stærðum og gerðum handa þeim
sem annaðhvort vilja halda sig við
klassísk snið eða fylgja nýjustu
stefnum og straumum úr heimi
tískunnar. Olgeir Líndal versl-
unarstjóri var beðinn um að lýsa
þeim.
„Aðsniðin, tveggja tölu jakka-
föt, þau eru heitust um þessar
mundir,“ segir Olgeir og bætir við
að fremur stuttir jakkar þyki jafn-
framt flottir. „Áherslur í litavali
liggja í svörtu og gráu. Lítið er um
liti fyrir þessi jól eins og fjólublátt
hjá dömunum, þótt skyrtur í slík-
um litum séu reyndar fáanlegar.
Svo eru fínköflótt eða fínteinótt
jakkaföt inni, en þessi grófköflóttu
eða -teinóttu úti.“ Hvað efni varð-
ar segir hann ull og ullarblöndur
koma sterkt inn. Bómullarblönd-
ur, sem eru stífari og þykkari, séu
vinsælli hjá yngri kynslóðinni.
Jakkafötin segir hann helst al-
mennt sniðin að aldurshópnum 20
til 35 ára þótt um það gildi engar
sérstakar reglur.
Karlar sem kjósa fremur hefð-
bundin jakkaföt en tískusveiflur
ættu þó ekki að koma að tómum
kofunum í Kultur Menn því þar
fæst gott úrval af slíkum fatn-
aði. Um muninn þar á milli segir
Olgeir að slík föt séu ekki eins
þröng, buxurnar séu víðari og
jakkarnir einnig síðari.
Þá segir Olgeir að við jakkaföt-
in séu hvítar skyrtur vinsælast-
ar fyrir jól og áramót. Svo megi
lífga upp á klæðnaðinn með alls
kyns fylgihlutum, svo sem litrík-
um ermahnöppum, bindum, bæði
mjóum og breiðum, og svo treflum
og klútum sem séu í mikilli upp-
sveiflu um þessar mundir. „Hvort
tveggja eigum við í ýmsum litum,
einlitt, röndótt, köflótt, þykkt og
þunnt,“ segir hann og bætir við
að vinsælt sé að hafa hálsklút-
ana til dæmis yfir jakkann eða
frakkann.
Olgeir tekur fram að þrátt fyrir
efnahagslægð í þjóðfélaginu sé
varan á mjög góðu verði, þökk sé
skilningi og sveigjanleikja þeirra
erlendu birgja sem verslunin hefur
átt í viðskiptum við um langt skeið.
Til marks um það verði jakkaföt,
sem fást frá 39.900 krónum og
upp úr, og skyrtur seldar með 20
prósenta afslætti fyrir jól.
Aðsniðin jakkaföt eru í tísku
„Paul Smith, Tiger of Sweden og Matinque, þetta eru okkar helstu merki,“ segir
Olgeir og bætir við að Exibit Italia sé nýjasta viðbótin við merkjaflóru Kultur Menn.
FRÉTTABLAÐIÐ/VALLI
Allt frá því að þekktir tískuhönn-
uðir á borð við Coco Chanel og
seinna Yves Saint-Laurent tóku að
leika sér með hefðbundin karlasnið
í hönnun sinni á konur, hefur skap-
ast hefð fyrir því að konur klæðist
jakkafötum. Sú tíska hefur eins og
annað gengið í bylgjum í gegnum
tíðina og náði síðast miklum
vinsældum á níunda ára-
tugnum þegar stjörnur
eins og Darryl Hannah,
Grace Jones, Madonna
og fleiri spígsporuðu
um í jakkafötum, gjarn-
an í þeim tilgangi að und-
irstrika kvenleika
sinn, vald og kyn-
þokka. - rve
KYNÞOKKAFULLAR
í karlaklæðum
Söngkonan Celine Dion mætti á
Óskarverðlaunahátíðina árið 1999
silkijakka sem hún lét snúa öfugt.
Uppátækið vakti misjöfn viðbrögð og
þykir sumum þetta eitt versta tískuslys í
sögu hátíðarinnar.
Leikkonan og
kynbomban
Scarlett
Johansson í
smóking.
Leikkonan Marlene Dietrich
klæddist jakkafötum og öðrum
strákslegum klæðnaði á hvíta
tjaldinu sem og í einkalífinu.
Í söngleikjamyndinni Victor/Victoriu fer Julie Andrews með hlutverk konu sem leikur
mann sem leikur konu. Í mörgum atriðum myndarinnar klæðist Andrews annaðhvort
smóking eða klæðskerasniðnum jakkafötum.
Skemmtikrafturinn og þáttastjórnand-
inn Ellen Degeneres klæðist iðulega
jakkafötum eða buxnadrögtum við fínni
tilefni. Hér er hún ásamt sambýliskonu
sinni leikkonunni Portia de Rossi.
Matinique jakkaföt
49.990 kr.
Tiger of Sweden skyrta
19.990 kr.
Marco Pascali bindi
6.990 kr.
Tiger of Sweden jakkaföt
79.990 kr.
Tiger of Sweden skyrta
19.990 kr.
Marco Pascali bindi
6.990 kr.
Paul Smith jakkaföt
79.990 kr.
Paul Smith skyrta
21.990 kr.
Paul Smith bindi
13.990 kr.
Exibit Italia jakkaföt
55.990 kr.
Matinique skyrta
17.990 kr.
Bindi
4.990 kr.