Fréttablaðið - 03.12.2009, Blaðsíða 18

18 3. desember 2009 FIMMTUDAGUR
nær og fjær
„ORÐRÉTT“
Fjölmörg orðatiltæki í íslensku má rekja
til taflmennsku. Þeir sem taka áhættu
eru gjarnan sagðir tefla í tvísýnu en
jafnvel þá getur komið upp pattstaða.
Menn skáka gjarnan í einhverju skjóli
til að réttlæta sig, eða skáka jafnvel í
hróksvaldi ef þeir telja stöðu sína efni
til mikilmennsku, en það bætir ekki
endilega úr skák. Þá er
ótalin sú iðja að tefla
við páfann.
Alþekkt er orðtakið
að vera hrókur alls
fagnaðar, en einnig eru
kunn afbrigðin að vera
hrókur allrar skynsemi
og að vera hrókur
alls fróðleiks, þótt
þau séu fátíðari.
- mt
Nú stendur mikið til hjá
starfsmönnum handverk-
stæðisins Ásgarðs. Þeir
hafa aldeilis þurft að spýta
í lófana síðustu daga, enda
árlegur jólamarkaður á
næsta leiti og þá seljast list-
munirnir þeirra í bílförm-
um – eða þar um bil.
„Við erum alltaf í jólaskapi allt
árið,“ segir Óskar Albertsson, tals-
maður Ásgarðs, handverkstæðis
fyrir fólk með þroskahömlun sem
hefur verið starfrækt í Álafoss-
kvosinni í Mosfellsbæ í sextán ár.
Óskar hefur unnið í Ásgarði í heil
sextán ár og sér nú um matreiðslu
ofan í mannskapinn, auk þess að
vera sérlegur markaðsstjóri og
upplýsingafulltrúi.
Í Ásgarði eru framleiddir list-
munir og leikföng, einkum úr tré
en einnig beinum, hornum, málmi,
steinum og öðru hráefni.
Á laugardaginn heldur Ásgarður
sinn árlega jólamarkað í kvosinni,
sem hefur verið vel sóttur undan-
farin ár. Þar gefst gestum tæki-
færi til að skoða aðstæður, kaupa
framleiðsluna og hlýða á KK leika
ljúfa tóna í matsalnum á meðan
þeir gæða sér á kaffi og með því.
Og í aðdraganda jólamarkaðar-
ins er ætíð líf og fjör í Ásgarði. Þá
þarf að smíða, pússa, púsla, líma
og mála sem aldrei fyrr því salan
rýkur jú upp úr öllu valdi. Gripirn-
ir njóta enda sívaxandi vinsælda,
bæði listmunirnir sem barnaleik-
föngin. Leikföngin eru framleidd
af mikilli natni og þess gætt að
börn geti ekki farið sér að voða
við leikinn, þau eru vel slípuð og
aldrei máluð nema með náttúru-
legri málningu sem er algjörlega
skaðlaus jafnvel þótt hún rati upp
í munn.
„Þetta flýgur út eins og elding.
Það er engin kreppa hjá okkur,“
segir Óskar. Og Gísli Þór Tryggva-
son, verkstjóri á smíðaverkstæð-
inu í bröggunum skammt hjá, segir
starfsmenn hafa verið hörkudug-
lega upp á síðkastið. „Það er búið
að vera mikil stemning síðan um
síðustu helgi þegar við vorum að
selja í Kringlunni og það hefur
verið rosalegur kraftur og dugn-
aður í þeim að framleiða fyrir
markaðinn,“ segir Gísli.
Á smíðaverkstæðinu fá aðeins
verkstjórar og útvaldir starfs-
menn að vinna við stórvirkari vél-
arnar, en hinir sinna handavinn-
unni og því mikilvægasta af öllu:
hugmyndavinnunni. Þannig er
hver viðardrumbur grandskoðað-
ur og starfsfólk kemur síðan með
hugmyndir að því hvers konar grip
má smíða úr honum.
Í listasmiðjunni svokölluðu eru
svo starfsmenn sem kæra sig ekki
um stöðugan vélagnýinn í tré-
smiðjunni og sinna þar léttara
handverki.
Í Ásgarði starfa um 40 manns,
nokkrir verkstjórar og stór hópur
fólks með þroskahömlun sem ýmist
vinnur allan daginn eða bara hálf-
an eftir getu og áhuga. Unnið er
alla daga nema föstudaga, þegar
starfsmenn funda saman á léttum
nótum fram að hádegi. Verslunin
á staðnum er jafnframt opin alla
daga. Jólamarkaður laugardags-
ins hefst á hádegi á og stendur til
fimm. KK treður upp klukkan tvö.
stigur@frettabladid.is
Við erum í jólaskapi allt árið
Í TRÉSMIÐJUNNI Allt iðaði af lífi í trésmiðju Ásgarðs þegar blaðamann og ljósmyndara bar að garði. Ingþór, sem er fremstur á
myndinni, var í óða önn að fínpússa íhluti í leikfangalest, og Steingrímur, sem situr við hlið hans, lá ekki á liði sínu.
FRÉTTABLAÐIÐ/VILHELM
AÐALMAÐURINN Óskar Albertsson hefur unnið í Ásgarði í sextán ár, eða frá upphafi,
og hefur með sannfæringarkrafti sínum fengið marga listamenn til að troða upp á
vinnustaðnum.
Blaðberinn
bíður
þín
Þú færð Blaðberann þinn í Skaftahlíð 24
alla virka daga frá kl. 8-17.
...góðar fréttir fyrir umhverfiðBlaðberinn...
Hringdu í síma
ef blaðið berst ekki
„Ég er nú orðin gömul og lítill þátttakandi
í þjóðfélaginu,“ segir Vilborg Dagbjarts-
dóttir rithöfundur, innt eftir tíðindum rétt
áður en hún stakk sér til sunds í Neslaug-
inni á Seltjarnarnesi. „Kreppan hefur
fengið lítið á mig þannig séð og ég
finn ekki fyrir samviskubiti út af
þessu öllu saman. En ég verð að
segja að ég treysti þeim Jóhönnu
og Steingrími til að velja réttu
kostina.“
Vilborg er fædd árið 1930, á
krepputímum, og þekkir á eigin
skinni að öll él styttir upp að
lokum. „Það hlýtur að koma að
því, mér finnst líklegt að við förum
að rétta úr kútnum með hækkandi
sól. Ég held við verðum líka að vera
dugleg að minna okkur á hvaða
tækifæri felast í ástandinu, til dæmis á
landsbyggðinni. Hún hefur alltaf verið
arðrænd í gegnum tíðina en nú gæti hún
aftur á móti sótt í sig veðrið aftur. En
ég er alls ekki svartsýn, þvert á móti,
það kemur að því að við náum
okkur upp úr þessu.“
Vilborg tekur lífinu með ró, að
eigin sögn. Hún býr ein í mið-
bænum og er ekki að gera mikla
rellu út af jólaundirbúningnum.
„Það er nú lítið að undirbúa. Ég
er búin að kaupa öll jólakortin,
meira er það nú varla. Jólin
hafa aldrei verið kauphátíð í
mínum huga, heldur fyrst og
fremst heilög hátíð ljóss og
friðar þar sem við eigum að huga að
andanum frekar en efninu.“
HVAÐ ER AÐ FRÉTTA? VILBORG DAGBJARTSDÓTTIR RITHÖFUNDUR
Hef fulla trú á Jóhönnu og Steingrími
Er þér stætt á því?
„Ég stend fast á því að ég
hafi staðið við þetta.“
ÞORBJÖRG HELGA VIGFÚSDÓTTIR
FORMAÐUR LEIKSKÓLARÁÐS SKRIF-
AÐI BRÉF Í BYRJUN MAÍ OG SAGÐIST
ÆTLA AÐ VERJA GJALDSKRÁR,
SEM HÚN SVO HÆKKAÐI Í SAMA
MÁNUÐI.
Fréttablaðið, 2. desember
Guð blessi Ísland II
„Ja, ég segi nú bara Guð
blessi okkur ef þetta tekst
ekki.“
JÓN GUNNAR OTTÓSSON, FOR-
STJÓRI NÁTTÚRUFRÆÐISTOFNUNAR
ÍSLANDS, HEFUR ÁHYGGJUR AF
ÚTBREIÐSLU LÚPÍNUNNAR.
Fréttablaðið, 2. desember
TUNGUTAK
Skáktafl