Fréttablaðið - 03.12.2009, Side 70

54 3. desember 2009 FIMMTUDAGUR
Eitt umtalaðasta par
Hollywood í seinni tíð er
viðfangsefnið í nýrri bók
kanadíska blaðamannsins
Ian Halperin. Myndin sem
hann dregur upp af parinu
er ekki í samræmi við
glansmyndina sem þau gefa
af sér í fjölmiðlum.
Bókin Brangelina:The Untold
Story of Brad Pitt and Angelina
Jolie, eftir Ian Halperin, kom í
bókabúðir í Bandaríkjunum í gær.
Bókin hefur fengið mikla umfjöll-
un og þá sérstaklega vegna þess
að margir telja að Halperin not-
ist ekki við mjög áreiðanlegar
heimildir. Blaðamaðurinn sjálfur
er vanur því að valda fjölmiðla-
fári þegar bækur hans koma út
því í desember í fyrra hélt hann
því fram í fjölmiðlum að Michael
Jackson ætti sex mánuði eftir ólif-
aða. Hann dó í júní á þessu ári,
hálfu ári eftir að yfirlýsing Hal-
perins birtist. Hann gaf út bók-
ina Unmasked: The Final Years
of Michael Jackson í júlí á þessu
ári þar sem þessi orð hans eru
útskýrð.
En þá að bókinni um Brad og
Angelinu. Þar kemur meðal ann-
ars fram að Pitt og Jolie rífist eins
og hundur og köttur þegar þau eru
saman. „Ég hafði meiri áhyggjur
af hans velferð heldur en hennar.
Hún gat algjörlega misst stjórn á
skapi sínu og hótaði honum gjarn-
an líkamsmeiðingum. Ég skil ekki
hvernig nokkur maður gæti hugs-
að sér að eyða hverjum degi með
henni, sama hversu falleg hún er,
hún er með hræðilegt skap,“ sagði
fyrrverandi bílstjóri parsins.
Halperin heldur því einnig fram
að Pitt hafi haldið fram hjá Jolie
með súdanskri fyrirsætu að nafni
Amma sem hann hitti á góðgerða-
samkomu í þágu Darfúr. Hel-
perin ritar að sést hafi til Pitts í
félagsskap Ömmu oftar en einu
sinni, meðal annars á að hafa sést
til þeirra á kvikmyndahátíðinni
í Cannes. Rithöfundurinn segir
Jolie ítrekað hafa ásakað Pitt um
framhjáhald og sé það uppspretta
ófárra rifrilda þeirra á milli.
Í bókinni kemur einnig fram að
Jennifer Aniston, fyrri eiginkona
Pitts, hafi tvisvar misst fóstur á
meðan á hjónabandi þeirra stóð
og sé það ástæðan fyrir því að fór
sem fór. Fjölmiðlar fjölluðu ítar-
lega um þann skilnað og var því
haldið fram að Jolie hefði verið
hjónadjöfull en Pitt og Jolie léku
saman í kvikmyndinni Mr. & Mrs.
Smith þar sem talið er að örvar
Amors hafi hæft þau í hjarta-
stað. Með reglulegu millibili hafa
verið fluttar fréttir af væntanleg-
um sambandsslitum Pitts og Jolie
en hingað til hafa þær ekki reynst
réttar. Hvort bókin verði dropinn
sem fylli mælinn skal hins vegar
ósagt látið. - sm
VILDI ÖMMU FREKAR EN JOLIE
Söngfuglinn Mariah Carey mætti í sjónvarpsvið-
tal í morgunþáttinn GMTV í Bretlandi fyrir stuttu.
Annar þáttastjórnandinn, Kate Garraway, sagð-
ist hafa heyrt ýmsar sögur um meinta dívu-
stæla söngkonunnar en aldrei trúað þeim
fyrr en hún hitti hana sjálf. „Ég hef heyrt
sögur af dívustælum Mariuh Carey í gegn-
um árin og getið þið hvað? Þær eru allar
sannar! Mariah var mjög viðkunnanleg en
það var út í hött hversu marga hún þurfti
að hafa með sér í viðtalið til að þjóna sér.
Tveir aðstoðarmenn létu hana síga ofan í sóf-
ann til okkar til þess að koma í veg fyrir að hún
krumpaði kjólinn sinn, og annar aðstoðarmaður
þurfti alltaf að ganga aftur á bak beint fyrir fram-
an hana ef ske kynni að hún dytti fram fyrir sig,“
var haft eftir Garraway.
Kærasta Shakiru brá þegar hann
sá hana fáklædda í nýlegu tónlist-
armyndbandi. Í viðtali við fjöl-
miðla vestanhafs viðurkennir
söngkonan að honum hafi brugð-
ið við að sjá hana í húðlitaðri sam-
fellu einni fata í myndbandi við lag
hennar She Wolf. „Hann bjóst alls
ekki við þessu og spurði hvort ég
hefði ekki að minnsta kosti getað
verið með trefil,“ segir söngkon-
an um kærasta sinn Antonio de
la Rua, son fyrrverandi forseta
Argentínu.
Aðspurð segist Shakira, 32 ára,
vel getað hugsað sér að eignast
börn með Antonio, en aðeins þegar
hún sé tilbúin til að hætta að vinna.
„Ég get ekki hugsað um neitt annað
en að setja saman næsta tónleika-
ferðalag mitt núna. Ég er eins og
lest sem getur ekki stoppað, en
ég held að næsta stoppistöð verði
barneignir. Ég mun samt ekki
stoppa lengi því ég verð að halda
áfram að skapa. Það er bara í eðli
mínu,“ segir söngkonan.
Shakira djörf
SKIPULEGGUR TÓNLEIKAFERÐALAG
Shakira vinnur nú að væntanlegu
tónleikaferðalagi, en viðurkennir að hún
vilji fara að eignast börn fljótlega með
kærasta sínum Antonio de la Rua.
STORMASAMT HJÓNABAND
Rithöfundurinn Ian Halperin hefur gefið út bók um samband
Brads Pitt og Angelinu Jolie. Þar kemur ýmislegt misjafnt
fram, meðal annars heldur Halperin því fram að Pitt hafi
haldið fram hjá Jolie oftar en einu sinni. Að auki kemur fram
af hverju hjónaband Jennifer Aniston og Pitts hafi endað
með skilnaði.
Ekki krumpa kjólinn
DÍVA Mari-
ah Carey er
þekkt fyrir
dívustæla.
„Efnahagsástandið hefur sett strik í reikninginn
hjá HIV-Ísland alnæmissamtökunum þar sem mikið
hefur dregið úr fjárframlögum til samtakanna. Því
má segja að ekki hefði orðið af árlegri fræðslu til
unglinga ef MAC Aids fund hefði ekki notið við,“
segir Lísa Einarsdóttir, vörumerkjastjóri MAC á
Íslandi. Á laugardaginn fer fram árleg Viva Glam-
fjáröflun Alnæmissjóðs MAC. Sjóðurinn hefur um
árabil stutt við bakið á samtökunum HIV-Ísland og
í ár hefur verið ákveðið að framlag MAC á Íslandi
renni til fræðsluverkefnis þar sem farið verður til
allra 9. og 10. bekkinga í grunnskólum landsins
með fræðslu um HIV og alnæmi.
Alnæmissjóður MAC hefur fyrst og fremst
aflað fjár með sölu á Viva Glam-varalitunum,
en sú lína samanstendur af sex litum, allt frá
sígildum rauðum að fjólubleikum. Sjóðurinn er
í fararbroddi í baráttunni gegn HIV-smiti og
alnæmi og styður rúmlega 700 stofnanir
um allan heim, en framlag MAC á Íslandi
hefur verið eyrnamerkt fræðsluverkefni
HIV-Ísland.
Fjáröflunin fer fram í verslun MAC
í Debenhams, Smáralind, næstkom-
andi laugardag milli klukkan 14 og
16, en þar munu 3 Raddir og Beatbox
meðal annars taka lagið. „Þjóðþekktir einstakling-
ar verða á staðnum að selja rauða borðann og safna
fyrir samtökin. Jónsi í Í svörtum fötum er talsmað-
ur Viva Glam-dagsins og mun afhenda HIV-Ísland
ávísun upp á 2,2 milljónir klukkan 15 á laugardag,
en Ilmur Kristjánsdóttir leikkona er verndari sam-
takanna og mun taka við ávísuninni fyrir þeirra
hönd,“ segir Lísa. - ag
MAC styður HIV-Ísland alnæmissamtök
AFHENDIR ÁVÍSUN Jónsi í Í svörtum fötum er talsmaður Viva
Glam-dagsins og mun afhenda HIV-Ísland ávísun upp á 2,2
milljónir klukkan 15 á laugardag.
„Þetta er bara búið að slá algjörlega í gegn,“ segir Íris
Huld Guðmundsdóttir. rekstrarstjóri og yfirleiðbein-
andi Heilsuakademíunnar, um nýtt þjálfunarkerfi sem
kallast TRX Suspension training. Þjálfunarkerfið er
upprunnið í Navy Seals í Bandaríkjunum, en TRX-
æfingar byggja upp jafnvægis- og djúpvöðvakerfi lík-
amans. „Þetta eru æfingar sem eru gerðar í ákveðnum
ströppum eða böndum sem maður festir í króka í loft-
inu. Þú vinnur alfarið með þína eigin líkamsþyngd í
stað lóða og það fer eftir hvernig þú hallar þér í æfing-
unni hversu erfið hún er,“ útskýrir Íris. „Þetta er alveg
jafnt fyrir byrjendur, atvinnu- og íþróttamenn og eldri
borgara því æfingarnar er hægt að sníða að hverjum
og einum og að tilteknum íþróttum,“ bætir hún við.
Eitt námskeið er þegar yfirstaðið í Heilsuakademí-
unni og morgun- og kvöld námskeið þegar hafin. „Það
er allt að fyllast. Miðað við gengið núna í dag er ég viss
um að þetta er komið til að vera,“ segir Íris Huld. - ag
Vinsælt þjálfunarkerfi
NÝJASTA HEILSURÆKTARÆÐIÐ? Íris Huld segir TRX-þjálfunar-
kerfið njóta mikilla vinsælda og er viss um að það sé komið til
að vera. FRÉTTABLAÐIÐ/VILHELM
Upplestrarkvöld á Súfistanum,
Laugavegi 18, í kvöld kl. 20
Þórarinn Eldjárn / Alltaf sama sagan
Viktor Arnar Ingólfsson / Sólstjakar
Páll Valsson / Vigdís – Kona verður forseti
Ragna Sigurðardóttir / Hið fullkomna landslag
Allir hjartanlega velkomnir