Fréttablaðið - 21.12.2009, Qupperneq 40

ABC barnahjálp er íslenskt
hjálparstarf sem snýst um að
veita nauðstöddum börnum
varanlega hjálp og vera
farvegur fyrir framlög gjaf-
mildra Íslendinga.
ABC barnahjálp rekur skóla
fyrir 12.000 fátæk börn í
Afríku og Asíu og veitir 4000
þurfandi börnum heimili.
Vegna lágs gengis krónunnar
er erfitt að láta enda ná
saman og kemur það
m.a. niður á máltíðum
skólabarnanna.
Fyrir 1000 kr stuðning frá
ykkur getum við gefið einu
skólabarni máltíð daglega
í heilan mánuð. Fyrir 2000
kr framlag getum við veitt
einu barni skólavist í heilan
mánuð. Meira á www.abc.is
Í fátækrahverfum Suður-
Afríku reka íslenskar konur
hjálparstarf fyrir mæður sem
neyðast til að gefa nýfætt
barn sitt til ættleiðingar.
Ástæðurnar eru oftast
sárafátækt og/eða útskúfun.
Í mörgum tilfellum er
konunum nauðgað, en hvergi
í heiminum eru nauðganir
fleiri. Ef konan verður
barnshafandi í kjölfarið er
hún gjarnan gerð ábyrg fyrir
nauðguninni og oft gerð
brottræk úr samfélaginu.
Enza hefur hjálpað konum
í þessari stöðu að komast í
tækifærin sem eru til staðar á
svæðinu. Með tölvukennslu í
Enza skólanum hefur sumum
þeirra tekist að fá vinnu.
Þannig geta þær séð fyrir sér
- og jafnvel öðrum - og orðið
í leiðinni fyrirmyndir annarra
kvenna í fátækrahverfunum.
Draumur okkar í Enza er að
geta byggt hús sem verður
tímabundið heimili fyrir
stúlkurnar á meðan þær eru
að fóta sig í tilverunni á ný.
Fjárþörf Enza fyrir byggingu
hússins, innbúi og rekstri í eitt
ár er 6,5 millj.
Draumur Stígamóta er að
geta endurvakið verkefnið
„Stígamót á staðinn”. 
Verkefnið fólst í því að
ráðgjafar okkar flugu/
sigldu eða óku til fólksins
okkar á sex stöðum utan
höfuðborgarsvæðisins
og snéru síðan aftur með
leyndarmál þeirra. Starfsemi
Stígamóta fór þannig fram á
sjö stöðum á landinu. Mikil
vinna var lögð í þetta kæra
verkefni og alls staðar komust
færri að en vildu.  
Fjárhagsstaða Stígamóta
versnaði mjög við kreppuna
og þurfti m.a. að segja upp
tveimur starfskonum og lækka
laun, auk þess sem starfskonur
skúruðu í vinnutímanum. 
Engin leið var til þess að halda
úti svo dýrri og tímafrekri
vinnu og verkefnið varð að
leggja niður.  
Sú ákvörðun var erfið, því það
er vont að klippa á vinnuferli
sem farin eru í gang. 
Til þess að endurvekja megi
starfið, þarf að safna a.m.k. 6
milljónum króna.
Mæðrastyrksnefndir um
land allt hjálpa fyrst og
fremst einstæðum foreldrum
sem eru í erfiðleikum. Til
Mæðrastyrksnefndar leitar
alls kyns fólk sem þarfnast
aðstoðar, t.d. fólk sem hefur
misst vinnuna eða heilsuna,
eða hafa einhverra hluta
vegna lent í erfiðleikum. Fólk
virðist yfirleitt vera rólegt og
yfirvegað og ber sig vel þótt
við vitum að líðanin sé ekki
alltaf góð.
Aðsóknin hefur án efa
tvöfaldast á árinu 2009
jafnvel meira. Við hafa bæst
eldri borgarar, öryrkjar og
einstæðir atvinnulausir
erlendir karlmenn. Greinilegt
er að fólk er meira vakandi
fyrir réttindum sínum og hvar
aðstoð er að finna.
Markmiðið er að geta veitt
aðstoð til þeirra sem leita til
okkar.
Það er mikill styrkur fyrir
okkur á þessum tímum í
því að finna stuðning frá
fyrirtækjum, félagasamtökum
og einstaklingum.
Hjálparsími Rauða krossins
1717 er símaþjónusta fyrir
fólk í vanda. Þar er veitt
ráðgjöf til fólks á öllum aldri
sem þarf á stuðningi að halda
t.d. vegna þunglyndis, kvíða
eða vanlíðunar.
Öll getum við átt erfið
skeið í lífinu og orðið fyrir
áföllum, þá er gott að vita af
einhverjum sem er tilbúinn
að hlusta og veita sálrænan
stuðning.
Með framlagi þínu gerir þú
okkur kleift að halda áfram á
sömu braut, að veita ókeypis
sólarhringsþjónustu fyrir þá
sem þurfa að létta á hjarta sínu.
Frjáls framlög www.jolagjofin.is
904-1000 kr. 1.000
904-2000 kr. 2.000
904-3000 kr. 3.000
jolagjofin.is
gjöfin
JÓLAGJÖFIN rennur óskert í einn sjóð og skiptist jafnt á milli eftirtalinna félaga:
Mæðrastyrksnefnda + ABC-barnahjálpar + Rauða krossins + Stígamóta + ENZA
Mæðrastyrksnefndir
Tónleikar í kvöld kl. 19-21
Við hvetjum landsmenn til að
horfa á Ísland í dag í kvöld kl.
18:55 - 19:25 á Stöð 2 og gefa
með okkur veglega jólagjöf.
Við þökkum öllum þeim
fjölmörgu sem lagt hafa hönd á
plóginn til að gera þessa tónleika
og söfnun á Stöð 2 að veruleika.
Allir sem koma fram gefa sína
vinnu.
Sérstaklega þökkum við Rio
Tinto Alcan sem gerði okkur m.a.
mögulegt að auglýsa söfnunina
og tónleikana.