Vikan - 14.12.1961, Page 34

Verzlunin Glugginn við Laugaveg liefur mjög
vönduð belti í stærðum frá nr. 2—8, og er
það, sem er á þessari mynd 8 cm breitt og er
með tvöfaldri spennu. Þau eru til i öllum litum
og eru gerð úr leðurlíki, sem illmögulegt er að
þekkja frá leðri. Verðið er frá 48.00 kr. upp
í 118.00 kr. það breiðasta. Ungar stúlkur eiga
aldrei of mikið af beltum, svo það ætti að vera
óhætt að gefa þeim eitt af þessum.
Lítil stúlka eða drengur, sem ætlar að kaupa
jólagjöf fyrir mömmu eða frænku fyrir vasa-
peningana sína, geta varla sloppið billegar og
betur en með því að borga 26.00 kr. fyrir þessa
tesiu. Hún er reyndar mjög hentug og skemti-
leg, því undir henni er skál, sem tekur við drop-
unum, en síunni er hallað þegar hún er not-
uð. Hún fæst í verzluninni Liverpool við Lauga-
veg.
Það er ekkert eins hlýtt og lopinn og þessi
slá á myndinni er bæði falleg og hlý. Þetta
væri góð gjöf fyrir ömmu, þó hún sómi sér
reyndar vel á hvaða aldursflokki sem er. Slá-
in er i sauðalitunum og fæst i Baðstofu Ferða-
skrifstofu ríkisins og kostar 160.00 kr.
Ódýran en vandaðan hanastélshristara sáum
við í Véla- og raftækjaverzluninni í Banka-
stræti. Hann er silfurlitaður og svartur og verð-
ið er 173.00 kr.
Smíðakassi er sígild gjöf fyrir drengi og i
Sport í Kjörgarði sáum við þennan vandaða
kassa, sem kostar 145.00 kr.
Sykurkar og rjómakanna úr fallegu stáli,
með teakhöldum, kostar 206.00 kr. hjá Magnúsi
Ásmundssyni, Laugavegi 66.
Skóval í Eymundsenskjallaranum hefur aust-
urlenzka táskó. Þeir eru í ýmsum litum og
skreyttir með gylltum og silfurlituðum þráð-
um, perlum og pallíettum, eða úr rósóttu silfur-
og gullofnu efni. Þessir á myndinni eru svartir
með silfurlitum smápertum og kosta 95..00 kr.
Leikfang fyrir litlu börnin, hlásið út og er
á hjólum. Ekki kunnum við skil á skepnunni,
en hún gefur frá sér torkennilegt ýlfur og hægt
er að beygja hana eftir vild. Okkur fannst hún
nógu ævintýraleg og fjarstæðukennd til þess
að falla í smekk litlu barnanna, en liún fæst i
Tómstundabúðinni í Austurstræti og kostar
59.00 kr.
34 VIKAN