Vikan - 19.05.1966, Qupperneq 9

/
BAHCO
lega hefur hann farið að vera
með stúlku, sem er fáeinum ár-
um eldri en við. Þetta er svo sem
bezta stelpa, en í sannleika sagt
dálítið fjöllynd og laus á kostun-
um. Það er mér — og mörgum
öðrum — kunnugt um af eigin
reynslu, en ég geri ráð fyrir, að
kunningi minn viti sáralítið um
fortíð hennar. Þetta hefði svo sem
getað verið allt í lagi, en núna
nýverið frétti ég, að þau væru í
þann veginn að opinbera. Þetta
blessast kannski ágætlega hjá
þeim, því hún virðist vera skotin
í honum, ekki síður en hann í
henni. En samt finnst mér hann
svolítið blindandi í þessu. Ætti
ég ekki að segja honum, það sem
ég veit um hana? Hvað finnst
þér,
H.S. Akranesi.
Nei, í guðanna bænum láttu það
vera. Hvað heldurðu að þær séu
margar, íslenzku nútímastúlkurn-
ar, sem varðveita meydóminn
þangað til í hjónasængina er
komið? Það er langbezt að láta
þau sjálf um að ráða fram úr sín-
um vandamálum; geti þau það
ekki sjálf, tekst öðrum það varla
betur.
HVAÐ ER EFTIR AF ANGELIQUE?
Kæri Póstur!
Beztu þakkir fyrir allt gamalt
og gott. Nú langar mig að spyrja
þig svolítið út úr, og vona þú
viljir svara.
Hvað heita Angelique-bækurn-
ar sem eftir eru? Er það satt að
það sé enginn eiginlegur endir
kominn, eða er langt síðan síð-
asta bókin kom út? f Morgun-
blðainu fyrir nokkru var skýrt
frá því að hafinn væri undirbún-
ingur að töku þriðju Angelique-
myndarinnar, eftir sögunni Ang-
elique og kóngurinn, þar sem
Joffrey de Peyrac kæmi aftur til
sögunnar en í þeirri bók kemur
hann ekkert við sögu, og eftir
því sem mér skilst, ekki í Angel-
ique og soldáninn heldur, tekur
myndin yfir margar bækur eða
hvernig liggur í þessu, vitið þið
það?
Ykkur finnst nú líklega nóg
komið en þar sem ég veit að svo
margir hafa áhuga á þessu vona
ég að þið gefið einhverja úrlausn.
Allir hafa gaman að lesa Angel-
ique, en sumir hafa áhyggjur út
af hvað hún verður orðin gömul
þegar hún finnur ástina sína, eít-
ir þessum bókafjölda að dæma.
Fyrirgefið ónæðið.
Virðinarfyllst,
íris.
Okkur er kunnugt um þrjár Ang-
elique-bækur, sem enn hafa ekki
komið í Vikunni: Angelique í
byltingunni, Angelique verður
ástfangin og Angelique í Amer-
íku. Svo höfum við pata af einni
í viðbót.
Eiginlegur endir sagnabálksins
um Angelique er sem sagt ókom-
inn enn, og höfundarnir hafa lát-
ið í veðri vaka, að þegar Ange-
lique detti upp af klakknum, taki
dóttir hennar við. Þau segjast
muni halda áfram að skrifa þess-
ar bækur, svo lengi sem lesendur
kunni að meta þær.
Eftir þeim upplýsingum, sem
við höfum fengið um þriðju Ang-
elique-myndina, er mjög óljóst
yfir hvaða svið hún spannar,
jafnvel ekki öruggt hvaða nafn
hún hlýtur. Hinsvegar kemur
Robert Hossein þar í aðalhlut-
verki, og hann lék, sem kunnugt
er, Joffrey de Peyrac í fyrstu
kvikmyndinni um Angelique.
BIcOM
mtTNNAR
1 Amman var komin á heimilið
og hafði fengið herbergi út af
fyrir sig. Dótturdóttir hennar sat
oft hjá gömlu konunni og fylgd-
ist vel og vandlega með því, hvað
hún liafðist að og fannst margt
nýstárlegt.
Einn morgun kemur hún inn
til ömmu sinnar, sem þá var ný-
búin að taka upp rokkinn sinn
og farin að spinna.
„Hvað er þetta“? spurði sú litla
og benti á rokkinn.
„Þetta heitir rokkur, væna
mín“, svaraði amma.
Sú stutta horfði litla stund stór-
um augum á ömmu sína, en tekur
því næst á rás fram í eldhús til
móður sinnar og hrópar:
„Mamma, mamma. Hún amma
er farin að rokka“!
Jón á Bergi.
VIFTAN YFIR ELDAVÉLINA
Hreinf og hressandi! Það 'cr gaman að matreiða f nýtízku eldhúsi, þar sem loftið
er hreint og ferskt. Það skapar létta lund, vinnugleði og vellíðan, hvetur hug-
myndaflugið — og matarlykt og gufa setjast ekki í nýlagt h&rið né óhrelnka fðt
og gluggatjöld; málning og heimilistæki gulna ekki og hreingerningum fækkar.
Raunveruleg loftræsting! Með Bahco Bankett fáið J>ér raunverulega loftræstingu,
J>ví auk þcss að soga að sér og blása út gufu og matarlykt, sér hún um eðlilega
og heilnæma endurnýjun andrúmsloftsins i eldhúsinu og næstu herbergjum. Sog-
getan er ein af ástæðunum fyrir vinsæídum Bahco Bankett.
Hljóð! Þrátt fyrir soggetuna heyrist varla í viftunni. Bahco Bankett er sennUega
hljóðasta viftan á markaðinum.
Engin endurnýjun á síum! Athugið sérstaklega, að Bahco Bankett þarfnast engrar
endurnýjunar á lykt- og gufueyðandi sfum, sem dofna mcð tfmanum. Bahco Bank-
ctt hcfur engar slfkar, en heldur alltaf fullum afköstum — kostnaðarlaust.
Fitusíur úr ryðfríu stáli! Bahco Bankett hefur hins vegar 2 stórar, varanlegar fltu-
síur úr ryðfríu stálf, sem ekki cinungis varna því, að fita setjist innan í úthlásturs-
stokkinn, hcldur halda viftunni sjálfri hreinni að innan, því að loftið fer fyrst
gegnum sfurnar. Fitusíurnar cru losaðar með einu handtaki og einfaldlega skolaðar
úr heitu vatni stöku sinnum.
Rétt vinnuhæð, innbyggt ljós og rofar. Lögun Bahco Bankctt skapar éþvingað
svigrúm og sýn yfir eldavélina. Xnnhyggt ljós veitir þægilega lýsingu og rofarnfr
fyrir ljós og viftu eru vel og fallega staðsettir.
Falleg, stilhrein og vönduð — fer alls staðar vel! Bahco Bankett er teiknuð af
hinum fræga Sigvard Bcrnadotte, eins og mörg fallcgustu hcimilistækin f dag, og
er sænsk úrvalsframlelðsla frá einum stærstu, reyndustu og nýtízkulegustu loft-
ræstitækjaverksmiðjum álfunnar.
BAHCO ER BETRI. Það er einróma álit neytendasamtaka og reynslustofnana ná-
grannaríkjanna, að úthlástursviftur einar veiti raunverulega loftræstingu. Hagsýnlr
húsbyggjendur gera þvf ráð fyrir útblástursgati eða sérstökum loftháfi. Þeir, s#m
endurnýja eldri eldhús, brjóta einfaldlega gat á útvegg eða ónotaðan reykháf. Sú
fyrirhöfn marghorgar sig.
NÝJUNG: Bahco raðstokkar. Við höfum nú á hoðstólum létta og sterka, hvlta
plaststokka með beygjum og öðru tilheyrandi, sem hver og einn getur raðað saman,
án minnsta erfiðis eða sérstakra verkfæra.
Veljið því rétt, veljið viftu, sem veitlr
raunvcrulega loftræstingu og heldur allt-
af fullum afköstum — kostnaðarlaust.
Veljið BAHCO BANKETT.
Komið, skrifið eða útfyllið úrklipp-
una og fáið allar upplýsingar um
Bahco Bankett, stokka, uppsetningu,
verð og greiðsluskilmála.
SÍMI 24420. SUÐURGÖTU 10. RVlK.
Sendið undirrit. BahcxD Bankett myndalista með öllum upplýsingum:
Nafn:......................................................................
Heimilisfang:..............................................................
Til Fönix s.f., pósthðlf 1421, Rfeykjavfk. V-16
VIKAN 20. tbl. 0