Vikan - 21.07.1966, Blaðsíða 41

P. S. Parket og Jaspelin
gólfdúkur - nýir litir.
Einnig linoleum parket-gólfflísar
í viðarlíkingu.
þér þessi heimagerða saga Svíans
firnagóð og hlærð að henni lengi
kvölds.
Svenska kvalitetsvaror.
Manastir í mjúkum kletti.
En svo kemur að því, þegar þú
hefur engin manastir séð um sinn,
og það er drunglegur, regnþrung-
inn morgun í Slatni Pjassatsi, og
þú ert að velta því fyrir þér, hvað
þú eigir nú að gera af þér í dag í
svona veðri, að Nikolaí býr yfir
einhverju þegar hann kemur í há-
degismat. Og að máltíð lokinni opn-
ar hann Volguna upp á gátt og
þú stígur inn. Og hann ekur upp
úr staðnum, inn milli skóga og
fjalla, og nemur staðar í litlu
rjóðri, rétt utan við veginn. Þaðan
liggur stígur upp að fjallinu, sem
er hvítt og þverhnípt, og þegar þið
komið alveg upp að klettarótun-
um, verða fyrir ykkur þrep, höggv-
in í hvítan, fremur mjúkan klettinn.
Og upp gangið þið, upp í eitt
klaustrið enn.
Mig minnir það heiti Aladja, og
það er lítið annað en skútar, höggn-
ir í mjúkan klettinn. Milli þeirra
liggja þröng einstígi utan í klett-
inum, og allur er staðurinn hinn ó-
kleifasti. Óþarfi er líklega að taka
það fram, að þarna finnst enginn
munkur lengur. Og meðan þið
klúkið þarna utan í þverhnípinu
brýzt sólin fram milli skýja og allt
verður hlýtf og bjart. Þegar þið
komið niður aftur, hittið þið konu,
sem sýslar um blóm í garðinum
sínum, hún á heima í snotru húsi
þarna niðri. Hún er með lítinn og
fjörugan tíkarhvolp með sér, og á
í erfiðleikum með að bægja hon-
um frá að troða niður blómin.
Kannski ferð þú að leika þér við
hvolpinn, sem heitir Dujna, og hann
eltir ykkur leikfullur niður eftir
stígnum.
I leik með ekta Búlgörum.
En eftir því sem neðar dregur,
verða áður ógreinileg hljóð skýr-
ari. Jú, það eru áreiðanlega ein-
hverjir að leika sér, hlæja, hrópa
og leika á alls oddi. Og Nikolaí
beygjr af leið og stefnir gegnum
skóginn á hljóðið. Og fyrr en var-
ir verður fyrir þér lítil, vistleg krá,
og undir hálfþaki situr hópur fólks
við hlaðin borð. Hópur kvenna er
niðri á hlaðinu í einhvers konar
hringleik, hefur hátt og skemmtir
sér konunglega. Þú sezt við borð
í sólinni frammi á veröndinni og
pantar þér bjór, meðan þú fylgist
með leiknum. Og fyrr en varir, ertu
tekinn með í leikinn, og þótt þú
skiljir ekki bofs í því, sem fólkinu
fer um munn, finnurðu, að það
vill hafa þig með og vill að þú
skemmtir þér eins og það og með
því.
Það fer í margskonar hringleiki,
þú þekkir engan þeirra. Finnst sum-
ir jafnvel afar barnalegir. Fólkið
stendur í tveimur röðum og snýr
hvað að öðru, heldur saman hönd-
um og myndar göng, með aðra
hendina lausa. Einn er eftir, hann
á að hlaupa gegnum göngin, hin-
ir eiga að reyna að slá í bossann
á honum með lausu hendinni. Þetta
er ekki spurning um sigur eða tap,
aðeins að sjá skringilega tilburði
og hlæja. Svo er einn settur á stól
og bundið fyrir augun á honum.
Síðan kemur einhver úr hópnum og
gerir honum eitthvað, klípur í eyr-
að á honum eða kyssir hann, bara
eitthvað. Svo hleypur gerandinn
aftur á sinn stað, áður en bindið
er tekið frá augum fórnardýrsins.
Og það á að benda á gerandann.
Það er hlegið og leikið sér, en þú
gengur aftur að borðinu og tekur
til við bjórinn.
Lohgh lohgh lili lohgh.
Fyrr en varir er hópurinn kom-
inn upp á veröndina og farinn að
dansa í hring, syngjandi sem þér
heyrist svona: Lohgh lohgh lilí
lohgh, lohgh lilí lohgh, sa tselúf
kji í Ijúboff useti e godoff. Og það
þýðir: Allir eru búnir undir kassa og
ást. Ein stúlkan í hópnum stendur
inn í hringnum með klút í höndum,
heldur í tvö skástæð hornin á hon-
um og skimar um. Svo tekur hún á
rás, stefnir á þig, slöngvar klútn-
um um hálsinn á þér og teymir þig
með honum inn í miðjan hringinn.
Þar breiðir hún klútinn á stéttina,
krýpur á helminginn á honum og
réttir þér kinnina, lokar meira að
segja augunum. Þú átt að kyssa
gripinn, lagsmaður! Hvað þú að
sjálfsögðu gerir, og svo hverfur hún
sæl og glöð í 'röð syngjendanna
en þú hefur klútinn og verður að
finna þér nýjan kossnaut. Þau una
sér lengi við þennan leik og hlæja
ákaflega, þegar einhver karlmað-
urinn vill ekki láta sér nægja kinn-
ina og leitar mikið að munninum,
en kvenmaðurinn er fastheldinn á
kyssitauið.
Lohgh lohgh lilí lohgh.
Svo kemstu að því, að þetta er
verkafólk frá sætindaverksmiðju í
Varna, kenndri við Georgi Dimi-
troff, þjóðhetju úr síðasta stríði.
Þau voru komin fram úr prógramm-
inu og gátu valið um: Taka sér frí-
dag eða vinna meira og græða
meira. Gullkálfurinn varð undir,
þau kusu heldur að taka sér frí og
fara út í náttúruna að skemmta
sér.
Svo hætta þau að dansa og leika
sér og taka að éta sætindin, sem
þau sjálf hafa búið til, og þú, Nik-
olaí og Dandsé fáið ykkar skerf,
og bjórinn flýtur. Nokkrir karlanna
hafa tekið með sér hvítvín í stór-
um glerkút og siffona af honurn í
glös þeirra, sem smakka vilja. Ef
til vill laumast einhverjir til að fá
sér fyrir eigin reikning Slivova rak-
ia (plómubrennivín) eða Pliska kon-
íak eða Mastika (sterkt vín með
áberandi mentolbragði), og svo er
farið að dansa. Þau eru með Grund-
ig segulbandstæki með helztu slög-
urunum; hafa gert peru ! Ijósastæði
lausa og tengja segulbandstækið
upp í það. Og þú færð ekki lengi
að sitja, þær búlgörsku vilja að
þú skemmtir þér, og þú færð hverja

dKUNNUGUB HÉRNA SJ/ÍLFUR
VIKAN 41