Vikan - 29.10.1970, Blaðsíða 3

44. tölublaS - 29. október 1970 - 32. árgangur
Aimannavarnir hafa sstt gagnrýni um langt
skeið, en samt er þeim málum ekki verr
komið en svo, að nú eru til taks öryggis-
byrgi fyrir hvern einasta Reykviking. Frá
þessu segir í athyglisverðu viðtali, sem
VIKAN hefur átt við Rúnar Bjarnason,
slökkviliðsstjóra.
I næstu Viku hefst nýr og spennandi fram-
haldsgreinaflokkur, sem ber yfirskriftina
Njósnir í Kaíró. Fyrsti hlutinn nefnist
Morð í pósti og segir fyrirsögnin nokkuð um
eðli efnisins. Þar er m.a. greint frá því,
hvernig reynt var að koma þýzkum
sérfræðingum Nassers úr landi. Frásögnin
er öll hin ævintýralegasta og hefur vakið
mikla athygli erlendis.
Vart er um annað talað meir nú á dögum
en mengun. Við Islendingar höfum talið
okkur hólpna í þeim efnum, en þó eru
ekki allir jafn sannfærðir um það.
Einn þeirra er Ingólfur Daviðsson grasafræð-
ingur, sem heldur því fram, að gróðri
í námunda við álverksmiðiuna í Straumsvík
stafi hætta af of miklu flúormagni.
Vikan birtir ítarlegt viðtal við Ingólf í
næsta blaði.
NÆSTU VIKU
I ÞESSARI VIKU
„Á brúðkaupskvöldið, þegar brúðhjónin
skyldu yfirgefa veizluna, fylgdust
foreldrarnir með, til að fullvissa sig um mey-
dóm brúðarinnar, en svo höfðu þeirra
eigin foreldrar gert, og slíkt var
erfðavenja allt frá örófi alda." Þetta er
ofurlítið brot úr skemmtilegri grein,
sem birtist í þessu blaði. Hún heitir „Ameina"
og fjallar um árekstra nýs og
gamals tíma hjá Arabafjölskyldu.
Smásagan heitir Loftvogin og
er eftir hinn skemmtilega höfund Elisabetu
Barr. Gamla loftvogin í stigaganginum hafði
alltaf staðið á „Bliðalogn" síðan
Alison mundi eftir sér. Samt viidi móðir
hennar ekki gefa henni hana.
Kannski var þetta eina blíðalognið í
hjónabandi foreldra hennar ....
Flestir kannast við „Uppreisnina á Bounty"
og í þessu blaði segjum við ögn frá
henni, rekjum atburðina eins og þeir gerðust
og segjum frá minjum og ýmsu fleiru
sem er til vitnis um sannleiks-
gildi þessa ævintýralega atburðar. „Upp-
reisnin á Bounty" hefur verið kvik-
mynduð tvisvar, í seinna skiptið með
Marlon Brando í aðalhlutverki.
FORSÍÐAN Forsíðumyndin er nákvæm eftirlíking af hinu sögufræga skipi
Bounty, en við segjum frá uppreisninni þar í grein á bls. 10—13.
I FULLRI ALVÖRU
EFTIR 25 ÁR.
Klukkan 14 mínútur yfir átta að morgni hins
6. ágúst árið 1945 gekk lífið sinn vanagang
í fallegri borg í Suður-Japan. Börnin hlupu í
skólann og sporvagnarnir voru troðfullir af fólki
á leið til vinnu sinnar. Borgin iðaði af lífi og
engan grunaði, að hið kyrrláta hversdagslíf yrði
neitt öðruvísi þennan dag en aðra.
Einni mínútu síðar var allt breytt. Skelfingu
lostið flýði fólkið undan eldtungunum. Eina
takmark þess var fijótið Otha, þar sem það von-
aði að geta kælt brunasárin og linað skelfi-
legar þjáningar sínar. Margir hlupu um göt-
urnar eins og logandi kyndlar; margir drukkn-
uðu í fljótinu; margir voru einfaldlega troðnir
undir. Allir þjáðust af óbærilegum þorsta og
hrópuðu: „Vatn! Vatn"!
Og fólkið fékk vatn. Regnið streymdi úr dökk-
leitum skýjum, sem grúfðu yfir borginni. Sár-
þjáð fólkið sneri skaðbrenndum andlitum mót
himni og drakk svart regnið. Enginn gat vitað,
að jafnvel regnið væri banvænt . . .
Síðastliðið sumar var aldarfjórðungur liðinn
síðan kjarnorkusprengju var varpað á Hirosima
og Nagasagi. Nákvæmar tölur um mannfall eru
ekki til, en gizkað er á, að 100.000 manns hafi
látizt samstundis eingöngu í Hirosima og 100.000
manns hafi orðið fyrir geislavirku regni, sem
ýmist leiddi til dauða eða hafði í för með sér
örkuml ævilangt. Talið var, að 170.000 manns
hefðu lifað sprenginguna af í Hirosima, en rann-
sóknir hafa leitt í Ijós, að aðeins lítill hluti þess
fólks komst aftur til fullrar heilsu.
Það er táknrænt fyrir þennan hörmulegasta
glæp, sem framinn hefur verið í sögu mann-
kynsins, að maðurinn, sem hafði það hlutverk
með höndum að gefa flugvélinni skipun um að
láta kjarnorkusprengjuna falla, missti vitið af
samvizkukvölum, en stjórnmálamennirnir, sem
ábyrgðina báru, eru af sumum jafnvel taldir
hafa gert hið eina rétta. Þótt þeim hafi tekizt
að réttlæta þennan verknað fyrir sjálfum sér,
mun enginn maður með óspillt hugarfar nokkru
sinni fallast á blóðug rök þeirra.
G.Gr.
^^KAN Útgefandi: Hilmir hf. Hitstjóri: Gylfi
Gröndal. Blaðamenn: Dagur Þorleifsson, Matthildur
Edwald og Ómar Valdimarsson. Útlitsteikning: Hall-
dóra Halldórsdóttir. Auglýsingastjórar: Sigríður
Þorvaldsdóttir og Sigríður Ólafsdóttir. — Ritstjórn,
auglýsingar, afgreiðsla og dreifing: Skipholti 33.
Símar: 35320 — 35323. Pósthólf 533. Verð f lausa-
sölu kr. 60,00. Áskriftarverð er 575 kr. fyrir 13 tölu-
blöð ársfjórðungslega, 1100 kr. fyrir 26 blöð miss-
erislega. Áskriftargjaldið greiðist fyrirfram. Gjald-
dagar eru: nóvember, febrúar, mal og ágúst.
44. tbi. VIKAN 3