Vikan - 27.05.1976, Síða 29

Þriðjudagur.
Æfing fyrir bakið.
Stattu á gólfinu og teygðu annan
fótinn aftur fyrir þig, Tylltu tánum á
aftari fætinum í gólf. Lyftu báðum
handleggjum fram og upp. Teygðu
mjaðmirnar eins langt fram og þú
getur. Dragðu saman rassvöðvana.
Teldu upp að sex og slakaðu síðan
á. Skiptu um fót og endurtaktu
æfinguna. Gerðu æfinguna sex
sinnum á hvorn fót. Þessi æfing er
sérlega góð fyrir þá, sem sitja mikið.

Miðvikudagur.
Fyrir lærin.
Liggðu á hnjánum. Lyftu handleggjunum í axlarhæð og hallaöu þér
aftur á bak. Dragðu inn magann og gættu þess, að bakið sé beint.
Hallaðu þér hægt fram í hvíldarstöðuna, sem sýnd er á aftari
myndinni. Endurtaktu æfinguna fimm til sex sinnum.
Laugardagur.
Jafnvægisæfingar.
Stattu rétt og teygöu hendurnar upp yfir
höfuð, snúðu lófum saman. Lyftu öðrum
fæti í mjaðmarhæð með bognu hnéi og
beinni rist. Sveiflaðu fætinum þrisvar
sinnum fram og aftur. Skiptu um fót og
gerðu æfinguna sex'sinnum.
Sunnudagur.
Brjóstin og upphandleggirnir.
Sittu á rúmstokknum. Beygðu handleggina um olnboga og lyftu
höndunum í höfuðhæð. Þrýstu herðablöðunum saman. Leggðu
lófana á hvirfilinn. Láttu eins og þú eigir að lyfta miklum þunga um
það bil 10 sentimetra. Þú gerir það meö því að lyfta höndunum
hægt upp og finndu um leið greinilega, hvernig þú hreyfir
handleggina, brjóstin og rifin. Láttu hendurnar síga niður á
hvirfilinn. Endurtaktu æfinguna tíu sinnum.
22. TBL. VIKAN 29