Vikan - 21.10.1976, Blaðsíða 17

V5JOI
Átta ára barn er nú orðið mið-
depill fjölskyldudeilna og pólitískr-
ar þrætu. Felipe sonur Juans
Carlos I spánarkonungs skilur þó
sem betur fer lítið af því, sem
hjalað er í kringum hann um
pólitísk málefni, og leikur sér
ennþá nokkurn veginn áhyggju-
laust í skjóli fjölskyldu og vina-
fólks. Hann veltir ekki vöngum yfir
því, hvað það þýðir að vera prins
af Asturien, en faðir hans sæmdi
hann þeim titli í maí síðastliðnum.
Samkvæmt ævagamalli erfða-
venju hefur arftaki spönsku krún-
unnar ætíð borið þennan titil,
og svo gerði einnig Juan Carlos
konungur. Hann hafði alls ekki
hugsað sér að sæma son sinn
þessum titli svo fljótt, en íbúar
Asturienhéraðs beinlínis kröfðust
þess. Það gerðist á þann hátt, að
þegar spænsku konungshjónin
voru að undirbúa heimsókn til
Asturien á síðastliðnu vori, kom
sendinefnd þaðan á konungs fund
og kom á framfæri þeirri ósk
íbúanna, að hann útnefndi Felipe
prins af Asturien. Konungur tók
sendinefndinni vel og kvaðst
mundu taka ósk þeirra til „síðari
athugunar", sem allir vissu, að
táknaði það eitt, að málið yrði
dregið um ófyrirsjáanlegan tíma.
Konungshjónin komust fljótt að
því, hvað íbúum Asturien fannst
um þessa afgreiðslu málsins. Þeg-
ar þau komu til fyrsta áfanga-
staðar á tveggja daga heimsókn
sinni til Asturien var þeim fálega
tekið. Fátt fólk fagnaði komu
þeirra, og hvergi sáust börn með
fána, eins og venjan er. Skömmu
Þar sem Fe/ipe hefur nú titi/inn
prins af Asturien, verður hann að
gegna ýmsum opinberum skyld-
um. Eitt fyrsta verkefnið var að
afhenda verðlaun fyrir Iþróttir.
síðar lýsti Juan Carlos því
yfir í kirkjunni á staðnum, að hann
beygði sig fyrir vilja fólksins.
Um leið og hann kom aftur til
Madrid lýsti hann því opinberlega
yfir, að hann hefði afsalað sér titl-
inum prins af Asturien í hendur
Felipe og þar með gert hann að
eftirmanni sínum.
ibúar Asturien tóku spánarkon-
ung samstundis í fulla sátt. En um
leið hafði hann bakað sér óvild og
gremju föður síns og fjölda ann-
arra, sem töldu þetta mjög ótíma-
bæra ráðstöfun.
Faðir spánarkonungs er Don
Juan greifi af Barcelona, sonur
Alfonso XIII spánarkonungs, sem
sagði af sér konungdómi á Spáni
árið 1931. Þegar Alfonso dó í
útlegð á Italíu árið 1941, varð Don
Juan um leið höfuð spænsku kon-
ungsfjölskyldunnar og réttborinn
arftaki krúnunnar. Árið 1969 tók
Franco hinsvegar þá ákvörðun, að
Juan Carlos skyldi erfa krúnuna,
og í nóvember 1975 varð hann
konungur Spánar. Þrátt fyrir allt
þetta lítur faöir hans, greifinn af
Barcelona, enn á sig sem rétt-
borinn arftaka krúnunnar og telur
konunginn son sinn aðeins eiga að
bera titilinn prins af Asturien.
Greifinn harðskeytti lætur
einskis ófreistað að reyna að tala
um fyrir syni sínum, og það verður
að segjast eins og er, að hann
hefur stuðning allmargra. Það
væri víst synd að segja, að kært
væri með þeim feðgum um þessar
mundir, og nú getur Don Juan
ekki heldur litið sonarson sinn
réttum augum. Don Juan og
fylgismenn hans líta svo á, að
Juan Carlos hafi notið óverðskuld-
aðrar náðar hjá Franco, og þeir
fullyrða, að Juan Carlos muni
standa í vegi fyrir því, að stjórnar-
hættir á Spáni fái að þróast í
lýðræðisátt. En sonurinn er fastur
fyrir, og sem stendur virðast ekki
líkur á sættum milli feðganna.
Felipe de Borbón y Schleswig-
Holstein (nafnið hefur prinsinn
ungi fengið frá móður sinni, grísku
prinsessunni Sophiu, en hún fékk
það aftur frá sinni eigin móður,
Friedrike hinni þýskættuðu) er sá
34. í röðinni af þeim, sem borið
hafa titilinn prins af Asturien.
Litli prinsinn skilur ekki, að hann
er skyndilega orðinn aðalpersónan
í spænskum stjórnmálum. Hann
sóttist heldur ekki eftir þeirri
aðstöðu. Hann bað yfirleitt alls
ekkert um þann heiður, sem
honum hefur hlotnast í lífinu.
Fetipe krónprins með
systrum sínum
Christinu ellefu ára
og E/enu þrettán ára.
Þeir fara á mis við áhyggjulausa æsku
Þessir drengir eiga einnig eftir að
verða þjóðhöfðingjar:
Philippe krónprins i Belglu, 16 ára.
Reza krónprins persa, 16 ára.
Mohammed i Marokko, 13 ára.
43.TBL VIKAN 17