Vikan - 21.10.1976, Síða 35

i HIRE HRÆD -
9FU SONJUUNS
mála um, að best væri að hann
byggi áfram i París og ég í London,
en við myndum hittast alltaf um
helgar. Það liggur þó í augum uppi,
að slíkt hjónaband blessast ekki til
lengdar.
Chris sonur þeirra, sem nú er 6
ára, var aðeins 5 ára, þegar hann
spurði mömmu sina: — Hvers
vegna viltu fara frá nabba? Ég veit
að þú gerir það, sagði hann. Þegar
sonurinn spurði hana að þessu,
höfðu þau Susan og Pierre ákveðið
að slíta samvistum, en haldið því
leyndu fyrir drengnum.
— Ég hræðist gáfu sonar míns,
segir Susan, því hann getur séð
fyrir ókomna atburði.
— Hann tók skilnað okkar nærri
' sér og hatar aðra karlmenn, sem ég
umgengst, neitar meira að segja að
heilsa þeim. Og hann varð mjög
óhamingjusamur, þegar hann
hann komst að því, að faðir hans
vill fá yfirráð yfir honum vegna þess
að ég er í tygjum við aðra karlmenn.
Pierre og Susan skildu í vinsemd,
en Susan er þó hrædd um, að
faðirinn taki soninn af henni og neiti
að leyfa henni að hafa hann hjá sér.
Pierre heldur því fram, að Susan
hafj slæm áhrif á drenginn og hann
hefur gefið í skyn, að hann kæri sig
ekkert um, að hann alist upp í
„siðlausu” umhverfi.
VILL BERJAST FYRIR CHRIS.
— Ef Pierre reynir að taka
drenginn frá mér, mun ég berjast,
segir Susan. Ég hef ekki talað um
það áður, en þegar ég fæddi Chris,
var mér sagt, að ég gæti aldrei átt
fleiri börn. Og kannski er það þess
vegna, sem ég vil ekki sleppa
honum. Ég er reiðubúin til þess að
ala Chris upp í samráði við Pierre,
því að sem faðir hans hefur hann
rétt til þess. En helst kýs ég að gera
það ein, því að í hvert skipti sem
drengurinn hefur verið hjá föður
sínum er hann vansæll og grætur
yfir því að við séum skilin.
Susan viðurkennir, að hún hafi
verið í ástarsambandi við aðra
karlmenn eftir að hún fór frá Pierre,
en hún segir lika:
— Ég hef ekki í hyggju að gifta
mig aftur. Ég lifði i óhamingjusömu
hjónabandi og vil ekki að það
endurtaki sig. Vinnan er mér mikil-
vægust fyrir utan son minn. En ég
þarfnast karlmanns og vil gjarna
eignast fastan vin.
Starfsferill Susan byrjaði með
hlutverki í Walt Disney kvikmynd-
inni — Prinsinn af Donegal —.
Seinna lék hún Söru Churchill í
myndinni — The first Churchills —
og þá voru laun hennar orðin það
há, að í barnsburðarleyfi sínu tapaði
hún hvorki meira né minna en
300.000 pundum. Hún hætti að
vinna, þegar hún var komin þrjá
mánuði á leið og byrjaði ekki aftur,
fyrr en drengurinn var orðinn
þriggja mánaða.
— Ég átti hamingjusama
bernsku, og ég vil að Chris sé
hamingjusamur lika, og þess vegna
óttast ég dulræna hæfileika hans.
Ég er í rauninni alitaf á varðbergi
gagnvart minum eigin hugsunum,
þegar ég er með Chris, þvi að ég er
viss um, að hann getur lesið
hugsanir mínar, þó að hann segi það
ekki. Ég var sérlega niðurdregin
eitt skiptið vegna misheppnaðs
hjónabands míns, og Chris skildi
það og sagði: — Nú ertu að hugsa
um pabba, hvers vegna ferðu ekki
til hans og tekur mig með?
— Susan fæddist í London 1940
og er yngst systkina sinna, sem eru
þrjár systur og einn bróðir. Hún
átti þá ósk að verða balletdansari og
byrjaði að dansa þriggja ára. Þegar
hún var 12 ára dansaði hún í
London Festival Ballet, en innst
inni var heitasta ósk hennar að
gerast kvikmyndaleikari.
— Ég vildi verða besti leikarinn
á öllu Englandi, og ég er reiðubúin
að fóma miklu, til þess að sá
draumur megi rætast. En ég er
hrædd um, að sonur minn eigi eftir
að valda mér erfiðleikum og að faðir
hans svipti mig þeirri ánægju að
hafa hann hjá mér. Samkvæmt
frönskum lögum er hann franskur,
og þar af leiðandi á faðir hans
foreldraréttinn. Krafa min um að fá
Chris verður aldrei réttmæt gagn-
vart frönskum lögum, og ef Pierre
getur sannað, að ég sé í tygjum við
aðra karlmenn, efast ég um að
nokkur franskur dómstóll veiti mér
yfirróðarétt yfir barninu.
— Pierre veit, að Chris er
óánægður með skilnað okkar og að
hann vill gjama vera hjá föður
sínum líka, svo að það gæti fengið
hann til þess að taka hann frá mér.
Ég er óskaplega óhmingjusöm yfir
þessu, og ég eygi enga lausn á þessu
vandamáli. Ég hef ekki löngun til
þess að byrja að búa með Pierre
aftur, svo að ég vona, að tíminn
leysi þetta vandamál, ef það er þá
hægt á annað borð.
43. TBL. VIKAN 35