Vikan - 30.03.1978, Blaðsíða 8
ÚR
HÁR GREIÐSL U
ÍLÖGFRÆÐI
Eiríkur og Sólveig heita þau. Hann er
hárgreiðslumeistari, og hún œtlaði að feta í
sömu spor, en eftir þrætustund í
Iðnskólanum innritaði hún sig í öldunga-
deildina, lauk stúdentsprófi á þremurárum og
stundar nú lögfræðinám af krafti. Eiríkur
hefur stutt hana með ráðum og dáð, og þau
hafa bœði sýnt feikna dugnað. Þau eiga þrjú
börn, sem stunda sitt nám af kostgæfni, og
þau kenndu foreldrunum að meta klassíska
tónlist.
Að Akurholti 10 í Mosfellssveit búa
hjónin Eiríkur Óskarsson og Sólveig
Guðmundsdóttir ásamt þremur
börnum, sem heita: Sygin, 12 ára,
Signý, 11 ára, og Óskar, 8 ára.
Foreldrar Eiríks eru Óskar Árnason
rakari og Steinunn Eiríksdóttir, en
foreldrar Sólveigar eru Guðmundur
Gunnarsson, verkfræðingur, og Anna
Júlíusdóttir.
Okkur langaði að kynnast þeim
nánar vegna þess að við höfðum frétt,
að Sólveig hefði sýnt mikinn dugnað í
námi, og saman hafa þau á skömmum
tíma komið á fót hárgreiðslustofu og
byggt einbýlishús i Mosfellssveit.
— Þú hefur fetað í fótspor föðurins,
Eiríkur.
8VIKAN 13. TBL