Vikan - 30.03.1978, Qupperneq 11

Eiríkur segir í viðtalinu, að með
afstöðu sinni til síða hársins hafi
rakarar flæmt karlmennina inn á
hárgreiðslustofurnar. Hér er Eiríkur
að snyrta hárið á Óla Hertevig, sem
stundar nám í viðskiptafræðum.
sem mæta til vinnu einn morguninn
með krullað hár, sem áður var renni-
slétt.
Sólveig: Það er nauðsynlegt fyrir
karlmenn að fá sér permanent rétt eins
og konur, sérstaklega þeir, sem hafa
rennislétt hár, sem fitnar mikið. Hárið
verður þykkara, og þeir þurfa helmingi
sjaldnar að þvo það.
Eiríkur: Permanent er nauðsyn og
ekki hægt að flokka það undir pjatt.
Það mættu miklu fleiri gera þetta.
Sólveig: Það er nú einu sinni þannig,
að ef karlmaður byrjar á þessu, þá
kemur hann reglulega aftur og aftur.
Hefurðu orðið var við það, Eiríkur,
að mönnum finnist htið til þess að
koma, að þú sért bara hárgreiðslu-
maður?
Eiríkur: Jú, jú, ég hef heyrt, að það
sé mjög ókarlmannleg atvinna, en ég
get ekki séð, að það sé neitt karlmann-
legra að aka bil, sitja á skrifstofu eða
stunda blaðamennsku.
Sólveig: Þetta hefur breyst á allra
síðustu árum. Áður fyrr rak fólk upp
stór augu, þegar það heyrði, að hann
stundað hárgreiðslu.
Eiríkur: Ég var skítfeiminn við að
nefna. hvað ég gerði.’
— Nú er komin mikil samkeppni í
þessari atvinnugrein og menn keppa til
verðlauna. Hefurðu tekið þátt í slíkri
keppni?
Eirikur: Nei, ég held, að ég hafi
hreinlega ekki taugar í það. Það liggur
gífurleg vinna á bak við þátttöku í
shkri keppni, og það þarf að æfa
þrotlaust. Ég er ekki tilbúinn í shkt,
hvað sem verður síðar meir.
Sólveig: Þau eyða fleiri, fleiri vikum i
þetta.
Eirikur: Þetta er eins og að þjálfa
landslið í handbolta.
— Er mikil sveifla í vinnunni á
stofunni hjá ykkur?
Sólveig: Það hefur verið mjög jafnt
undanfarið, og yfirleitt er nóg að gera
alla daga vikurnnar.
Ekkert leyfi til að vera í
vondu skapi
Eiríkur: Fyrir marga er mikið atriði
að fara reglulega á hárgreiðslustofu, og
ég hef sagt, að við gerum ekki minna
gagn en sálfræðingarnir.
— Þið eruð góðir sálfræðingar, eins
og barþjónararnir, viltu meina?
Eirikur: Það er nokkuð til í þvi. Ég
13. TBL. VIKAN 11