Vikan - 22.06.1978, Síða 11

„Skráset
staðreyndir
og
keppi við sjálfan mig”
Viðtal við
Hring Jóhannesson listmálara.
Hringur Jóhannesson listmálari er tvímælalaust
einn af merkustu listamönnum okkar nú. Fæddur
1932 í Haga í Aðaldal, S-Þing., — en síðar samtíða
Erró, Steinþóri Sigurðssyni, Kára Eiríkssyni o.fl. í
skóla. Maður þeirrar kynslóðar, sem haslaði sér völl
á sjötta áratugnum, þótt hann biði um skeið síns
vitjunartíma. Ljóðrænn raunsæismaður og teikni-
snillingur, og á margan hátt ákaflega sérstæður. í
vinnustofu Hrings við Bergstaðastræti 55 kennir
margra grasa, sem gleðja augað, en þar hittum við
listamanninn að máli.
— Byrjaðirðu snemma að teikna, Hring-
ur?
— Já, við vorum öll teiknandi krakkarn-
ir. Ég fékk svo tilsögn hjá Jóhanni Björns-
syni teiknikennara á Húsavík, þegar ég var
fimmtán ára, og árið eftir fór ég suður í
Handíðaskólann, þar sem ég stundaði nám
i þrjá vetur. Þá var eiginlega um tveggja
ára nám að ræða. Fyrst var ég einn vetur í
myndlistardeild, en síðan í kennaradeild i
tvo vetur. Þessar deildir voru að vísu mjög
svipaðar, nema hvað við lærðum íslensku
og sálarfræði í kennaradeildinni og vorum í
æfingakennslu. Það þótti heppilegra á þess-
um árum, að við útskrifuðumst með ein-
hver réttindi.
— Þú hefur þá útskrifast sem teikni-
kennari?
25. TBL.VIKAN 11