Vikan - 22.11.1979, Blaðsíða 30
Ljósmyndarinn vildi
mynda ...
Elsku hjartans draumráðandi.
Mig dreymdi að ég og strákur, sem
er góður vinur minn, sátum inni í
herberginu mínu og vorum að tala
saman. Þá kemur Ijósmyndari inn í
herbergið og vill fá að taka mynd af
okkur. Ég stend á fœtur og strákurinn
líka. Svo fer hann aftan að mér og
tekur utan um mig, þannig að ég sný
baki í hann. Þá tekur Ijósmyndarinn
mynd og glampinn af flassinu var
rauður. Þá fannst mér ég allt I einu
vera stödd hjá vinkonu minni og vera
að segja henni frá þessu. Þá býður
hún mér inn til sín (ég var ekki búin
að sjá myndina af mér ogstráknum)
og þar hangir myndin af okkur uppi á
vegg. „Þetta erum við,”segi ég. Ég
skoða myndina og sé að baksviðið er
allt annað en það átti að vera. Á
myndinni erum við í réttum stellingum
en andlitin eru eins og á málverki.
Baksviðið er girðing og á bak við hana
er fullt af stelpum, sem sitja á stólum.
Þessar stelpur þekkti égekki. Svo var
rauður blær yfir öllu. Þá fannst mér ég
allt I einu standa við hliðina á
stráknum með myndina í hendinni og
okkur kom saman um að kærastan
hans fengi ekki að sjá þessa mynd
(hann á kærustu í alvörunni). Þannig
endaði þetta. Viltu vera svo vænn að
ráða þetta. Með fyrirfram þökk.
Ein dreymin.
Allt í draumnum bend:r til að þú lendir
brátt í nánum kunningsskap við ein-
hvern af hinu kyninu og verður það
nokkuð afdrifarikt fyrir ykkur bæði. Þú
ert að mörgu leyti nokkuð laus i rásinni,
hvað snertir slík sambönd, en á því
verður umtalsverð breyting samfara
þessum nýju kynnum. Einhverjir
atburðir tengdir vinum þínum og þér
sjálfri munu hafa mikil áhrif á sálarlíf þitt
á næstu árum og í draumi þessum eru
ákveðin tákn um langlífi þér til handa
og að mestu hnökralausa framtíð.
Hálshöggvin í draumi
Kæri draumráðandi!
Okkur langar til að biðja þig að ráða
eftirfarandi draum.
Mig dreymdi að ég ásamt fleiri
krökkum, sem mér fannst ég þekkja
(en ég man bara eftir einni stelpu sem
ég vinn með), vorum stödd í ein-
Mig
dreymdi
hverjum sveitabæ, sem ég hef aldrei
séð áður. Það var ofsa gaman, en svo
kom gamall maður sem ég þekki ekki.
Hann tilkynnti okkur að það væri að
koma heimsendir og að það ætti að
hálshögg\'a okkur. Mér fannst þessi
maður vera mjög vingjarnlegur og
hann var með grátt hár. Svo
löbbuðum við öll með manninum og
þótti okkur það alveg sjálfsagt.
Veðrið var mjög gott, blæjalogn. Við
gengum að svona einhvers konar rétt,
sem var bara hringur og lág trégirðing.
Eyrst var stelpan, sem ég var með,
hálshöggi’in. Hún gekk að girðingunni
og beygði sig niður og gamli maðurinn
hálshjó hana í einu höggi. Ég tók sér-
staklega eftir því að höfuðið á henni
rúllaði langt inn fyrir girðinguna I
mikla for, en ég hugsaði um hvað
höfuðið á henni væri fallegt. Næst var
ég hálshöggvin og ég gekk líka að
girðingunni og beygði mig niður. Ég
man hvað ég kveið því að láta öxina
snerta háls minn. En svofann ég ekki
neitt fyrir þessu og mér leið mjög vel
þegar ég var dáin. Hitt fólkið, sem
stóð í hnapp rétt fyrir ofan, var að tala
um að höggið hefði heppnast og mig
langaði að segja því það en gat það
ekki, því að ég var dáin. Gamli
maðurinn sagði ekki neitt. Það var
eins og hann vissi allt. Þarna endaði
draumurinn. Mér fannst eins og hinir
hefðu verið hálshöggnir líka. Með fyrir-
fram þökk.
Tvær vinnuglaðar
Gamli maðurinn boðar þér góða framtíð
og að svo virðist sem margar athafnir
þínar stjórnist af handleiðslu góðra afla.
Sumir draumráðendur telja það góðs
viti að dreyma að það eigi að hálshöggva
dreymandann og að sjá annan mann
hálshöggvinn boði að dreymandinn
losni við óvini og yfirstandandi vand-
ræði. Þið vinkonurnar eigið eftir að
njóta góðs af óvæntum atburðum og
eigið velgengni að fagna í ákveðnu máli,
sem er ykkur báðum mikils virði.
Draumar um lítinn
systurson
Kæri draumráðandi!
Mig langar til þess að biðja þig um
að ráða fyrir mig drauma sem mig og
systur mína dreymdi. Sá fyrsti er á
þessa leið:
Henni fannst hún sjá lítinn strák
systur minnar ganga með bróður
hennar mömmu og hún hugsaði með
sér að nú væru þeir svipað lamaðir
(litli strákurinn er dáinn og var
lamaður og bróðir hennar mömmu er
veikur).
Annar var þannig, að ég var að
klœða litla strákinn úr rauðum
samfestingi, sem var hnepptur á
öxlunum, en éggleymdi að hneppa og
hann hágrét.
Minn draumur var þannig að ég var
á bílastæðinu heima og strákurinn litli
var inni í bíl þar. Ég var mjög hissa á
þvi að mamma hans og pabbi hefðu
ekki tekið hann með sér (þau eru úti).
Bíllinn var hrímaður en ég stóð fyrir
utan hann. Þá komu foreldrar hans og
ég spurði af hverju hann vœri inni í
bilnum. Mamma hans sagði að það
væri sjálfsagt. Ég tók hann út og hann
lagði höfuðið á öxlina á mér. Þá var
draumurinn búinn.
Ég ætla að biðja þig um að ráða
þessa drauma fyrir mig, því þeir valda
mér áhyggjum.
Takk fyrir allt.
B.K.
Þessir draumar endurspegla í raun
söknuð ykkar systranna og erfiðleikana
við að fá sárin til að gróa. Þú þarft alls
ekki að hafa áhyggjur af draumum
þessum, því í þeim eru aðeins góð tákn
fyrir alla aðila. Líklega eru draumarnir
allir fyrirboði góðra frétta eða atburða
og ekki ósennilegt að þar sé jafnvel um
að ræða fæðingu barns, sem fyllir það
skarð sem litli drengurinn skildi eftir í
hugum ættingjanna. Ekkert í
draumnum bendir til að slæmir atburðir
hendi móðurbróður þinn og því ekki
ástæða til að telja að nokkur þessara
drauma hafi neikvæða merkingu.
3* Vlkan 47. tbl.