Vikan - 24.06.1982, Page 13
Texti: Hrafnhildur Ljósmyndir: Ragnar Th.
Bílar
Eins og blátt strik
Glæsivagninn á þessum myndum var kos-
inn fallegasti bíllinn, veglegasti kvartmílu-
bíllinn og athyglisverðasti bíllinn á bílasýn-
ingu Kvartmíluklúbbsins um hvítasunnuna.
Þetta er Chevrolet Corvette Stingray L82 og
prýddi hann forsíöu Vikunnar á síöasta tölu-
blaöi. Einnig voru myndir af honum inni í
blaöinu, í tískuþættinum, og fýsti marga les-
endur blaðsins að vita eitthvað meira um
þennan ágæta bíl. Bíllinn er ekki bara fyrir
augaö heldur endurbyggðu eigendur hans,
Jóhann Kristjánsson og Lilja Oddsdóttir, hann
meö það fyrir augum að nota hann í kvart-
mílukeppni. Þau Jóhann og Lilja eru í Kvart-
míluklúbbnum og hafa eytt ófáum stundum í
aö endurbyggja bílinn. Upphaflega héldu þau
aö það myndi ekki taka nema hálft ár. Raunin
varö sú að þau luku ekki við endurbæturnar
fyrr en þrem og hálfu ári og heilmörgum frí-
stundum seinna.
Bíllinn var fluttur til landsins áriö 1975 en
hann er árgerö 1969. „Hann var mjög illa far-
inn og allur í pörtum þegar við keyptum hann.
Það má segja aö við þyrftum aö safna honum
saman á fjórum stöðum og við þurftum síðan
að skipta nánast um allt. Þetta var áhugamál
okkar beggja og við gerðum þetta bara í frí-
stundum. Vinnum bæði fulla vinnu svo það
var ekkert vit í aö vera aö stressa sig á þessu.
Þetta var bara fyrir ánægjuna.” Jóhann er
kennari í Öskjuhlíöarskólanum en Lilja er í
fósturskólanum.
„Viö þurftum að vinna mjög skipulega að
endurbyggingunni. Gárungarnir vinir okkar
kölluöu þetta „Corvettu Kit”, því við vorum
sífellt að panta nýja og nýja hluti. Það gekk
mjög vel og við pöntuðum allt í gegnum Ö.S.-
umboðið í Kópavogi. Það sem gerði málið erf-
iðara var að við höfðum ekki rifið bílinn í
sundur sjálf og vissum því ekki nákvæmlega
hvar sumir hlutir áttu heima. En eftir aö viö
fengum senda bók frá verksmiðjunni, sem
þeir nota sjálfir viö samsetningu bílanna,
gekk þetta eins og í sögu.
Síðan sendum við bandarísku blaöi, Vette,
sem er sérrit um Corvettur, myndir af bíln-
um. Þeir birtu myndirnar og fannst mjög
merkilegt að það skyldi finnast slíkur bíll hér
á landi. Þeir kölluðu bílinn „The cold country
Corvette”.
Bíllinn hefur kostað okkur um 350 þúsund
krónur en eflaust mundu bílar af hans tagi
kosta um 600 þúsund krónur í dag! ”
En þau Jóhann og Lilja stefna ekki að því að
gera upp fleiri bíla í bili. „Ætli næsta mál á
dagskrá sé nú ekki að koma sér upp þaki yfir
höfuðið,” sögðu þau skellihlæjandi, gengu
stolt að meistaraverki sínu, settu blæjuna
niður og fóru síðan eins og blátt strik í burtu.
25. tbl. Vikan 13