Vikan - 29.12.1983, Blaðsíða 51

Ökláraðar peysur
Kæri draumráðandil
Eg þakka margar gððar
ráðningar á mínum
draumum og annarra sem
birst hafa í þessum dálki.
Mig langar til að biðja þig
um ráðningu á draumi sem
mig dreymdi fyrir
skömmu. Hann er mjög
stuttur en hann var líka
mjög skýr og ég mundi
hann greinilega þegar ég
vaknaði.
Mér fannst ég koma á
ýmsa staði þar sem bæði ég
og skyldfólk mitt býr,
pabbi og mamma, tengda-
fólk mitt, í sumarbú-
staðinn minn og svo kom
ég auðvitað heim til mín.
En alls staðar þar sem ég
kom héngu uppi hand-
prjónaðar peysur sem ég
hafði prjónað. Þær voru
ákaflega fallegar, sumar
mikið útprjónaðar, sumar
einfaldar í alls kyns litum,
en allar höfðu þær eitt sam-
eiginlegt. Engin þeirra var
fullkomlega búin, við nán-
ari athugun. Það átti eftir
að klára að ganga frá
endum, sauma litla sauma
o.s.frv. Mér fannst þetta
hálfgerður trassaskapur af
mér í draumnum og var
einmitt að hugsa að mig
langaði svo að fara að nota
eitthvað af þessum peysum
og yrði því að drífa íþví að
klára þærl
Með kærri kveðju.
Hildur.
Þessi draumur bendir
eindregið til þess að þú
nýtir hæfileika þína ekki til
fulls, einkum í hagnýtum
efnum og hvað varðar allar
endurbætur á fjárhag.
Þetta á sérstaklega við ef
hann er eitthvaðbágborinn.
Draumurinn er fyrst og
fremst ábending um að
fullnýta hæfileika þína á
öllum sviðum og vera ekki
hrædd við það.
Draugar og dans
Kæri draumráðandil
Mig dreymdi þennan
draum fyrir skömmu.
Hann var ofboðslega skýr.
Eg var að keyra í Reykja-
vík með pabba, mömmu,
afa, ömmu, bróður hennar
mömmu og frænku
hennar. Afi og amma
keyrðu fyrst, ég, pabbi og
mamma í miðju og frændi
og frænka seinust. Við
vorum að leita að einhverj-
um stað þar sem við gætum
drukkið og borðað nestið
okkar. Þegar við vorum
komin á milli Reykjavíkur
og Kópavogs sáum við hlið-
arveg sem lá t gegnum
sandhóla en í fjarska sáust
blokkir. Þegar við vorum
búin að keyra dálítinn spöl
fórum við niður bratta
brekku en fyrir neðan voru
verkamenn að grafa í hól-
ana. A ská á móti var guln-
aður grasblettur og þar
voru nokkrir krossar og
mótaði fyrir gömlum
gröfum (þetta átti að vera
kirkjugarður). Við
stönsuðum fyrir framan
hann og skrúfuðum niður
rúðurnar. Þá sáum við hvar
upp úr einni gröfinni reis
ung kona með ofsalega sítt
Ijóst hár. Hún kemur að
okkar bíl og segir við mig:
Mín gröf er orðin svo göm-
ul að enginn veit um hana
lengur. Þtn gröf verður
tekin ofan í mína og við
skulum skemmta okkur vel
saman. Og svo sjáum við
hvar ungar og fallegar
konur og menn rísa upp úr
öllum gröfunum, konurnar
voru allar með Ijóst sítt hár,
misjafnlega sítt, sumar
með hár niður á mitt bak,
aðrar með aðeins síðara hár
og sumar niður á iljar.
Konan sem talaði við mig
var langlaglegust og með
síðasta hárið. Allar voru
þær i íslenskum þjóðbún-
ingi nema pilsin og vest-
in voru rauð. Karlmennirn-
ir voru í fötum frá í gamla
daga. Eólkið fór að dansa
og svífa en skyndilega hvarf
það allt, hver ofan í stna
gröf. Við ætlum að halda
áfram og afi og amma
keyra af stað en pabbi er
þrjóskur og snýr við og fer
aftur til baka og upp
brekkuna. Við mamma
erum lika þrjóskar og
viljum að hann snúi við og
það gerir hann. Þar sem
hann snýr við festir hann
bílinn. Við bíðum smá-
stund og enginn segir orð
og allt t einu losnar bíllinn
af sjálfu sér og við keyrum
niður brekkuna aftur. Fyrir
neðan hana hafa frændi og
frænka líka fest sig og eru í
þann mund að losa sig
þegar við komum. Þau fara
á undan okkur og verka-
mennirnir horfa undrandi
á okkur. Svo keyrðum við
framhjá öllum sandhólun-
um til móts við birtuna og
þá var draumurinn búinn.
Dísa.
I þessum draumi má
rekja ákveðna sögu eða þró-
un. I kringum þig mun
einhvern tíma (kannski á
næstunni) verða mikið um
peninga, einhver fjárhags-
gróði eða hagnaður úr að
spila. Á því verða þó tafir
að hægt sé að nýta þetta
eða komast að því. Talsvert
erfiði verður í kringum
þessi mál og ekki laust
við að reyni á þolrifin í
einhverjum. Þetta getur
skapað slæmt tímabil og
mikið álag á einhverja í
kringum þig og þar með ef
til vill þig. Þú ættir sjálf að
gæta þess að vera varkár í
tali og vonast til þess að
aðrir hafi vit á því sama.
Margt bendir til að vina-
hópur þinn og fjölskyldu
þinnar breytist allnokkuð á
þessu tímabili og einhver
leiðindi verði í sambandi
við vinina. Sumir snúa ef
til vill við ykkur baki en
aðrir birtast á sjónarsvið-
inu. Niðurstaða þessa um-
róts er óumdeilanlega já-
kvæð, þó á ýmsu gangi, og
þar er bæði um veraldlegan
ávinning að ræða og and-
legan.
52. tbl. Vikanst