Vikan - 05.02.1987, Page 28

Robert De Niro i hlutverki Mendoza, þrælasalans og morðingjans sem snýst til trúar.
Myndin The Mission, sem Roland Joffé (The Killing
Fields), leikstýrir verður sýnd hér á landi í mars næstkom-
andi. Jiandritið er eftir Robert Bolt. Hann gerði meðal
annars handrit að Doctor Zhivago, A Man for All Sea-
sons og Lawrence of Arabia.
Myndin fjallar um eyðileggingu jesúítasamfélags á nítj-
ándu öld. Hún er tekin í frumskógum Suður-Ameríku.
Með í þessari ævintýralegu för var maður að nafni
Daniel Berrigan. Daniel er jesúítaprestur og mikilvirkur
rithöfundur. Hann var einn áhrifamesti andmælandi Víet-
namstríðsins. Árið 1968 var hann handtekinn, ásamt
bróður sínum (sem þá var einnig jesúíti) og sjö öðrum,
vegna mótmælaaðgerða. Hann var dæmdur fyrir skemmd-
arverk og sat í tvö ár í fangelsi. Það varð til þess að
hann skrifaði leikrit sem varð geysilega vinsælt og nefnist
The Trial of the Catonsville Nine. Daniel býr nú í New
York, í eins konar jesúítaríki. Hann einbeitir sér mikið
að aðgerðum gegn kjarnorkuvánni.
Fyrir um það bil sjö árum var hann á ný handtekinn
fyrir mótmælaaðgerðir. Eins og stendur er Daniel frjáls,
meðan verið er að meðhöndla mál hans. Því hefur verið
áfrýjað til æðri dómstóls. Hugsanlegt er að hann vcrði
dæmdur til þriggja til tíu ára fangelsisvistar.
í áðurnefndri mynd fer Daniel með aukahlutverk (sem
jesúítaprestur) og við gerð myndarinnar var hann ráð-
gjafi leikstjóra og leikara um málefni sem viðkoma
jesúítum.
Myndin hlaut gullpálmann á kvikmyndahátíðinni í
Cannes á síðasta ári.
Meðan á myndatökum í Kólumbíu og Argentínu stóð
skrifaði Daniel dagbók. Hér á eftir fara nokkur brot úr
henni:
28 VI KAN 6. TBL