Vikan - 05.10.1989, Blaðsíða 6

LEIKLI5T
Það vor vard
Finnlandsera
Borgar Garðarsson í Vikuviðtali um leiklist, Finnlanc
og fleira
Borgar í inikilvægasta hlutverki sinu, pabbahlutverkinu. „í því hlutverki hef ég enga
samkeppni og algjöran trúnað," segir Borgar. Dóttirin heitir Silja María og er fjögurra
ára.
TEXTI: GUÐRÚN ALFREÐSDÓTTIR LJÓSM.: MATIAS UUSIKYLÁ
Hvað varð um Borgar Garðarsson
leikara? spyrja sig eflaust ýmsir
sem muna eftir hinum ágæta leikara
á sviðinu í gamla Iðnó og víðar. Þó
vita trúlega margir sem er að Borgar
hefur búið og starfað í Finnlandi í
mörg ár. Þar komst hann hvað næst
því að finna það sem hann leitaði að,
í listinni og lífinu. Borgar hefur að
undanförnu starfað hér heima við
upptökur á samnorrænu sjónvarps-
óperunni Vikivaka, sem byggð er á
samnefndri sögu Gunnars Gunnars-
sonar rithöfundar. Þar áður lék hann
í mjög svo rómaðri leiksýningu á
vegum Lilla Teatern í Helsinki.
Blaðamaður Vikunnar átti eftirfar-
andi viðtal við Borgar í Finnlandi.
Leikferill Borgars hófst er hann var á
síðasta ári í Leiklistarskóla Leikfélags
Reykjavíkur. Fyrsta hlutverkið var Láki í
leikritinu Hart í bak eftir Jökul Jakobsson,
sem frumsýnt var í Iðnó 1962. „Reyndar
lék ég hlutverkið ekki „nema“ rúmlega
hundrað sinnum því ég kom ekki í hópinn
fyrr en á miðju leiktímabilinu." Stuttu síð-
ar lék hann svo hlutverk Rómeós í Rómeó
og Júlíu og eftir skólann fór hann beint á
samning hjá LR. „Það var bæði gott og
slæmt að fá strax svo vænan byr. Auðvitað
þótti mér það ákaflega heppilegt þá því ég
var óþolinmóður ungur maður — sem ég
raunar er enn — og vildi láta hlutina gerast
fljótt. En þegar ffá leið fannst mér eins og
ég hefði svolítið farið á mis við skólanám-
ið. Mér fannst eins og undirstaðan væri
ekki nógu traust."
6 VIKAN 20. TBL. 1989