Vikan - 13.12.1990, Blaðsíða 44
TEXTI: ÞÓRDÍS BACHMANN
Idaglegu tali ganga þeir
undir nafninu Rikshaw en
á bak viö nafn hljómsveit-
arinnar eru fjórir hugsandi
menn með ákveðnar skoðanir.
Þeir stefna hátt, aetla sér inn á
alþjóðlega tónlistarmarkaðinn
með sína vöru og þess vegna
hafa textar þeirra ævinlega
verið á ensku. I þessu spjalli
segja þeir lesendum Vikunnar
skoðanir sínar á aðdáendum,
blaðamönnum, eiturlyfja-
neyslu, stjórnmálum og síðast
en ekki síst þjóðaríþrótt ís-
lendinga sem oftast er kennd
viö Gróu á Leiti.
Við sitjum uppi á Gauk á
Stöng, Richard Scobie, Sig-
urður Gröndal og blaðamaður
Vikunnar. Auk þeirra tveggja
skipa hljómsveitina þeir Ingólf-
ur Guðjónsson og Sigfús Ótt-
arsson. Þeir félagar segja í
fyrstu frá nýútkominni plötu
sinni, Englum og djöflum.
Richie söngvari samdi alla
texta plötunnar og segir þema
textanna vera lífið sjálft og
heiti hennar tilvísun í eðli
mannsins. „Við erum ósköp
venjulegir menn sjálfir, hvorki
algóðir né alvondir," segir
Richie. „Á þessari plötu er
fjallað um dauða og sorg,
gleði, ástríður, innri baráttu,
eiturlyf og vændi." Hafa þeir
félagar persónulega reynslu af
neyslu eiturlyfja?
RS: Okkur voru oft boðin fíkni-
efni þegar við vorum að byrja í
bransanum og við höfum séð
margt gott fólk afvegaleiðast í
blekkingarvef eiturlyfjanna.
Fólk fer inn í einhverja þoku,
það einsetti sér ekki í upphafi
að eyðileggja sjálft sig en sér
ekki hvað það er að gera.
Sumir fæðast illa bæklaðir og
aðrir liggja langlegu áratugum
saman og þrá það eitt að geta
átt eðlilegt líf. Þarna horfir
maður á heilbrigt fólk sem vís-
vitandi eyðileggur það eina líf
sem því er gefið með drykkju
og neyslu annarra vímugjafa
og það er afar sorglegt. Ég
vorkenni þessu fólki að vissu
leyti að vera svona veikgeðja
Frh. á næstu opnu
44 VIKAN 25. TBL. 1990
UÓSM: BINNI