Vikan - 20.01.1995, Page 43

eigum að þekkja vel skilin á
milli þess sem við eigum að
taka og þess sem við eigum
ekki að koma nálægt. Við
tökum ekki undir neinum
kringumstæðum við fólki
sem er kannski ennþá undir
læknishendi. Við viljum að
læknirinn gefi því leyfi til að
fara í ákveðnar sýrumeð-
ferðir. Að því leyti mættu
snyrtifræðingar og húðsjúk-
dómalæknar vinna betur
saman en þeir hafa gert
hingað til. Læknarnir nota
sömu efni og við, en sterkari
sýrur, og þegar fólk er komið
með húðsjúkdóm, þannig að
öll starfsemi er úr skorðum
gengin, gefur það augaleið
að 40% sýra bítur ekki á
það.“
OFNÆMI
Talið er að 3% af þeim,
sem nota snyrtivörur,
sjampó, hárnæringu og húð-
krem, fái ofnæmi. Linda seg-
ir að það sé ekki meira um
að fólk fái ofnæmi af krem-
um, sem innihalda ávaxta-
sýrur, en af öðrum snyrtivör-
um. „Ég hef verið með fólk í
meðferð sem er með slæmt
ofnæmi og ávaxtasýrurnar
hafa reynst betur en ofnæm-
iskrem sem ég hef haft.
Margir, sem þola engin
krem, þola sýrurnar.“
Linda ráðleggur konum
sem eru með áblástur að
koma ekki í sýrumeðferð.
„Ég hef heyrt að ef notuð sé
sterk sýra á konu sem er
með frunsu af völdum herp-
es-veiru, en flestir fá þær
vegna þeirrar veiru, gæti
frunsan breiðst út um andlit-
ið. Ég, fyrir mitt leyti, mundi
ekki einu sinni taka við konu
sem væri með frunsu."
Linda segir að talið sé að
það taki mjög langan tíma
að mynda ofnæmi fyrir AHA-
sýrum. „Það kemur einstaka
sinnum fyrir að kona verður
strax rauð eftir að hafa borið
á sig krem sem inniheldur
AHA-sýru. Fyrir þær, sem
eru hræddar við að fá of-
næmi, er besta ráðið að
bera krem á lítinn blett á
handleggnum til að athuga
hver viðbrögðin verða. Það
er það lítið um ofnæmi með-
al þeirra kvenna sem nota
merkið sem ég er með, M D
Formulation, að framleið-
endurnir endurgreiða vöruna
ef konan þolir ekki kremið."
□
ÞÓRDÍS BACHMANN SKRIFAR
TÆKNIN í ÞÁGU
UTLITSINS
GETUR TRIMFORM BÆTT ÖLL OKKAR MEIN?
Þau okkar sem þjást af leti eða agaskorti hrökkva upp við vondan draum einn góðan veðurdag,
sem sé þann að endurnýja þarf allt í fataskápnum, ekki af því að fötin séu slitin, nei, af því að
maður kemur þeim ekki að sér lengur. Þegar við agaleysið bætast kyrrsetur, ónóg útivera, kaffi-
drykkja og reykingar er ekki von á góðu. Þetta ástand er nefnilega ekki komið til af því að fólk hafi
skyndilega bætt svo miklu við sig í mat eða drykk.
Skýringin er sáraeinföld: Á vissu stigi ræður líkam-
inn ekki lengur við að skola út öllum þeim eiturefnum
sem hafa safnast upp í gegnum árin. Þá er eins og
hann gefi út yfirlýsingu um að hann geti ekki meira og
blæs þess í stað út.
Hver eru þá þessi „eiturefni"? Við þekkjum mörg
þeirra; efst á blaði eru fita, sykur, kaffi, gosdrykkir,
áfengi, og unninn matur, t.d. áleggskjöt sem er úttr-
oðið af natríumi. Undir „eitraða" fæðu flokkast öll
fæða sem búiö er að „eyðileggja“ með reykingu eða
salti, svo sem hangikjöt og skinka.
Allir vita að nikótín er líka ofarlega á eiturefnablað-
inu en það sem kemur á óvart er að fæða á við
brauðost skuli vera hættuleg, en natríummagnið í
FYRIR
EFTIR
þeim osti er allt of hátt.
Hvernig er svo hægt að nota
tæknina sér til hjálpar? Þar kemur
Trimform til sögunnar, en Trimform-
tækjunum má beita til fitubrennslu,
vöðvaþjálfunar, grenningar og
styrkingar, til að laga vöðvabólgur
og appelsínuhúð, þvagleka, halda
niðri brjósklosi, lækna tognun og
slæmt mar og bólgur, gigt og
klemmdar taugar. Þegar þar við
bætist að Trimform má nota til
húðstrekkingar í andliti og ekki
síst á hálsi er Ijóst að hér er um
að ræða sannkallað undratæki.
Stóra spurningin hlýtur vitanlega
að vera: Skilar það árangri? Svar-
ið er játandi, eftir nokkra tíma á
bekknum sá blaðamaður Vikunnar
töluverðan mun á umfangi sínu og
vöðvabólgurnar höfðu rénað. Svið-
inn í öxlunum minnkaði að mun
strax eftir fyrsta tímann en ég var
orðin hrædd um að ekki yrði aftur
snúið hvað vöðvabólguna varðaði.
Með sogæðanuddi er hægt að losa bjúg og hluti af galdrinum er að drekka tvo lítra af vatni daglega á
meðan fólk er í meðferðinni. Trimform getur líka hjálpað sykursjúkum en blóðstreymi til útlima verður lé-
legt hjá þessum sjúklingum.
Sinaskeiðabólgu er hægt að lækna með handabaði og með Trimformi er hægt að koma lifi í sár sem
komið er drep í þannig að þau gróa á nokkrum mínútum! Hjá Trimformi Berglindar við Grensásveg er
einnig boðið upp á vatnsnuddbekk, sem losar um allar bólgur og vöðvaverki á undraskömmum tíma.
Tíminn hjá Trimformi Berglindar kostar 700 krónur.
Hjá Trimformi Berglindar er aðallega verið að fást við fitubrennslu og vöðvabólgu. Þar er hægt að láta
Trimformið hamast á hnútunum í bakinu og fá rassinum lyft í leiðinni. Sem bónus er svo endorfínstöð í
mjóbaki örvuð svo orkan eykst að mun sólarhringinn sem tíminn er tekinn. Sannkölluð lífsnauðsyn í
skammdeginu.
Trimform hefur verið notað á dönskum sjúkrahúsum í tuttugu ár, m. a. til þess að viðhalda lömuðum
vöðvum sjúklinga í dái og eyða bólgum. □
Arangur sem náöist viö notkun Trimforms hjá Berglindi viö Grens-
ásveg. Þar er aöallega fengist viö fitubrennslu og vöóvabólgu.
l.TBL. 1995 VIKAN 43
LÍKAMINN