Vikan - 07.12.1999, Side 52

Kæri póstur,
Það eru tvö ár síðan ég byrjaði að
vera með manni sem ég elska mikið.
Við höfum búið saman síðan í vor og
það gengur allt vel hjá okkur nema
eitt, en það er kynlífið.
Við elskurn hvort annað mikið og
langar til að elskast, en það er bara
ekkert sérstaklega gott. Hann er ofsa-
lega fljótur og mér finnst eins og það
skipti hann engu máli hvort mér finnist
þetta gott eða ekki. Mér finnst eins og
hann hafi ekkert sérlega gaman af
þessu heldur, það sé meira af þörf en
ánægju. Við höfum aldrei talað um
kynlíf og ég vil ekki fara að særa hann
með því að minnast á þetta, en ég hef
samt áhyggjur af því.
Áttu einhver góð ráð?
„Silly“
Kæra „Silly"
Ég skil vel að þú hafir áhyggjur af
þessu því þetta er talsvert alvarlegt
mál. Það er alveg sama hversu mikið
fólk elskast, hjónaband eða sambúð
getur aldrei blessast ef fólk á ekki gott
kynlíf og getur ekki einu sinni rætt
saman um vandamál sín.
Ég er hrædd um að þú VERÐIR að
tala um þetta við hann hvort sem ykk-
ur líkar það betur eða verr. Ef þú ert
hrædd um að særa hann, verður þú að
fara varlega að honum. Það er mjög
sennilegt að honum finnist ekkert
gaman í rúminu heldur, fyrst hegðun
hans er svona og það hlýtur því að
vera hans hagur að ræða málið ekki
síður en þinn.
Þú gætir byrjað á að spyrja hann
hvað honum finnist um kynlíf ykkar.
Kannski segir hann að sér finnist það
allt í lagi, bara til að þóknast þér, en þú
mátt ekki hætta við svo búið. Þú verð-
ur að segja hvað þér finnst og gera
honum grein fyrir að þú viljir bæta
kynlífið með einhverjum ráðum og láta
hann koma með uppástungur um
hvernig hægt sé að gera það. Þannig
gerir þú hann samábyrgan fyrir vellíð-
an ykkar beggja.
En að sjálfsögðu þarft þú sjálf að
gera þér grein
fyrir því hvað þú
vilt fá út úr samlífi ykkar
og vinna að úrbótum.
Lestu þér til um
málið, skoðaðu
huga þinn
og reyndu
síðan að vinna
hægt og ákveðið að því að koma sam-
lífi ykkar í þann farveg að þið séuð
bæði ánægð og hamingjusöm.
Spurningar má
senda til „Kæri
Póstur“ Vikan,
Seljavegi 2, 101
Reykjavík. Farið er
með öll bréf sem
trúnaðarmál og
þau birt undir
dulnefni.

Það er engin hjálp í
honum Hott hann fari
með mér að versla.
lú, auðvitað elska eg þig.
Það er bara fatasmeMur
linn. stiórnmálaskoðanir og
legðun sem mér tinnst þu
þurfa að breyta.
52 Vikan