Vikan - 16.05.2000, Blaðsíða 29

þeim leið saman. Þegar leið
að útskrift hjá þeim tilkynnti
Óskar mér að þau ætluðu að
gifta sig í júlí og fara að vinna
úti á landi næsta vetur. Móð-
ir Láru hringdi til mín og vildi
leggja á ráðin um brúðkaup-
ið. Eg sagði henni að ég hefði
litla skoðun á þessu, þau gætu
bara ráðið þessu en ég vildi
bara greiða minn hlut. Þá til-
kynnti hún mér að þau ættu
nóg að peningum, ég væri nú
ein á báti og því ætti ég ekki
að hafa áhyggjur af því. For-
eldrar Láru sáu alfarið um allt
og ég jánkaði bara öllum
þeim tillögum sem komu
fram.
Brúðkaupsdagurinn rann
upp. Mér leið svo illa um
morguninn að ég kastaði upp.
Ég reyndi að halda andlitinu
allan daginn og þegar Lára
gekk inn kirkjugólfið, gullfal-
leg að vanda, minnti hún helst
á prinsessu. Flestar mæður
hefðu grátið af hamingju á
þessum degi en mín tár voru
sprottin af eigingirni og reiði.
Lára var búin að taka minn
stað og mér leið eins og ég
væri orðin hlutverkalaus. Lífi
mínu var lokið á brúðkaups-
degi sonar míns. Óskar þekkti
mig vel og í veislunni kom
hann til mín og bað mig að
hitta sig afsíðis. Við höfðum
aldrei rifist eða orðið sund-
urorða áður en Lára kom til
sögunnar en ég sá strax að
hann var öskureiður. Við
stóðum inni á skrifstofu sem
við fundum afsíðis í veislu-
salnum og horfðumst í augu.
Hann tjáði mér að ég væri
mjög ósanngjörn. Þetta væri
mesti gleðidagur hans í lífinu
og það minnsta sem ég gæti
gert fyrir hann væri að sam-
gleðjast honum. Hann þakk-
aði mér fyrir alla þá ást og
umhyggju sem ég hefði gefið
honum í gegnum árin en
minnti mig líka á að það hefði
verið mitt val að helga mig
honum og hans lífi. Hann yrði
mér ætíð þakklátur fyrir það.
Pabbi hans hefði ekki viljað
að ég liti út eins og ég væri
við j arðarför þegar einkason-
urinn gifti sig. Ef ég ætlaði að
vera áfram svona fúl og köld
í brúðkaupinu væri kannski
best að ég myndi yfirgefa
veisluna. Mér varð allri lokið.
Ég fór að hágráta og sagði
Óskari hvernig mér liði og
væri búið að líða á undan-
förnum mánuðum. Við rædd-
um málin ítarlega og gestirn-
ir hafa áreiðanlega velt því
fyrir sér hvað hafi orðið um
brúðgumann. Skyndilega fór
ég að sjá hlutina í nýju ljósi og
af einhverri skynsemi. Ég
hafði hagað mér eins og kjáni
og í rauninni óafsakanlega.
Eftir uppgjörið okkar reyndi
ég að laga mig til og jafna mig.
Ég fór svo aftur fram til gest-
anna og það var önnur kona
sem gekk út af skrifstofunni.
Lára er algjör gullmoli
Við veislulokin faðmaði ég
Láru þétt og sagði að hún
væri fallegasta brúður sem ég
hefði séð og hún ætti margar
afsökunarbeiðnir inni hjá
mér sem ég ætlaði að skýra
henni frá við betra tækifæri.
Ég sagði henni líka að hún
væri hetja að hafa getað hugs-
að sér að giftast manni sem
ætti svona fjandsamlega móð-
ur. Tár láku niður kinnar
hennar og hún þakkaði mér
fyrir að segja þetta. Seinna
skýrði Óskar mér frá því að
Lára hefði á tímabili verið að
hugsa um að hætta við brúð-
kaupið vegna hegðunar
minnar. Þegar þau komu
heim úr brúðkaupsferðinni
átti ég langt og gott spjall við
Láru. Hún var svo yndislega
skilningsrík. Hún sagði að ég
hefði alltaf verið svo mikil
fyrirmyndarmamma og líf
mitt snúist um Óskar. Hún
ætlaði ekki að taka mína
stöðu gagnvart honum, hann
þyrfti á sinni mömmu að
halda áfram því ég væri svo
miklu meira en mamma hans,
ég hefði líka verið í föðurhlut-
verki auk þess að vera hans
besti vinur. Hún sagðist vona
að seinna gæti ég litið á hana
sem vinkonu. Ég skammast
mín alveg ofboðslega mikið
fyrir hegðun mína gagnvart
þessari yndislegu ungu konu.
Núna erum við miklar vin-
konur og ég hefði ekki getað
fengið betri tengdadóttur.
Mér þykir eins vænt um hana
núna og hún væri mín eigin
dóttir. Þau Óskar tilkynntu
mér fyrir stuttu að ég væri að
verða amma; Lára gengur
með tvíbura. Ég sé því fram
á að hafa nóg að gera í ömmu-
hlutverkinu auk þess sem ég
á orðið góðan vin.
Lesandi segir
Margréti V.
Helgadóttur
sögu sína
Vilt þú deila sögu þinni með
okkur? Er eitthvað sem hefur
haft mikil áhrif á þig, jafnvel
breytt lífi þínu? Þér er vel-
komið að skrifa eða hringja til
okkar. Við gætum fyllstu
nafnleyndar.
I lciiiiilislaii)!i(l cr: Vikan
- „Lífsrcynslusagatk, Scljavcmir 2,
101 Rcykjavík,
Ndfaiií!: vikan@froili.is
Vikan
29