Menntamál - 01.06.1943, Page 12

2
MENNTAMÁI,
bótamaður. Er mikill sjónarsviftir að honum frá hinum
margháttuðu störfum, sem hann helgaði líf sitt. Ég hygg,
að í sambandi við Aðalstein, sé réttmæli að segja, áð maður
helgi sig starfi. Hann var svo heill í skapgerð og fylginn
hverju því máli, er hann var viðriðinn, að alúð hans öll
var lögð í hvert viðvik.
Að vísu mun ýmsum hafa þótt stundum gæta þybbni
og sjálfræðisháttar í störfum hans, en á það ber að líta,
að hver og einn hefur sinn eigin svip og ber fyrst og fremst
að meta árangur. Og þó að segja megi, að maður komi í
manns stað, verður vandfyllt skarð Aðalsteins, því að hann
var sérstæður.
Hans mun lengi verða minnzt í sögu uppeldis- og æsku-
lýðsmála frá þessu tímabili. Og helfregn hans orkaði á hug-
ina, eins og slegið væri til hljóðs fyrir uppörfuninni: Starf-
ið meðan dagur er á lofti. — Líf Aöalsteins var þrotlaust
og mikilsvert starf. Þeir, sem þekktu hann vel, þakka hon-
um ágæta samferð og óska honum framhaldslífs í sam-
ræmi við hugsjónir hans.
G. M. M.