Menntamál - 01.06.1943, Blaðsíða 14

4
MENNTAMÁI.
styðja hann til einhvers náms, umfram venjulega barna-
fræðslu. 1911 brá Sigmundur búi og fluttist til Akureyrar.
Þar hóf Aðalsteinn prentnám hjá Oddi Björnssyni, prent-
smiðjustjóra, en þeir voru vinir Sigmundur og hann. Jafn-
framt hóf Aðalst. nám í iðnskóla Akureyrar. Þar lauk hann
ágætu burtfararprófi 1913, eftir tveggja vetra nám. Prent-
námi lauk hann þó ekki, því að hugurinn beindist þá inn
á aðra braut, eins og síðar mun sagt verða.
Á Akureyri kynntist Aðalst. ungmennafélagshreyfing-
unni og varð heillaður af henni. Tók hahn þátt í störfum
U. M. F. Akureyrar með lífi og sál. Var hann alla tíð síðan
hinn traustasti og bezti ungmennafélagi.
Mjög snemma hneigðist Aðalsteinn að uppeldis- og
fræðslumálum. Því var það, að hann lauk ekki prentnámi.
1916 fór hann í II. bekk kennaraskólans. Á Akureyri hafði
hann notið ágætrar kennslu í íslenzku hjá Adam Þorgríms-
syni frá Nesi og lagði Aðalst. jafnan mikla rækt við að
efla þekkingu sína í íslenzkri tungu og bókmenntum. Einn-
ig hafði hann mikið yndi af náttúrufræði og aflaði sér
víðtækrar þekkingar í þeirri grein. Árið 1917—18 féll
kennsla niður í kennaraskólanum vegna dýrtíðarráðstaf-
ana. Þann vetur dvaldi Aðalsteinn heima í sveit sinni og
stundaði kennslustörf. Haustið 1917 samdi hann fyrirlestur
um uppeldi, sem prentaður var á Akureyri. Mun það vera
fyrsta rit Aöalsteins, sem birtist á prenti. Fyrirlestur þessi
sýnir bæði þekkingu, áhuga og framsýni þessa tvítuga
manns, á uppeldismálum þjóðarinnar.
Veturinn 1918—19 var Aðalst. í III. b. kennaraskólans og
tók ágætt próf um voriö, þótt mikil veikindi hefðu tafið
allt skóiastarf, svo sem kunnugt er. Þann vetur dó Guö-
mundur Magnússon, skáld. Var kært með þeim frændum,
Aðalsteini og honum. Guðm. skáld mun hafa séð hvað í
hinum unga manni bjó og studdi hann með ráðum og dáð,
á námsbrautinni. Aðalsteinn missti því mikið, er Guðm.
féll frá og harmaði hann mjög. Mér er það minnisstætt,