Menntamál - 01.02.1944, Page 26

44
MENNTAMÁL
smátt lærði kennarinn að skilja, að vöxturinn með sín-
um knýjan'di krafti, hið frumstæða skapandi afl, er
sjaldan fínt, fágað eða nákvæmt. Því fylgir rót í huga,
hvikular hugsanir og óhamdar hreyfingar, áður en skeiðið
er runnið, og fegurð, mýkt og friður ná völdum.“
Við snerum talinu að samstarfi skólans og heimilanna,
en það er annar meginþátturinn í starfi dr. Patri, sem
orð hefur af farið. Hann er ráðgjafi foreldra þar í ná-
grenninu í vandamálum þeirra og sjálfsagður dómari í
málum, sem snerta börn og unglinga. — Steingrímur Ara-
son varpaði fram spurningunni: ,,Hvað álítið þér um
kynningarstarf milli skólanna og foreldranna, foreldra-
fundi og annað þess háttar, sem miðar að aukinni kynn-
ingu milli skóla og heimilis?“ Gamli maðurinn þagði við
um stund. „Ja, ég veit ekki hvað segja skal,“ sagði hann
svo og brosti. Þá færðist hann í aukana og mælti: „Sko,
þegar skólinn er hluti af umhverfinu eins og okkar skóli
er orðinn, þá þarf ekki framar að hugsa upp ráð til þess
að fá kennara og foreldra til þess að kynnast og ræða
saman. Hér ganga foreldrarnir út og inn og sjá allt,
sem fram fer. Mæðurnar skilja börnin sín stundum eftir
hér í skrifstofunni hjá mér, þegar þær fara í vinnu, og
við reynum alltaf að líta eftir fyrir þær og hjálpa til,
ef þær þurfa með. Skólinn okkar er í þjónustu fólksins
hér í umhverfinu, ekki aðeins barnanna, heldur allra.
— Foreldrafundir og allt annað umstang af því tagi er
aðeins til að sýnast, það hefur enga verulega stoð, þegar
til lengdar lætur.“
Vegna sérstöðu Steingríms Arasonar meðal gestanna,
bauð dr. Patri okkur að borða með sér hádegisverð. Við
snæddum í matsal skólans, en hann er mjög stór. Geta
nemendur keypt sér þar málsverð við vægu verði, og
nota þeir sér það yfirleitt. Þetta tíðkast mjög í skólum
vestra.
Margt bar á góma um skólann og ýmis uppeldismál á