Menntamál - 01.02.1945, Qupperneq 8

34
MENNTAMÁL
verður í Bandaríkjunum er yfirleitt létt máltíð, og þarna
fengu börnin mest mjólk, brauð, grænmeti og ávexti.
Eftir máltíð voru umræður um ýmis mál, sem börnin
höfðu fengið áhuga á í svipinn, eða um þau efni, sem á
einhvern hátt varðaði daglegt líf þeirra. — Ég var við-
staddur einar slíkar umræður, og mig rak í rogastanz,
hve börnin voru óhikandi í. málflutningi sínum og fyrir-
spurnum. Var auðheyrt, að þau höfðu fengið æfingu í
þessu. Kennarinn hvatti þau mjög til þess að koma fram
með sjálfstæðar skoðanir og lagði að síðustu fyrir þau
spurningu til íhugunar fyrir næsta dag.
VI.
í hinum almennu námsgreinum er kennslu svo háttað
í skólanum, að kennt er eftir ákveðinni skrá eða áætlun,
sem kennararnir gera sér í byrjun hvers misseris. Er
haldið sér allrækilega við áætlunina, en þó tekinn tími
til athugunar á þeim hlutum, sem allra athygli beinist að
í þann svipinn. — Þannig varð árásardagurinn á Pearl
Harbor (7. des. 1941) til þess að breyta að mun sögu- og
landafræðikennslustundunum. — Enda má raunar með
sanni segja, að sá dagur hafi yfirleitt breytt mjög öllum
anda og kennslu í skólunum vestra.
Landafræðikennarinn var belgisk kona, sem hafði mjög
sérstæða kennsluaðferð. Þegar ég sá til hennar, sat hún
úti í horni og svaraði spurningum, en börnin voru í óða-
önn að setja nöfn, fjöll og gróðurlendi á geysistórt kort
af Suður-Ameríku. Þegar börnin komu til hennar og
spurðu hana óð og uppvæg, átti hún það til að vísa þeim
á einhverja bók í skólabókasafninu, þar sem þau gætu
fengið spurningunni svarað. Einhver varð þá að skokka
eftir bókinni. Síðan lagðist allur hópurinn og krunkaði
yfir henni, þangað til þau höfðu fundið það, sem þau leit-
uðu að. — En stundum átti kennarinn það líka til að lýsa
fyrir þeim einstökum atriðum sjálf, og það gerði hún af