Menntamál - 01.04.1957, Page 88

74
MENNTAMÁL
myndum, þannig a8 barnið getur sjálft talið t. d. hvað 2x4
er mikið eða 2x5 o. s. frv. Er það mikill kostur.
Allir kennarar þekkja, hve erfitt er að kenna börnum
brotareikning án hjálpartækja. Mörgum mun reynast það
bæði tímafrekt og erfitt starf. Þar er því mikil þörf hjálp-
artækja, til að auðvelda kennaranum starfið og hjálpa
skilningi nemendanna.
Fyrst og fremst þarf barnið að skilja, hvað brot er og
hvað tölur þess (teljari og nefnari) þýða í raun og veru.
Þá ríður á að barnið skilji vel, hvað raunverulega gerist,
þegar brot eru stytt eða lengd o. s. frv.
Til að auðvelda börnum skilning á þessu, ásamt brota-
reikningi með lágum tölum, hefur nú hr. Sv. Færgemann
skólasálfræðingur fundið upp brotaöskjuna, sem hér birt-
ist mynd af.