Menntamál - 01.08.1970, Side 23

Pálmi Jósefsson,
heiðursfélagi
Sambands íslenzkra
barnakennara
Á 21. fulltrúaþingi Sambands íslenzkra barnakennara 1970 var Pálmi Jósefs-
son, fv. skólastjóri, kjörinn heiðursfélagi samtakanna. Pálmi er fæddur 17. nóv-
ember 1898 á Finnsstöðum í Saurbæjarhreppi, Eyjafirði. Hann lauk gagnfræða-
prófi á Akureyri 1917 og kennaraprófi frá Kennaraskóla íslands 1923. Hann las
eðlisfræði í George Heriot College í Edinborg 1930—31 og sótti þá einnig
fyrirlestra í uppeldis- og sálfræði við Edinborgarháskóla.
Pálmi var kennari í Saurbæjarhreppi 1917—21 og við Barnaskóla Reykjavík-
ur frá 1923. Yfirkennari var hann við Miðbæjarskólann árin 1936—38 og 1945—
48. Skólastjóri var hann við sama skóla í fjarveru skipaðs skólastjóra frá árs-
byrjun 1949—1954, en þá var hann skipaður skólastjóri og gegndi því starfi
til ársins 1969 að hann lét af því sökum aldurs.
Pálmi tók mikinn þátt í félagsstörfum kennara um fjölda ára og verður fátt
eitt talið hér. Hann var mörg ár í útgáfunefnd ,,Menntamála“. í stjórn Sam-
bands íslenzkra barnakennara var hann frá 1934—56, formaður í 2 ár og fé-
hirðir í 20 ár. Hann átti sæti í stjórn B.S.R.B. 1945—48. Hann hefur verið full-
trúi S.Í.B. í Ríkisútgáfu námsbóka frá 1956. Pálmi átti sæti í fræðslulaganefnd-
inni 1936 og nefnd, sem samdi námsskrá fyrir barna- og unglingaskóla útg.
1960.
Pálmi hefur skrifað kennslubækur fyrir barna- og unglingaskóla, sem hlotið
hafa viðurkenningu og vinsældir, t. d. eðlisfræði, dýrafræði og heilsufræði.
Eins og sjá má af þessu stutta yfirliti um menntun og störf Pálma Jósefsson-
ar hefur hann helgað lífsstarf sitt fyrst og fremst kennslu og uppeldi. Hann
hefur reynzt ágætur kennari og skólastjóri og verið traustur og farsæll forustu-
maður stéttar sinnar. Pálmi er í eðli sínu hlédrægur og maður orðvar, en
vegna óumdeildra verðleika komst hann ekki hjá því að vera valinn í forustu-
sveit stéttar sinnar.
Samband íslenzkra barnakennara þakkar Pálma Jósefssyni ágæt störf og
fagnar honum sem heiðursfélaga. SKÚLI ÞORSTEINSSON
MENNTAMÁL
137