Vorið - 01.03.1959, Blaðsíða 17
V O R I Ð
13
En í þessu kallaði mamma úr
eldhúsdyrunum. — María og Knút-
ur. Eruð þið að líta eftir hreiðri
þeirra Pipp og Vipp?
— Já, sagði María. Þú ættir að
sjá, hvað það er fallegt.
— Ég trúi því vel, sagði mamma.
En þið megið ekki gægjast oft upp
í það, því að þá fælið þið Pipp og
konuna hans burt, svo að þau þora
ef til vill ekki að búa hér á Elauka-
ási.
— Við fælum þau ekki burt. —
Við vorum bara að skoða hreiðrið.
— En það er ekki víst, að fuglarn-
ir skilji það, sagði mamma. Það get-
ur verið, að þeir álíti að þið ætlið
að skemma hreiðrið.
Skemma hreiðrið. Hvers vegna
sagði mamma aðra eins fjarstæðu.
Eins og Maríu dytti nokkum tíma í
hug að skemma hreiðrið hans Pipp!
— Það er bezt, að þið flýtið ykk-
ur niður áður en maríuerlurnar
koma, sagði mamma.
— Já, nú komum við aftur niður,
sagði María. En hana langaði að
vera þar miklu lengur að horfa á
hreiðrið.
Á eftir spjölluðu þau Knútur og
María um það, hvernig Pipp liefði
liðið í Afríku.
— Hann hefur eflaust séð þar
margt fallegt, sagði María.
— Já, ég vildi óska að ég væri far-
fugl, sagði Knútur.
— Heldurðu, að það séu fílar,
þar sem Pipp hefur verið, spurði
María.
— Já, eflaust, svaraði Knútur.
— Einnig ljón?
— Já, sennilega og krókódílar. . .
— í Afríku er stöðugt sumar og
hlýindi, sagði María. — Hugsaðu
þér, þar er enginn vetur.
— En það er nú líka gott að hafa
dálítinn snjó, sagði Knútur. —
Börnin í Afríku geta aldrei gengið
á skíðum eða rennt sér á sleðum.
— Nei, en þau hafa það mjög
skemmtilegt, og losna við allan
þennan klæðaburð, sem við höfum.
-• Sum þeirra ganga alveg nakin.
Og svo verða þau svo brún og
falleg.
— Já, og svo búa þau í svo litl-
um, snotrum húsum, sem eru búin
til úr hálmi og stráum, sagði Knút-
ur.
— Alveg eins og Pipp, — sagði
María. — Ef til vill hafa þeir lært
það af fuglunum.
— Getur vel verið, sagði Knútur.
Svo hættu þau að tala um Afríku
í það skipti.
— Ég hlakka svo lil þegar Pipp
og Vipp eignast litla Pippa og
Vippa, sagði María.
— En fyrst verður Vipp að verpa
eggjum, sagði Knútur. — Og það
verður líklega ekki fyrr en í maí.
— Ég vildi óska að maí væri kom-
inn, sagði María. Og svo söng hún: